'ગબ્બર' પણ બન્યો એરલાઇનની દાદાગીરીનો શિકાર: પરિવારને છોડવો પડ્યો

નવી દિલ્હી  : એરલાઇન્સ કંપનીઓનાં નિયમોનું કારણે વારંવાર પેસેન્જર પરેશાન થવાનાં સમાચારો આવતા રહે છે. આ વખતે એરલાઇન નિયમોનાં કારણે ટીમ ઇન્ડિયાનાં બેટ્સમેન શિખર ધવન શિકાર બન્યા હતા. ભારતીય ટીમ દક્ષિણ આફ્રીકા માટે કેપ્ટાઉન પહોંચી ચુકી છે. ઘણા ખેલાડીઓ પોતાનાં પરિવાર સાથે અહી પહોંચ્યા છે. જો કે ટીમ ઇન્ડિયામાં ગબ્બર નામથી ઓળખાતા ધવન એરલાઇનનાં કારણે પરિવારને સાથે લઇ જઇ શક્યા નહોતા.

1/2.Absolutely unprofessional from @emirates. Was on my way 2 SA with my fam & was told tht my wife and kids can't board the flight from Dubai to SA. Was asked to produce birth certificates & other documents fr my kids at the airport which we obviously didn't have at that moment.

— Shikhar Dhawan (@SDhawan25) December 29, 2017

મુંબઇથી તે પોતાનાં પરિવાર સાથે જ ફ્લાઇટ પર ચડ્યા હતા. જો કે અડધે રસ્તે તેમણે પરિવાર છોડીને જવું પડ્યું હતું. ધવનનાં પરિવારને દુબઇમાં રોકી લેવામાં આવ્યો હતો. શિખર ધવનની પત્ની અને બાળકો પાસે બર્થ સર્ટિફિકેટ સહિતનાં ડોક્યુમેન્ટ્સ માંગવામાં આવ્યા હતા. તે સમયે તેમની પાસે તમામ ડોક્યુમેન્ટ્સ નહોતા. હવે તેઓ દુબઇ એરપોર્ટ પર ડોક્યુમેન્ટ પહોંચે તેની રાહ જોઇ રહ્યા છે.

2/2.They are now at Dubai airport waiting for the documents to arrive. Why didn't @emirates notify about such a situation when we were boarding the plane from Mumbai? One of the emirates' employee was being rude for no reason at all.

— Shikhar Dhawan (@SDhawan25) December 29, 2017

ધવને એરલાઇનનાં કર્મચારીઓ પર નિશાન સાધતા કહ્યું કે, આ તમામ પરિસ્થિતી માટે એરલાઇન જવાબદાર છે. કારણ કે તેઓએ મુંબઇ હતા ત્યારે જ તે વસ્તુ ચેક કરવી જોઇતી હતી. જ્યારે ભારતીય ટીમ હોટલ પહોંચી તો ધવન એકલો પહોંચ્યો હતો. અત્રે ઉલ્લેખનીય છે કે, પીવી સિંધુ સાથે પણ અગાઉ એલાઇન દ્વારા ગેરવર્તણુંક કરવામાં આવી હતી.