56 બોલમાં 219 રન, ફટકાર્યા 18 છગ્ગા અને 23 ચોગ્ગા, આ બેટરે ફટકારી ટી20 ક્રિકેટની સૌથી ઝડપી બેવડી સદી

ક્રિકેટને અનિશ્ચિતતાની રમત કહેવામાં આવે છે. ક્રિકેટમાં ગમે ત્યારે ગમે તે થઈ શકે છે. ટી20 ક્રિકેટમાં કોઈપણ બેટર માટે બેવડી સદી ફટકારવી સપના સમાન છે. પરંતુ ટી20  ફોર્મેટમાં અસંભવ લાગતા રેકોર્ડ પણ બની ગયા છે. એક બેટરે ક્રિકેટના મેદાનમાં ફરી ભીષણ તબાહી મચાવી અને આ ફોર્મેટમાં સૌથી ઝડપી બેવડી સદી ફટકારવાનો વર્લ્ડ રેકોર્ડ બનાવી દીધો છે.

ટી20 ક્રિકેટમાં સૌથી ઝડપી બેવડી સદી
સિંગાપુરના એક બેટરે ટી20 ક્રિકેટમાં સૌથી ઝડપી બેવડી સદી ફટકારતા 56 બોલમાં 219 રન ફટકારી દીધા. સિંગાપુરના બેટર સાગર કુલકર્ણીએ વર્ષ 2008મા રમાયેલી એક ટી20 મેચમાં મરીના ક્લબ માટે 56 બોલ પર 219 રન બનાવ્યા. સાગર કુલકર્ણીએ પોતાની આ ઈનિંગમાં 23 ચોગ્ગા અને 18 સિક્સ ફટકારી હતી. સિંગાપુરનો સાગર કુલકર્ણી ટી20 ક્રિકેટમાં બેવડી સદી ફટકારનાર પ્રથમ ક્રિકેટર પણ છે. મરીના ક્લબ તરફથી રમતા સાગરે આ ક્લબ મેચમાં ધમાલ મચાવી હતી. તેની ઈનિંગની મદદથી ટીમે 20 ઓવરમાં 368/3 નો વિશાળ સ્કોર બનાવ્યો હતો.

આ ખૂંખાર બેટરે રચ્યો ઈતિહાસ
સાગર કુલકર્ણીની આ ઐતિહાસિક ઈનિંગ દરમિયાન તેની સાથે મુલેવા ધર્મીચંદે બેટિંગ કરી, જેણે 44 બોલમાં 89 રન બનાવ્યા. મુલેવા ધર્મીચંદે કહ્યુ- સાગરનો શાનદાર શોટ એક્સ્ટ્રા કવરની ઉપરથી ફટકારવામાં આવેલી સિક્સ હતી, જે કલંગ મેદાનની બહાર નેટબોલ કોર્ટમાં ગયો. સાગર કુલકર્મીએ ત્યારે એશિયન ક્રિકેટ પરિષદને જણાવ્યું- હું નિયમિત ક્રિકેટમાં 1 અને 2 પર બેટિંગ માટે આવું છે, પરંતુ હું દરેક પ્રકારના શોટ પણ રમી શકું છું, જે રીતે મેં બેટિંગ કરી, તે માટે હું ખૂદ ચોંકી ગયો હતો. આ એક શાનદાર અનુભવ હતો અને મેં ક્યારેય વિચાર્યું નહોતું કે આ સિદ્ધિ મેળવી શકીશ.

આ પણ વાંચોઃ ભારતની B ટીમ પણ દમદાર, જુઓ તે અનલકી 11 ખેલાડી, જેને Asia Cup 2025 ન મળી જગ્યા

ટી20 ક્રિકેટમાં કયા-કયા બેટરે ફટકારી બેવડી સદી
સાગર કુલકર્ણી બાદ ત્રણ અન્ય બેટરોએ ટી20 ક્રિકેટમાં બેવડી સદી ફટકારવાનો કમાલ કર્યો છે. સાગર કુલકર્ણીએ વર્ષ 2008મા ટી20 ક્રિકેટમાં બેવડી સદી ફટકારી હતી. ત્યારબાદ વર્ષ 2021મા દિલ્હીના સુબોધ ભાટીએ ઇન્ટર ક્લબ ટી20 મેચમાં સિમ્બા વિરુદ્ધ 259.49ની સ્ટ્રાઇક રેટથી 79 બોલમાં 205 રન બનાવ્યા હતા. આ દરમિયાન ભાટીએ 17 ફોર અને 17 સિક્સ ફટકારી હતી. વર્ષ 2022મા વેસ્ટ ઈન્ડિઝના ઓલરાઉન્ડર રકહીમ કોર્નવાલે અમેરિકામાં એટલાન્ટા ઓપન ટી20 લીગમાં બેવડી સદી ફટકારી હતી. ત્યારે તેણે 77 બોલમાં 205 રન બનાવ્યા હતા, જેમાં 17 ફોર અને 22 સિક્સ સામેલ હતી. એપ્રિલ 2024મા પ્રિન્સ અલાપટ નામના એક બેટરે ત્રિશૂર ડિસ્ટ્રિક્ટ બી ડિવીઝન લીગમાં ઓક્ટોપલ્સ ક્રિકેટ ક્લબ માટે રમતા 75 બોલમાં 23 ચોગ્ગા અને 15 સિક્સની મદદથી 200 રન ફટકાર્યા હતા.

ટી20 ક્રિકેટમાં સૌથી ઝડપી બેવડી સદી ફટકારનાર બેટર
1. સાગર કુલકર્ણી (Marina Club) - 56 બોલમાં 219 રન (વર્ષ 2008)

2. પ્રિન્સ અલાપટ (Octopals Cricket Club) - 75 બોલમાં 200 રન ( વર્ષ 2024)

3. રહકીમ કોર્નવાલ (Atlanta Fire) - 77 બોલમાં 205 રન (વર્ષ 2022)

4. સુબોધ ભાટી (Delhi XI New) - 79 બોલ પર 205 રન (વર્ષ 2011)