20-20 ઓવરોના ફોર્મેટમાં કોઈ પણ બેટ્સમેન માટે ત્રેવડી સદી ફટકારવી લગભગ અશક્ય કહેવાય પરંતુ એક ભારતીય ખેલાડીએ આ પરાક્રમ કરી બતાવ્યું અને ચોંકાવનારી વાત એ છે કે આટલો ધાકડ બેટ્સમેન હોવા છતાં હવે ગૂમનામીના અંધારામાં ધકેલાઈ ગયો છે.
){kind=small}
){kind=logo}
){kind=logo}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=logo}
){kind=logo}
){kind=logo}
){kind=logo}
){kind=small}
){kind=logo}
)
Unique Cricket Records: ક્રિકેટ અનિશ્ચિતતાઓ અને રોમાંચનો ખેલ છે. ક્રિકેટમાં ગમે ત્યારે ગમે તે થઈ શકે છે. ટી20 ક્રિકેટ એ એક એવું ફોર્મેટ છે જેમાં ત્રેવડી સદી ફટકારવી એના વિશે વિચારવું પણ મુશ્કેલ છે. મોટાભાગના લોકોને આ સાંભળીને મજાક લાગે પરંતુ આ 20 ઓવરના ફોર્મેટમાં પણ અશક્ય જેવો દેખાતો રેકોર્ડ બની ચૂક્યો છે. ભારતના એક બેટ્સમેને ક્રિકેટના મેદાનમાં એવી તે તબાહી મચાવી અને ટી20 ક્રિકેટમાં ત્રેવડી સદી ફટકારવાનો વર્લ્ડ રેકોર્ડ બનાવી દીધો.
આ બેટ્સમને કરી છે ટી20 ફોર્મેટમાં ત્રેવડી સદી
ભારતના બેટ્સમેન મોહિત અહલાવતે દિલ્હીમાં 7 ફેબ્રુઆરી 2017નારોજ ટી20 ક્રિકેટમાં ત્રેવડી સદી ફટકારી હતી. વિકેટકીપર બેટસ મોહિત અહલાવતે 39 છગ્ગા અને 14 ચોગ્ગા ફટકારીને એવી તબાહી મચાવી હતી કે વિરોધી ટીમના બોલર દયાની ભીખ માંગતા જોવા મળ્યા હતા. વાત જાણે એમ હતી કે 7 ફેબ્રુઆરી 2017ના રોજ માવી ઈવેલન અને ફ્રેન્ડ્સ ઈલેવન વચ્ચે દિલ્હીમાં એક લોકલ ક્રિકેટ ટુર્નામેન્ટની મેચ રમાઈ હતી. દિલ્હીના બેટર મોહિત અહલાવતે આ મેચમાં માવી ઈલેવન તરફથી રમતા ફ્રેન્ડ્સ ઈલેવન વિરુદ્ધ 72 બોલમાં 300 રન કર્યા. મોહિત અહલાવત દિલ્હી માટે રણજી મેચમાં પણ રમી ચૂક્યો છે. તેને ઋષભ પંત પહેલા દિલ્હી માટે રણજી રમવાની તક મળી હતી.
બેટ્સમેને ફટકાર્યા 39 છગ્ગા અને 14 ચોગ્ગા
મોહિત અહલાવતે આ મેચમાં ફ્રેન્ડ્સ ઈલેવનના બોલરોને ધોઈ નાખ્યા અને 39 છગ્ગા અને 14 ચોગ્ગા માર્યા. મોહિતે એવું તે રૌદ્ર સ્વરૂપ દેખાડ્યું કે ફ્રન્ડ્સ ઈલેવનના બોલરો મોઢું છૂપાવતા જોવા મળ્યા હતા. 21 વર્ષની ઉંમરમાં જ મોહિત અહલાવતે ટી20 ક્રિકેટમાં ત્રેવડી સદી ફટકારી ઈતિહાસ રચી નાખ્યો. મજાની વાત એ છે કે મોહિત અહલાવતે આ મેચમાં 234 રન છગ્ગાથી જ ફટકાર્યા હતા. જ્યારે અન્ય 56 રન ચોગ્ગા મારી કરી નાખ્યા. મોહિત આ મેચમાં માવી ઈલેવન તરફથી ઓપનિંગ કરવા ઉતર્યો હતો. મોહિત અહલાવતની આ ઈનિંગના દમ પર માવી ઈલેવને 20 ઓવરમાં 416 રન કર્યા હતા. ફ્રેન્ડ્સ ઈલેવને આ મેચમાં 216 રનથી હારનો સામનો કરવો પડ્યો હતો.
અંધારામાં ગુમ થઈ ગયો ક્રિકેટર
દિલ્હીનો આ બેટ્સમેન મોહિત અહલાવત હવે ગુમનામીના અંધારામાં ધકેલાઈ ગયો છે. મોહિતના પિતા પવન અહલાવત પણ ક્રિકેટ રમી ચૂક્યા છે. પરંતુ આર્થિક તંગીના કારણે તેમણે ક્રિકેટ છોડીને ટેમ્પો ચલાવવો પડ્યો. મોહિત અલહાવત લાલ બહાદુર શાસ્ત્રી ક્રિકેટ એકેડેમીમાંથી નીકળ્યો છે. જ્યાં ગૌતમ ગંભીર અને અમિત મિશ્રા જેવા દિગ્ગજ ક્રિકેટર્સે પણ ટ્રેનિંગ કરી હતી. મોહિત અહલાવતની ઉમર હવે 29 વર્ષથી વધુ થઈ ગઈ છે. મોહિત હવે સર્વિસીઝ માટે ઘરેલુ ક્રિકેટ રમે છે. મોહિતે 14 ફર્સ્ટ ક્લાસ મેચોમાં 386 રન કર્યા છે, જેમાં 3 અડધી સદી સામેલ છે. 31 List-A મેચોમાં મોહિતે 836 રન રન કર્યા છે. મોહિતે List-Aમાં 5 અડધી સદી ફટકારી છે. ઘરેલુ ક્રિકેટમાં મોહિતે છેલ્લી મેચ 30 જાન્યુઆરી 2025ના રોજ ઓડિશા વિરુદ્ધ રણજી ટ્રોફીની ટુર્નામેન્ટ દરમિયાન રમી હતી. મોહિત આ મેચમાં ફક્ત 1 રન કરી આઉટ થઈ ગયો હતો.
