 "33 બોલમાં સદી ઠોકીને આ ખેલાડીએ મચાવ્યો ખળભળાટ, વૈભવ સૂર્યવંશીથી નીકળ્યો આગળ")
)
IPL 2025માં આ વખતે 14 વર્ષીય વૈભવ સૂર્યવંશીનો ધમાલ જોવા મળી, જેણે માત્ર 35 બોલમાં સદી ફટકારીને તહેલકો મચાવી દીધો હતો. ચાહકો હજુ વૈભવની આ સદી ભૂલી શક્યા ન હતા કે મધ્યપ્રદેશ પ્રીમિયર લીગ 2025 માં અભિષેક પાઠકે ફરી એકવાર માત્ર 33 બોલમાં સદી ફટકારીને T20 ક્રિકેટમાં હંગામો મચાવ્યો છે. આ વિસ્ફોટક સદીની ઇનિંગમાં અભિષેકે વૈભવ કરતા વધુ છગ્ગા ફટકાર્યા.
વૈભવ સૂર્યવંશી કરતા ઝડપી સદી ફટકારી
આજકાલ ભારતમાં મધ્યપ્રદેશ લીગ રમાઈ રહી છે. જેમાં યુવા ખેલાડીઓ ધમાલ મચાવી રહ્યા છે. આ લીગમાં રમાયેલી બુંદેલખંડ બુલ્સ અને જબલપુર રોયલ લાયન્સ મેચમાં અભિષેક પાઠકની વિસ્ફોટક બેટિંગ જોવા મળી હતી. બુંદેલખંડ બુલ્સ માટે બેટિંગ કરતા અભિષેકે માત્ર 33 બોલમાં સદી ફટકારીને T20 ક્રિકેટમાં ધમાલ મચાવી દીધી. આ મેચમાં તેણે 48 બોલમાં 133 રનની ઇનિંગ રમી જેમાં 15 સિક્સર અને 7 ચોગ્ગાનો સમાવેશ થાય છે. આ સાથે તેમણે રાજસ્થાન રોયલ્સના યુવા બેટ્સમેન વૈભવ સૂર્યવંશીને પણ પાછળ છોડી દીધો છે, જેણે IPL 2025માં 35 બોલમાં સદી ફટકારી હતી. જેમાં 11 સિક્સરનો સમાવેશ થાય છે.
Abhishek Pathak has just hita 35 ball 100 in front of me , Madhya Pradesh League . 15 sixes currently , 123 off 40 currently . Ipl scouts watch out #PBKS #IPL2025 pic.twitter.com/pNgDfYRTU9
— Aaryan (@SquadSadda32936) June 21, 2025
બુંદેલખંડ બુલ્સે 19 રનથી જીતી લીધી મેચ
MPL 2025ની 18મી મેચમાં બુંદેલખંડ બુલ્સ અને જબલપુર રોયલ લાયન્સની ટીમો આમને-સામને હતી. આ મેચમાં પ્રથમ બેટિંગ કરતા, બુંદેલખંડે 20 ઓવરમાં 6 વિકેટ ગુમાવીને 246 રન બનાવ્યા. જેમાં અભિષેક પાઠકના 133, કરણના 45 અને ગૌતમ જોશીના 24 રનનો સમાવેશ થાય છે. જબલપુર રોયલ લાયન્સ તરફથી બોલિંગ કરતી વખતે પંકજ પટેલે 4 ઓવરમાં 31 રન આપીને 4 વિકેટ લીધી હતી.
Abhishek Pathak's sky rockets bags the AISECT Skillful 6️⃣s for clearing the ropes in style! ?#adanimpleaguet20 |#adanimadhyapradeshleaguet20 | #adanimpleaguewt20 | #bbuvsjrl pic.twitter.com/y1QuIpNDzu
— Madhya Pradesh League (@MPLeagueT20) June 21, 2025
આ પછી જબલપુર રોયલ લાયન્સ ટીમ ૧૯.૧ ઓવરમાં ૨૨૭ રનમાં ઓલઆઉટ થઈ ગઈ. જબલપુર રોયલ લાયન્સ ટીમના બેટ્સમેનોએ પણ સારી બેટિંગ કરી પરંતુ તેઓ ટીમને જીત અપાવી શક્યા નહીં. જબલપુર તરફથી બેટિંગ કરતી વખતે, ઋતિક ટાડાએ 30 બોલમાં સૌથી વધુ 75 રનની ઇનિંગ રમી. જેમાં તેણે 5 ચોગ્ગા અને 7 છગ્ગા ફટકાર્યા. આ ઉપરાંત, અભિષેક ભંડારીએ ૩૩, સિદ્ધાર્થે ૨૫ અને રિતેશએ ૨૨ રન બનાવ્યા. બુંદેલખંડ બુલ્સ તરફથી બોલિંગ કરતી વખતે, ઓમકાર નાથ સિંહે 4 ઓવરમાં 37 રન આપીને સૌથી વધુ 4 વિકેટ લીધી.
