 "વનડે મેચમાં પહેલીવાર બન્યા 500 રનનો અસંભવ વર્લ્ડ રેકોર્ડ, 2 બેટ્સમેનોએ તોફાની ઇનિંગથી લખ્યો નવો ઈતિહાસ")
Unique Cricket Records: 50 ઓવરના ફોર્મેટમાં રમાતા ODI આંતરરાષ્ટ્રીય ક્રિકેટના ઇતિહાસમાં આજ સુધી એક જ ઇનિંગમાં 500 રનનો રેકોર્ડ બન્યો નથી. ODIમાં સૌથી વધુ સ્કોર બનાવવાનો રેકોર્ડ ઇંગ્લેન્ડના નામે છે. ઈંગ્લેન્ડે 2022માં નેધરલેન્ડ સામેની મેચમાં 498 રન બનાવ્યા હતા. જો કે, એક વખત આ રેકોર્ડ બન્યો છે. જ્યારે 50 ઓવરના ફોર્મેટની રમતમાં 500 રનનો આંકડો સ્પર્શવામાં આવ્યો હતો. આ રેકોર્ડ 2022માં જ બન્યો હતો, પરંતુ તે આંતરરાષ્ટ્રીય મેચમાં નહીં, પરંતુ લિસ્ટ-એ મેચ દરમિયાન બન્યો હતો. બે ભારતીય બેટ્સમેનોએ ધમાકેદાર બેટિંગ કરીને ઐતિહાસિક 500 રનનો આંકડો પાર કર્યો હતો.
'વનડે મેચ'માં 500 રનનો વર્લ્ડ રેકોર્ડ
આ રેકોર્ડ 2022માં વિજય હજારે ટ્રોફીમાં રમાયેલી મેચમાં બન્યો હતો. ભારતમાં આયોજિત આ સ્થાનિક ટુર્નામેન્ટ ODI ફોર્મેટ એટલે કે 50 ઓવરના ફોર્મેટમાં રમાય છે. આ મેચ ગ્રુપ-Cમાં અરુણાચલ પ્રદેશ અને તમિલનાડુની ટીમો વચ્ચે હતી. પ્રથમ બેટિંગ કરતા તમિલનાડુએ 50 ઓવરમાં માત્ર બે વિકેટ ગુમાવીને 506 રનનો વિશાળ સ્કોર બનાવ્યો હતો. ક્રિકેટ ઇતિહાસમાં આ પહેલી વાર બન્યું, જ્યારે કોઈ ટીમે 50 ઓવરના ફોર્મેટની મેચમાં કુલ 500 રન બનાવ્યા.
લિસ્ટ-એ ક્રિકેટમાં 5 સૌથી વધુ સ્કોર (50 ઓવર ફોર્મેટ)
506 રન - તમિલનાડુ vs અરુણાચલ પ્રદેશ, 2022
498 રન - ઇંગ્લેન્ડ vs નેધરલેન્ડ, 2022 (આંતરરાષ્ટ્રીય મેચ)
496 રન - સરે vs ગ્લોક્સ, 2007
481 રન - ઇંગ્લેન્ડ vs ઓસ્ટ્રેલિયા, 2018 (આંતરરાષ્ટ્રીય મેચ)
458 રન - ભારત-એ vs લેક્સ, 2018
બે ભારતીય બેટ્સમેનોએ મચાવી તબાહી
આ મેચમાં તમિલનાડુના ઓપનર સાઈ સુદર્શન અને નારાયણ જગદીશનના બેટથી બનેલા રને ઘમાલ મચાવી હતી. બન્નેએ ચોગ્ગા અને છગ્ગા ફટકારીને બોલરોની હાલત ખરાબ કરી દીધી હતી. જો કે, સુદર્શન 102 બોલમાં 154 રન બનાવીને આઉટ થયો. તેની ઇનિંગમાં 19 ચોગ્ગા અને 2 છગ્ગાનો સમાવેશ થતો હતો. પરંતુ જગદીશનનું બેટ અટક્યું નહીં અને તેણે રેકોર્ડ ઇનિંગ રમીને 277 રન બનાવ્યા. તેના સિવાય બાબા અપરાજિત અને બાબા ઇન્દ્રજીતે અણનમ 31-31 રન બનાવ્યા હતા. 24 ચોગ્ગા અને 15 છગ્ગા સાથે રમાયેલી આ ઇનિંગ સાથે, જગદીશન 50 ઓવરના ફોર્મેટમાં સૌથી વધુ વ્યક્તિગત સ્કોર બનાવનાર બેટ્સમેન બન્યો. તેણે રોહિત શર્મા (264 રન vs શ્રીલંકા) અને અલી બ્રાઉન (268 રન vs ગ્લામોર્ગન)ને પાછળ છોડીને આ રેકોર્ડ પોતાના નામે કર્યો.
435 રનથી મળી હતી જીત
આ પહાડ જેવો ટાર્ગેટ આપ્યા બાદ તમિલનાડુના બોલરોએ અરુણાચલને ફક્ત 71 રનમાં ઓલઆઉટ કરી દીધું અને 435 રનથી વિશાળ વિજય મેળવ્યો. મનિમારન સિદ્ધાર્થની ઘાતક બોલિંગ સામે અરુણાચલનો કોઈપણ બેટ્સમેન વધુ સમય સુધી ક્રીઝ પર ટકી શક્યો નહીં અને એક પછી એક આખી ટીમ ઓલઆઉટ થઈ ગઈ. મનિમારન સિદ્ધાર્થે 5 વિકેટ લીધી. તેમના સિવાય રઘુપતિ સિલામ્બરાસન અને મોહમ્મદને બે-બે વિકેટ મળી. સાઈ કિશોરે એક વિકેટ લીધી.
વનડે આંતરરાષ્ટ્રીય ક્રિકેટમાં ક્યારેય ન બનાવ્યા 500 રન
તમને જણાવી દઈએ કે, વનડે આંતરરાષ્ટ્રીય ક્રિકેટમાં ક્યારેય 500 રનની સિદ્ધિ હાંસલ થઈ નથી. ODIમાં સૌથી વધુ સ્કોરનો રેકોર્ડ ઇંગ્લેન્ડના નામે છે. ઈંગ્લેન્ડે 2022માં નેધરલેન્ડ્સ સામે 498 રન બનાવ્યા હતા. ફિલ સોલ્ટ (122), ડેવિડ માલન (125) અને જોસ બટલર (162)ની તોફાની સદીઓથી ઇંગ્લેન્ડે 50 ઓવરમાં 498 રન બનાવ્યા હતા. ODI આંતરરાષ્ટ્રીયમાં બીજો સૌથી વધુ સ્કોર પણ આ ટીમના નામે છે. 2018માં ઇંગ્લેન્ડે ઓસ્ટ્રેલિયા સામે 50 ઓવરમાં 481 રન બનાવ્યા હતા.
વનડે ક્રિકેટમાં ટોપ 5 સૌથી વધુ સ્કોર
498 રન - ઇંગ્લેન્ડ vs નેધરલેન્ડ, 2022
498 રન - ઇંગ્લેન્ડ vs ઓસ્ટ્રેલિયા, 2018
498 રન - ઇંગ્લેન્ડ vs પાકિસ્તાન, 2016
444 રન - શ્રીલંકા vs નેધરલેન્ડ, 2006
439 રન - દક્ષિણ આફ્રિકા vs વેસ્ટ ઇન્ડીઝ, 2015
)