Vijay Hazare Trophy: યુવા બેટ્સમેન પૃથ્વી શોનો ધમાકો, ફટકારી બેવડી સદી

Vijay Hazare Trophy : પૃથ્વી શોએ 227 રનની ઈનિંગ રમી અને સંજૂ સેમસનનો રેકોર્ડ તોડ્યો. સેમસને 2019માં ગોવા વિરુદ્ધ 212 રનની ઈનિંગ રમી હતી. શોએ પોતાની ઈનિંગમાં 31 ચોગ્ગા અને પાંચ છગ્ગા ફટકાર્યા હતા.  

Updated By: Feb 25, 2021, 03:07 PM IST
Vijay Hazare Trophy: યુવા બેટ્સમેન પૃથ્વી શોનો ધમાકો, ફટકારી બેવડી સદી

જયપુરઃ યુવા બેટ્સમેન પૃથ્વી શો (Prithvi Shaw) એ કમાલનું પ્રદર્શન કરતા વિજય હઝારે ટ્રોફીના મુકાબલામાં ગુરૂવારે અણનમ બેવડી સદી ફટકારી હતી. જયપુરના સવાઈ માનસિંહ સ્ટેડિયમમાં શોએ પુડુચેરી વિરુદ્ધ અણનમ 227 રનની ઈનિંગ રમી છે. 

શોએ વિજય હઝારે ટ્રોફી (Vijay Hazare Trophy) ના ઈતિહાસનો સૌથી મોટો વ્યક્તિગત સ્કોર બનાવ્યો છે. શો સિવાય એલીટ ગ્રુપ ડીના આ મુકાબલામાં સૂર્યકુમાર યાદવે પણ ધમાકેદાર બેટિંગ કરતા 133 રન બનાવ્યા હતા. 

ભારત માટે 5 ટેસ્ટ અને 3 વનડે આંતરરાષ્ટ્રીય રમી ચુકેલા 21 વર્ષના બેટ્સમેન શોએ સંજૂ સેમસનના 212 રનનો રેકોર્ડ તોડ્યો હતો. સેમસને 2019માં ગોવા વિરુદ્ધ આ ઈનિંગ રમી હતી. શોએ પોતાની ઈનિંગમાં 31 ચોગ્ગા અને પાંચ છગ્ગા ફટકાર્યા હતા. 

તેની ઈનિંગની મદદથી મુંબઈએ નિર્ધારિત 50 ઓવરોમાં ચાર વિકેટ પર 457 રનનો વિશાળ સ્કોર બનાવ્યો હતો. આ શોના કરિયરની પ્રથમ લિસ્ટ એ બેવડી સદી હતી. તે લિસ્ટ એમાં બેવડી સદી ફટકારનાર આઠમો ભારતીય બેટ્સમેન બની ગયો છે. 

આ પણ વાંચોઃ નરેન્દ્ર મોદી સ્ટેડિયમ પર Ben Stokes એ ચિટિંગ કરી? આ રીતે ખુલી પોલ, Video Viral

આ સિવાય વિજય હઝારેમાં બેવડી સદી ફટકારનાર ચોથો બેટ્સમેન બન્યો છે. 2018માં વીર કૌશલે ઉત્તરાખંડ તરફથી રમતા સિક્કિમ વિરુદ્ધ 202 રન બનાવ્યા હતા, જે વિજય હઝારે ટ્રોફીની પ્રથમ બેવડી સદી હતી. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube