 "રોહિત નહીં, IPL નો 'હિટમેન' બનવાની તૈયારીમાં છે ટીમ ઈન્ડિયાનો આ ખેલાડી, ખતરામાં 'શર્માજી'નો રેકોર્ડ")
)
IPL 2025: વિરાટ કોહલી અને રોહિત શર્મા, ભારતનું ગૌરવ અને ટીમ ઈન્ડિયાનું જીવન છે. આંતરરાષ્ટ્રીય ક્રિકેટમાં ભારતના સૌથી ફેવરિટ બેટ્સમેને IPL 2025ની તૈયારીઓ શરૂ કરી દીધી છે. બે દિગ્ગજો વચ્ચે માત્ર મેદાન પર જ નહીં પરંતુ રેકોર્ડ લિસ્ટમાં પણ રસપ્રદ રેસ થશે. રોહિતનો સિક્સરનો રેકોર્ડ ખતરામાં છે. પોતાના માસ્ટર ક્લાસ માટે ફેમસ કોહલી IPLમાં ઘણી સિક્સર મારતો જોવા મળે છે. તે રોહિત શર્માના રેકોર્ડની ખૂબ નજીક પહોંચી ગયો છે.
કોણે માર્યા સૌથી વધુ સિક્સ?
જ્યારે આંતરરાષ્ટ્રીય ક્રિકેટમાં સિક્સરની વાત આવે છે ત્યારે રોહિત શર્માનું નામ પહેલા મનમાં આવે છે. પરંતુ આઈપીએલમાં સિક્સરનો સિકંદર ક્રિસ ગેલ છે. આ પછી 3 નામ ભારતીય દેખાય છે. બીજા સ્થાને રોહિત શર્મા પછી વિરાટ કોહલી અને એમએસ ધોની છે. ભલે ક્રિસ ગેલ આઈપીએલ 2025નો ભાગ નથી, તેમ છતાં આ સિઝનમાં તેનો રેકોર્ડ અત્યારે સુરક્ષિત દેખાઈ રહ્યો છે.
ગેલે ફટકારી કેટલી સિક્સર?
ક્રિસ ગેલે તેની IPL કરિયરમાં 142 મેચ રમી છે, જેમાં તેના નામે 357 સિક્સર છે. બીજા ક્રમે રહેલા રોહિત ક્રિસ ગેલથી 77 સિક્સ પાછળ છે. રોહિતે 257 IPL મેચોમાં 280 સિક્સર ફટકારી છે, જ્યારે કોહલીએ 252 IPL મેચોમાં 272 સિક્સર ફટકારી છે. એમએસ ધોનીએ પણ અત્યાર સુધીમાં 264 આઈપીએલ મેચ રમી છે જેમાં તેણે 252 સિક્સર ફટકારી છે.
રોહિત અને કોહલી વચ્ચે થશે જોરદાર ટક્કર
સિક્સરોની રેકોર્ડ લિસ્ટમાં રોહિત શર્મા અને વિરાટ કોહલીની વચ્ચે રેસ જોવા મળશે. 22 માર્ચથી શરૂ થનારી IPL 2025માં RCB ઓપનિંગ મેચ KKR સાથે રમશે. જ્યારે રોહિત એન્ડ કંપની 23મી માર્ચે મેદાનમાં ઉતરશે. રોહિત શર્માથી વિરાટ કોહલી માત્ર 8 સિક્સર પાછળ છે, તે જોવાનું રહ્યું કે સિઝનના અંત સુધી કોણ ટોચ પર રહે છે.
