IND vs SA : કેટલા વાગ્યે શરૂ થશે પહેલી વનડે મેચ ? નોટ કરી લો ટાઈમ

IND vs SA : ભારત અને દક્ષિણ આફ્રિકા ફરી એકવાર આમને-સામને થવાના છે. આ વખતે બંને ટીમો ટેસ્ટમાં નહીં, પણ ODIમાં આમને-સામને થશે. ત્રણ મેચની ODI શ્રેણી શરૂ થવાની છે. શ્રેણી શરૂ થાય તે પહેલાં મેચોની તારીખ અને સ્થળ તેમજ મેચ શરૂ થવાનો સમય શું છે, તેના વિશે આ લેખમાં જણાવીશું.

30 નવેમ્બરે રમાશે પ્રથમ વનડે

KL રાહુલની કેપ્ટનશીપમાં ભારતીય ક્રિકેટ ટીમ હવે દક્ષિણ આફ્રિકા સામે ODI શ્રેણી રમવા માટે તૈયાર છે. આ શ્રેણીમાં કુલ ત્રણ મેચ હશે. પહેલી મેચ 30 નવેમ્બરે રાંચીમાં રમાશે. ટીમના ખેલાડીઓ પહોંચવા રાંચી પહોંચવા લાગ્યા છે. વિરાટ કોહલી અને રોહિત શર્મા આ શ્રેણીના મુખ્ય આકર્ષણો હશે, જેમણે રાયપુર પહોંચીને તેમની તૈયારીઓ શરૂ કરી દીધી છે. કોહલી અને રોહિત હાલમાં ફક્ત ODI ક્રિકેટ રમી રહ્યા છે, તેથી આ શ્રેણીને લઈને ઘણો ઉત્સાહ છે.

T20, ટેસ્ટ અને વનડે ત્રણેય ફોર્મેટમાં સદી ફટકારનાર પ્રથમ બેટ્સમેન કોણ છે ?

ભારત vs દક્ષિણ આફ્રિકા ODI શ્રેણીનું શેડ્યૂલ

પહેલી મેચ રાંચીમાં છે અને તે પછી બંને ટીમો બીજી મેચ માટે રાયપુર જશે. શ્રેણીની ત્રીજી અને અંતિમ મેચ 6 ડિસેમ્બરે વિશાખાપટ્ટનમમાં રમાશે. દક્ષિણ આફ્રિકાનો ભારત પ્રવાસ આ પછી સમાપ્ત થશે નહીં. અંતે પાંચ T20 આંતરરાષ્ટ્રીય મેચોની શ્રેણી પણ છે. આ માટે ભારતીય ટીમની જાહેરાત હજુ બાકી છે.

પ્રથમ ODI મેચ કેટલા વાગ્યે શરૂ થશે ?

મેચના સમયની વાત કરીએ તો ત્રણેય મેચ બપોરે 1:30 વાગ્યે શરૂ થશે. તેના અડધા કલાક પહેલા બરાબર 1:00 વાગ્યે, બંને ટીમોના કેપ્ટન ટોસ માટે મેદાનમાં ઉતરશે. મેચ 50 ઓવરની હોવાથી તે રાત્રે 10:00 વાગ્યા સુધીમાં સમાપ્ત થવાની ધારણા છે. હવે, એ જોવાનું બાકી છે કે ટીમ ઈન્ડિયા ટેસ્ટ શ્રેણીમાં ખરાબ પ્રદર્શન પછી વનડેમાં દક્ષિણ આફ્રિકા સામે કેવું પ્રદર્શન કરે છે.