 "Honda Activa કે TVS Jupiter માઇલેજની દ્રષ્ટિએ કયું સ્કૂટર ખરીદવું વધુ સારું ?")
Honda Activa vs TVS Jupiter : ભારતીય માર્કેટમાં રોજિંદા અપ-ડાઉન માટે ઘણા સ્કૂટર ઉપલબ્ધ છે, પરંતુ લોકો મોટાભાગે એવા સ્કૂટર ખરીદવાનું પસંદ કરે છે જેનું માઇલેજ સારું હોય અને કિંમત પણ પોસાય. હોન્ડા એક્ટિવા અને ટીવીએસ જ્યુપિટર બંને સૌથી વધુ વેચાતા સ્કૂટર છે.
જો તમે આ બે સ્કૂટરમાંથી એક ખરીદવાનું વિચારી રહ્યા છો, તો આ લેખમાં અમે તમને બંનેની કિંમત અને ફીચર્સ વિશે જણાવીશું જેથી તમે નક્કી કરી શકશો કે તમારા માટે કયું સ્કૂટર યોગ્ય રહેશે.
Honda Activa
હોન્ડા એક્ટિવા સારી માઇલેજ આપતું એક ટુ-વ્હીલર છે. આ સ્કૂટરમાં 4-સ્ટ્રોક, SI એન્જિન છે. આ સ્કૂટરના એન્જિન સાથે ઓટોમેટિક (V-મેટિક) ટ્રાન્સમિશન પણ જોડાયેલ છે. એક્ટિવામાં ઇન્સ્ટોલ કરેલું આ એન્જિન 5.77 kW પાવર આપે છે અને 8.90 Nm ટોર્ક જનરેટ કરે છે. આ હોન્ડા સ્કૂટરનો વ્હીલબેઝ 1260 mm અને ગ્રાઉન્ડ ક્લિયરન્સ 162 mm છે.
હોન્ડા એક્ટિવા 51.23 kmpl માઇલેજ આપવાનો દાવો કરે છે. આ સ્કૂટરની ફ્યુઅલ ટેન્ક ક્ષમતા 5.3 લિટર છે, જેથી ફુલ ટાંકીમાં આ સ્કૂટર લગભગ 270 કિમી સુધી ચલાવી શકાય. આ હોન્ડા સ્કૂટરની એક્સ-શોરૂમ કિંમત 82,136 રૂપિયા છે. દેશના અલગ અલગ શહેરોમાં આ કિંમતમાં તફાવત હોઈ શકે છે.
TVS Jupiter
TVS Jupiterના એન્જિન વિશે વાત કરીએ તો તેમાં સિંગલ-સિલિન્ડર, 4-સ્ટ્રોક એન્જિન છે. સ્કૂટરમાં આ એન્જિન 6,500 rpm પર 5.9 kW પાવર આપે છે અને 5,000 rpm પર 9.8 Nm ટોર્ક જનરેટ કરે છે. આ સ્કૂટરમાં CVT ઓટોમેટિક ટ્રાન્સમિશન છે. આ ટુ-વ્હીલરમાં આગળ 220 mm ડિસ્ક બ્રેક્સ અને પાછળ 130 mm ડ્રમ બ્રેક્સ છે.
માઈલેજ અને કિંમત
TVS Jupiterનું ARAI પ્રમાણિત માઈલેજ 53 kmpl છે. આ સ્કૂટર 5.1 લિટરની ફ્યુઅલ ટેન્ક ક્ષમતા સાથે આવે છે, જેથી ફુલ ટાંકીમાં તેને 270 કિમી સુધી ચલાવી શકાય છે. TVS Jupiterની એક્સ-શોરૂમ કિંમત 80,261 રૂપિયા છે.
કયું સ્કૂટર સારું ?
જો આપણે આ બંને સ્કૂટર Honda Activa અને TVS Jupiterના માઈલેજ પર નજર કરીએ તો, બંને ટુ-વ્હીલરનું માઈલેજ 50 kmplની આસપાસ છે. આ સાથે બંને સ્કૂટરની કિંમતમાં બહુ ફરક નથી. સ્કૂટરના દેખાવ અને રંગને જોતા બંને મોડેલમાંથી કોઈપણ ખરીદી શકાય છે.
)