Creta ખરીદવી હોય તો સારા સમાચાર, GST ઘટાડા બાદ Hyundai ની કારો થઈ સસ્તી, જુઓ દરેક મોડલ્સની કિંમત

હ્યુન્ડાઇ મોટર ઇન્ડિયા લિમિટેડ  (HMIL) એ જાહેરાત કરી છે કે વાહનોમાં હાલમાં કરવામાં આવેલા GST દરમાં ઘટાડાનો લાભ પોતાના ગ્રાહકોને આપશે. નવા ભાવ 22 સપ્ટેમ્બર 2025થી લાગૂ થશે, જે દિવસથી સંશોધિત GST દરો લાગૂ થશે. આ સાથે દેશભરમાં હ્યુન્ડાઇના ગ્રાહક પોતાના પસંદગીના મોડલને સસ્તી કિંમતે ખરીદી શકશે, જેનાથી આ તહેવારોની સિઝનમાં કારના વેચાણમાં વધારો થશે.

Hyundai Verna, Creta, Alcazar ની કિંમત
કિંમતોમાં ઘટાડાની સાથે OEM ના ફૂલ પેસેન્જર વ્હીકલ સસ્તા થઈ જશે.  Hyundai Creta N Line ની કિંમતમાં સૌથી ઓછો 71762 રૂપિયાનો ઘટાડો થયો છે. એન્ટ્રી-લેવલ Grand i10 Nios 73,808 રૂપિયા સસ્તી થશે, જ્યારે Aura ₹78,465, i20 ₹98,053 અને Exter ₹89,209 રૂપિયા સુધી સસ્તી થશે. i20 N Line 108,116 રૂપિયા સસ્તી થશે, જ્યારે વેન્યુની કિંમતમાં 123659 રૂપિયાનો ઘટાડો થશે.

તો Venue N Line ની કિંમતમાં 119390 રૂપિયાનો ઘટાડો થશે. Hyundai Verna, Creta, Alcazar અને Tucson ની કિંમતમાં 60640 રૂપિયા, 72145 રૂપિયા, 75376 રૂપિયા અને 240303 રૂપિયાનો ઘટાડો થશે.

આ પણ વાંચોઃ હવે ફોન ઉપાડતા પહેલા જાણી શકાશે ફોન કરનારનો ઈરાદો, Truecaller લાવ્યું અદ્ભુત AI ફીચર

હ્યુન્ડાઇ ઇલેક્ટ્રિક કારના ભાવ એ જ રહેશે
જોકે, હ્યુન્ડાઇ ઇલેક્ટ્રિક કારના ભાવમાં કોઈ ઘટાડો થશે નહીં. GST કાઉન્સિલે ઇલેક્ટ્રિક કાર પરના GST દરોમાં કોઈ ફેરફાર કર્યો નથી. આનો અર્થ એ થયો કે હ્યુન્ડાઇ ઇલેક્ટ્રિક કાર ભારતમાં પહેલાની જેમ જ ભાવે વેચાતી રહેશે.

કંપનીનું નિવેદન
આ અંગે, હ્યુન્ડાઇ મોટર ઇન્ડિયા લિમિટેડના મેનેજિંગ ડિરેક્ટર  અનસૂ કિમે જણાવ્યું હતું કે, "અમે ભારત સરકાર દ્વારા વાહનો પર GST ઘટાડવાના પ્રગતિશીલ અને દૂરંદેશી પગલાની હૃદયપૂર્વક પ્રશંસા કરીએ છીએ. આ સુધારાથી માત્ર ઓટો ક્ષેત્રને જ પ્રોત્સાહન મળશે નહીં પરંતુ વ્યક્તિગત પરિવહનને વધુ સસ્તું અને સુલભ બનાવીને લાખો ગ્રાહકોને સશક્ત બનાવવાની દિશામાં એક મજબૂત પગલું પણ છે."