Lava Yuva Smart 2: 6GB RAM સાથે લોન્ચ થયો સસ્તો ફોન, 6099 રૂપિયામાં મળશે દમદાર ફીચર્સ

7 હજાર રૂપિયા સુધીના બજેટમાં જો તમે નવો સ્માર્ટફોન શોધી રહ્યાં છો તો આ કિંમતમાં હવે લોકો માટે Lava Yuva Smart 2 ને લોન્ચ કરવામાં આવ્યો છે. આ સસ્તા સ્માર્ટફોનને બે કલર વિકલ્પમાં ઉતારવામાં આવ્યો છે. આ ફોનની ખાસિયતની વાત કરીએ તો આ ફોન ઓક્ટા કોર પ્રોસેસર, ડુઅલ રિયર કેમેરા સેટઅપ અને 5000 એમએએચની બેટરીથી લેસ છે. આ સિવાય સિક્યોરિટી માટે તમને ફોનના પાવર બટનમાં તમને ફિંગરપ્રિન્ટ સેન્સર મળશે. આ ફોનમાં તમને ફેસ અનલોક સપોર્ટનો ફાયદો મળશે.

Lava Yuva Smart 2 Price in India
આ સ્માર્ટફોનને સિંગલ વેરિએન્ટમાં ઉતારવામાં આવ્યો છે, જે 3જીબી રેમ અને 64જીબી ઈન્ટરનલ સ્ટોરેજની સાથે આવે છે. આ વેરિએન્ટને ખરીદવા માટે 6099 રૂપિયાનો ખર્ચ કરવો પડશે. ક્રિસ્ટલ બ્લૂ અને ક્રિસ્ટલ ગોલ્ડ રંગમાં ઉતારવામાં આવેલા આ ફોનની ઉપલબ્ધતાને લઈને હાલ કોઈ જાણકારી આપવામાં આવી નથી. આ ફોનની ટક્કર મોટોરોલા જી05, પોકો સી71, સેમસંગ ગેલેક્સી એફ05 અને ટેક્નો સ્પાર્ક ગો 2 જેવા સ્માર્ટફોનથી થશે.

આ પણ વાંચોઃ મારૂતિથી ટાટા સુધી આ કારો 12% થશે સસ્તી, જાણો કઈ રીતે ગ્રાહકોને મળશે ફાયદો

Lava Yuva Smart 2 Specifications
ઓપરેટિંગ સિસ્ટમ અને ડિસ્પ્લેઃ એન્ડ્રોયડ 15 ગો એડિશન પર કામ કરનાર આ સ્માર્ટફોન 90 હર્ટ્ઝ રિફ્રેશ રેટ અને 6.5 ઇંચની એચડી પ્લસ ડિસ્પ્લે સાથે ઉતારવામાં આવ્યો છે.
ચિપસેટઃ સ્પીડ અને મલ્ટીટાસ્કિંગ માટે આ ફોનમાં ઓક્ટા કોર યુનિસોક 9863એ પ્રોસેસરનો ઉપયોગ કરવામાં આવ્યો છે.
રેમઃ ફોનમાં આમ તો 3 જીબી રેમ છે પરંતુ 3 જીબી વર્ચુઅલ રેમની મદદથી રેમ 6 જીબી સુધી વધારી શકાય છે.
કેમેરા સેટઅપઃ આ લાવા સ્માર્ટફોનના પાછળના ભાગમાં 13 મેગાપિક્સલનો એઆઈ ડુઅલ રિયર કેમેરા સેટઅપ અને એલઈડી ફ્લેશ આપવામાં આવી છે. તો ફ્રંટમાં સેલ્ફી માટે 6 મેગાપિક્સલ કેમેરા સેન્સર મળશે.
બેટરીઃ 10 વોટ વાયર્ડ ચાર્જ સપોર્ટની સાથે 5000 એમએએચની બેટરી ફોનમાં આપવામાં આવી છે.