Samsung એ લોન્ચ કર્યો દમદાર 5G ફોન, 8GB રેમની સાથે મળશે સુપર એમોલેડ ડિસ્પ્લે, જાણો ફીચર્સ અને કિંમત

Samsung Galaxy A26 5G: Samsung એ ભારતમાં પોતાનો નવો સ્માર્ટફોન Galaxy A26 5G લોન્ચ કર્યો છે. આ સ્માર્ટફોન 6.7 ઇંચની FHD+ સુપર AMOLED ડિસ્પ્લે સાથે આવે છે, જેમાં 120Hz રિફ્રેશ રેટ અને 1000 નિટ્સ સુધીની પીક બ્રાઇટનેસ આપવામાં આવી છે. ડિસ્પ્લેમાં Infinity-U નોચ છે જે તેને એક મોડર્ન લુક આપે છે. આ સિવાય તેમાં 8જીબી રેમ આપવામાં આવી છે. 

Samsung Galaxy A26 5G Specifications
તમને જણાવી દઈએ કે આ સ્માર્ટફોનમાં Exynos 1380 પ્રોસેસર આપવામાં આવ્યું છે, જે 8GB રેમ અને 128GB/256GB સ્ટોરેજ વિકલ્પ સાથે આવે છે. આ ફોન One UI 7.0 પર આધારિત Android 15 પર ચાલે છે અને 6 વર્ષ સુધી સિક્યોરિટી અપડેટ્સ તથા  6 OS વર્ઝન અપડેટ્સ મળવાની ગેરંટી છે. આ ફોન IP67 રેટિંગ સાથે આવે છે, જેનો મતલબ છે કે આ ડિવાઇસ પાણી તથા ધૂળથી સુરક્ષિત છે, જે આ સિરીઝમાં પ્રથમવાર જોવા મળ્યું છે.

કેમેરા સેટઅપ
હવે આ સ્માર્ટફોનના કેમેરા સેટઅપની વાત કરીએ તો તેમાં OIS સપોર્ટ સાથે 50MP પ્રાઈમરી કેમેરા છે. આ સાથે, તેમાં 8MP અલ્ટ્રા-વાઇડ લેન્સ અને 2MP મેક્રો કેમેરા છે. તે જ સમયે, ફોનમાં સેલ્ફી અને વીડિયો કૉલિંગ માટે 13MP ફ્રન્ટ કેમેરા છે. પાવર માટે, ફોનમાં 5000mAhની પાવરફુલ બેટરી છે. આ બેટરી 25W ફાસ્ટ ચાર્જિંગને સપોર્ટ કરે છે.

આ પણ વાંચોઃ દમદાર છે Airtelનો આ પ્લાન્સ! માત્ર JioHotstar જ નહીં, Netflix સાથે મળશે Amazon Prime

ડિઝાઇન અને કનેક્ટિવિટીના મામલામાં Samsung Galaxy A26 5G માં સાઇટ-માઉન્ટેડ ફિંગરપ્રિન્ટ સેન્સર આપવામાં આવ્યું છે. ફોનમાં  USB Type-C પોર્ટ, સ્ટીરિયો સ્પીકર્સ, 5G કનેક્ટિવિટી, Wi-Fi 802.11ac, Bluetooth 5.3, અને NFC સપોર્ટ મળે છે. તેનું વજન 200 ગ્રામ અને જાડાઈ 7.7mm છે.

કેટલી છે કિંમત
ફોનની કિંમતની વાત કરીએ તો કંપનીએ Samsung Galaxy A26 5G ના 8+128GB વેરિએન્ટની કિંમત 24999 રૂપિયા અને 8+256GB મોડલની કિંમત 27999 રૂપિયા રાખી છે. તેને કંપનીએ Awesome Black, Awesome Mint, Awesome White અને Awesome Peach જેવા ચાર કલરમાં ઉતાર્યો છે.