ચાર રિયર કેમેરાની સાથે આવ્યો Samsung Galaxy A71, જાણો કિંમત અને ખાસિયત

નવી દિલ્હીઃ સેમસંગ (Samsung)એ ભારતમાં પોતાનો નવો સ્માર્ટફોન લોન્ચ કર્યો છે. આ ફોન Samsung Galaxy A71 છે. આ સેમસંગની પોપ્યુલર Galaxy A સિરીઝનો નવો ફોન છે. સેમસંગનું કહેવું છે કે  Galaxy A71, તેની એ સિરીઝનો સૌથી પ્રીમિયમ સ્માર્ટફોન છે. સેમસંગ Galaxy A71 સ્માર્ટફોન, ગેલેક્સી A70નો સક્સેસર છે. સેમસંગના આ નવા સ્માર્ટફોનમાં પાવરફુલ પ્રોસેસર, દમદાર બેટરી અને 64 મેગાપિક્સલનો મેન કેમેરોની સાથે ક્વોડ કેમેરા સેટઅપ આપવામાં આવ્યું છે. ઈન્ડિયન માર્કેટમાં આ સ્માર્ટફોનનો મુકાબલો Vivo V17 Pro, Oppo Reno, Redmi K20 Pro અને OnePlus 7 જેવા સ્માર્ટફોન સામે થશે. 

Samsung Galaxy A71 ની કિંમત
સેમસંગનો આ સ્માર્ટફોન 8GB રેમ અને 128GB સ્ટોરેજની સાથે આવ્યો છે. આ સ્માર્ટફોનની કિંમત 29,999 રૂપિયા છે.  Samsung Galaxy A71 સ્માર્ટફોન પ્રિઝ્મ ક્રશ બ્લેક, પ્રિઝ્મ ક્રશ સિલ્વર અને પ્રિઝ્મ ક્રશ બ્લૂ કલરમાં મળશે. આ સ્માર્ટફોનનો સેલ 24 ફેબ્રુઆરીથી સેમસંગ ઓપેરા હાઉસ, amsung.com, રિટેલ સ્ટોર અને મુખ્ય ઓનલાઇન પોર્ટલ્સ દ્વારા થશે. સેમસંગનો આ ફોન વિયતનામમાં લોન્ચ થઈ ચુક્યો છે. વિયતનામમાં Samsung Galaxy A71 સ્માર્ટફોન 6 GB અને 8GBના રેમ વેરિયન્ટમાં આવ્યો હતો. પરંતુ ભારતમાં તેનું એક વેરિયન્ટ આવ્યું છે. 

કંઈક આવા છે સ્માર્ટફોનના ફીચર્સ
Samsung Galaxy A71 સ્માર્ટફોનમાં 6.7 ઇંચની ઇન્ફીનિટી-O ડિસ્પ્લે આપવામાં આવી છે. નવી સુપર AMOLED પ્લસ ટેક્નોલોજીની સાથે આ શાનદાર વ્યૂઇંગ એક્સપીરિયન્સ આપે છે. આ સ્માર્ટફોનના બેકમાં ક્વોડ કેમેરા સેટઅપ આપવામાં આવ્યું છે. એટલે કે ફોનની પાછળ 4 કેમેરા લાગેલા છે. ફોનના બેકમાં મેન કેમેરો 64 મેગાપિક્સલનો છે. આ સિવાય ફોનની પાછળ 12 મેગાપિક્સલનો અલ્ટ્રા-વાઇડ કેમેરો, 5 મેગાપિક્સલનો મેક્રો કેમેરો અને 5 મેગાપિક્સલનો ડેપ્થ કેમેરો આપ્યો છે. સ્માર્ટફોનના ફ્રંટમાં 32 મેગાપિક્સલનો કેમેરો આપવામાં આવ્યો છે. તેમાં  Slow-Mo Selfie મોડ આપવામાં આવ્યો છે. 

512GB સુધી વધી શકે છે ફોનનું સ્ટોરેજ
સેમસંગના આ સ્માર્ટફોનમાં ક્વોલકોમ સ્નેપડ્રેગન 730 ઓક્ટો-કોર પ્રોસેસર આપવામાં આવ્યું છે. સારી ફ્રેમ રેટ અને સ્ટેબિલિટીની સાથે Galaxy A71 સ્માર્ટફોન તમારા ગેમિંગ એક્સપીરિયન્સને વધારે છે. આ સ્માર્ટફોન Samsung Pay ની સાથે આવે છે. માઇક્રોએસડી કાર્ડની મદદથી આ ફોનના સ્ટોરેજને 512 જીબી સુધી વધારી શકાય છે. ફોનમાં 25W  સુપર ફાસ્ટ ચાર્જિંગની સાથે  4,500 mAhની બેટરી આપવામાં આવી છે. 

જુઓ LIVE TV