માર્ચમાં નવી કાર ખરીદવા માટે ખાસ છે આ 3 દિવસ, મળશે બમ્પર ડિસ્કાઉન્ટ, બસ કરો આ કામ

માર્ચ મહિનો ચાલી રહ્યો છે. નવી કાર ખરીદનારાઓ માટે આ એક સારી તક છે. ક્લોજિંગના કારણે કાર ડીલરોએ વાહનોનો જૂનો સ્ટોક ખાલી કરવો પડશે. આવી સ્થિતિમાં કાર કંપનીઓ અને ડીલરો મળીને ગ્રાહકોને આકર્ષવા માટે નવી ઑફર્સ પર ભારે ડિસ્કાઉન્ટ આપી રહ્યા છે. જો તમે આ મહિને નવી કાર ખરીદવા જઈ રહ્યા છો, તો આ તક તમારા માટે ખૂબ જ ફાયદાકારક સાબિત થઈ શકે છે. જ્યારે, જો તમે આ મહિનાની 29, 30 અને 31 તારીખે નવી કાર ખરીદો છો, તો તમને ઘણો ફાયદો મળી શકે છે અને તમે મોટી બચત કરી શકો છો. આવો જાણીએ કેવી રીતે થશે ફાયદો?

કાર ખરીદવા માટે યોગ્ય સમય
જો તમે આ મહિનાની 29, 30 અને 31 તારીખે કાર ખરીદો છો, તો કાર ડીલર્સ તમને સારું ડિસ્કાઉન્ટ આપી શકે છે. વાસ્તવમાં માર્ચ મહિનો ક્લોજિંગનો હોય છે અને વેચાણના ટાર્ગેટને પુર્ણ કરવા માટે ગ્રાહકોને શ્રેષ્ઠ ઑફર્સ અને ડિસ્કાઉન્ટ આપવામાં આવે છે. જો તમને ગયા વર્ષનું કોઈ વાહન સારા ડિસ્કાઉન્ટ પર મળી રહ્યું છે, તો તરત જ ડીલને લોક કરો. 

Add Zee News as a Preferred Source

હજુ પણ કાર ડીલરો જૂનો સ્ટોક પુરો કરવા માટે ઘણું દબાણ છે. ગયા વર્ષનો ઘણો સ્ટોક બાકી છે જે હજુ વેચયો નથી. કેટલીક કાર કંપનીઓ પણ ઉત્પાદનમાં ઘટાડો કરી રહી છે જ્યારે કેટલીક બ્રાન્ડનું ઉત્પાદન નિયમિત છે. જૂની ઇન્વેન્ટરી વધી રહી છે. આવી સ્થિતિમાં કાર કંપનીઓ તેમના જૂના સ્ટોકને ડિસ્કાઉન્ટ દ્વારા ક્લિયર કરી રહી છે.

મહિનાના અંત પછી ખરીદી કરવાનો ફાયદો પણ છે કારણ કે સેલ્સ ટીમ પર સ્ટોક ક્લિયર કરવાનું દબાણ છે અને તેઓને ખૂબ જ ઓછી કિંમતે વાહનો વેચવાની ફરજ પડે છે.

એકસ્ટ્રા  ડિસ્કાઉન્ટ માટે કરો વાત
નવી કાર પર શ્રેષ્ઠ ઓફર માટે ડીલર સાથે વાત કરો. એકવારમાં સહમત ન થાઓ, થોડો સમય લો અને વાત કરો, તે સિવાય તમે વધારાના ડિસ્કાઉન્ટ અથવા એસેસરીઝ વિશે વાત કરી શકો છો. શરૂઆતમાં સેલ્સમેન તમને ના પાડી દેશે પણ જો તમે તમારી વાત પર વળગી રહેશો તો ચોક્કસ તમને શ્રેષ્ઠ ડીલ મળશે. હાલમાં મારુતિ સુઝુકી, ટાટા મોટર્સ, હ્યુન્ડાઈ અને MG જેવી કાર કંપનીઓ ખૂબ જ સારું ડિસ્કાઉન્ટ આપી રહી છે.