WhatsApp ચેન્જ કરી રહ્યું છે પોતાનો Look, ટૂંક સમયમાં ચેટિંગનો થશે નવો અનુભવ

નવી દિલ્હી: વોટ્સએપ (WhatsApp) ખૂબ જ ટૂંક સમયમાં પોતાનો રંગ બદલવા જઈ રહ્યું છે. ત્યારબાદ તમારો ચેટિંગનો અનુભવ સંપૂર્ણપણે નવો થઈ જશે. એવું કહેવામાં આવી રહ્યું છે કે કંપની હાલમાં વોટ્સએપના નોટિફિકેશન (WhatsApp Notification) ઇંટરફેસમાં ફેરફાર પર કામ કરી રહી છે, જે પૂર્ણ થયા બાદ તમને ગ્રીન કલરને બદલે ડાર્ક બ્લુ કલરમાં નોટિફિકેશન મળી જશે.

આ વસ્તુનો બદલાશે રંગ
WABetaInfo ના અહેવાલ મુજબ, કંપનીએ એક નવું વોટ્સએપ બીટા અપડેટ બહાર પાડ્યું છે. આ અંતર્ગત, ડાર્ક મોડમાં આવતા વોટ્સએપ નોટિફિકેશનના કેટલાક એલિમેન્ટ્સ, જેમ કે Reply અને Mark as Read,ને ગ્રીનને બદલે ડાર્ક બ્લુ કરવામાં આવશે. જોકે આ સુવિધા લાઇટ મોડમાં પણ કામ કરશે. આ સિવાય નોટિફિકેશનમાં જોવામાં આવેલ વોટ્સએપ લોગો અને બેજ પણ નવા રંગમાં જોવા મળશે.

આ પણ વાંચો:- WhatsApp માં દેખાતું આ End-to-end encryption શું છે? જાણો WhatsApp તમારા મેસેજને કેવી રીતે રાખે છે સુરક્ષિત

ફ્લેશ ફિચર પર પણ કામ કરી રહી છે કંપની
આટલું જ નહીં, વોટ્સએપ કંપની એક નવી ફ્લેશ કોલ સુવિધા પર પણ કામ કરી રહી છે. આ અંતર્ગત, વોટ્સએપ લોગિન દરમિયાન ચકાસણી માટે યુઝરના ફોન પર ફ્લેશ કોલ કરવામાં આવશે, જે તરત જ ડિસ્કનેક્ટ થઈ જશે. હાલમાં, 6-અંકનો ચકાસણી કોડ મોકલવામાં આવે છે. નવી સુવિધા દ્વારા, વપરાશકર્તાઓ એસએમએસ ચકાસણી પ્રક્રિયા કરતા વધુ ઝડપથી લોગિન કરી શકશે. નોંધનીય છે કે કંપની હાલમાં આ સુવિધાનું પરીક્ષણ કરી રહી છે. તે સામાન્ય વપરાશકર્તાઓ માટે કયા સમય રિલીઝ થશે તે વિશે કહી શકાતું નથી. તમને જણાવી દઈએ કે અગાઉ એન્ડ્રોઇડ વર્ઝન 2.21.11.5 માટે વોટ્સએપ બીટા અપડેટમાં પ્રોફાઇલ પિક્ચરનો રંગ પણ બદલાયો હતો.