Whatsapp વાપરતા હો તો આવ્યા છે તમારા માટે ખરાબ સમાચાર

નવી દિલ્હી : કોઈ ચિંતા વગર વોટ્સએપ વાપરનારાઓ માટે એક સમાચાર આવ્યા છે જે તમને આંચકો આપી શકે છે. હકીકતમાં વોટ્સએપના નવા પ્લાન પ્રમાણે હવે એ ચાર્જ કરશે. એક સમય એવો હતો કે વોટ્સએપના એક વર્ષના સબસ્ક્રિપ્શન માટે 56 રૂ. લેવામાં આ્વતા હતા પણ આ ફી 2016માં બંધ કરી દેવામાં આવી હતી. આ પરિવર્તન પછી અત્યાર સુધી વોટ્સએપના વપરાશ પર કોઈ ચાર્જ નહોતો પણ હવે સમાચાર મળ્યા છે કે વોટ્સએપ ફરી ચાર્જેબલ થઈ જશે. 

નવું બિઝનેસ મોડેલ
વોટ્સએપનું કોઈ બિઝનેસ મોડેલ નહોતું. આ એપ શરૂઆતથી અત્યાર સુધી કોઈ  જાહેરાત વગર ચાલી હતી. હવે ફેસબુકે વોટ્સએપને 19 બિલિયન ડોલરમાં ખરીદી હતી. હવે ચર્ચા છે કે ફેસબુકનું નવું બિઝનેસ મોડેલ તૈયાર છે અને એ લાગુ થતા વોટ્સએપ ચાર્જેબલ થઈ જશે. નવા બિઝનેસ મોડેલમાં ફેસબુક તરફથી હવે બિઝનેસ ટુ કસ્ટમર મોડેલ વોટ્સએપ માટે દેવામાં આવશે. જોક આ મોડેલને લોન્ચ કરવામાં સમય છે અને એ હજી ટેસ્ટિંગ ફેઝમાં છે. જોકે હજી સુધી અનેક કંપનીઓએ આ પાઇલોટ પ્રોજેક્ટમાં હિસ્સો લીધો છે. 

કઈ રીતે કરશે કામ?
વોટ્સએપના નવા મોડેલમાં એપ તરફથી કંપની તેમજ નાના વેપારી સીધા ગ્રાહકો એટલે કે યુઝર્સ સાથે વાત કરી શકશે. આ મોડલ હજી ટેસ્ટિંગ ફેઝમાં છે. આનાથી યુઝરને વધારે હેરાનગતિ નહીં થાય કારણ કે આ મોડલમાં યુઝરનો સંપર્ક એવી જ કંપનીઓ કરી શકશે જેની પરમિશન યુઝરે આપી હોય. બિઝનેસ અને એન્ટરપ્રાઇઝનું એક વેરિફાઇડ પ્રોફાઇલ પણ હશે જેના પર ગ્રીન ટીક હશે. આનાથી નવી શરૂઆત કરી શકાશે.