 "સિમ કાર્ડનો એક ખૂણો કેમ કપાયેલો હોય છે ? 99 ટકા લોકો નહીં જાણતા હોય જવાબ")
ઘણી વાર એવું બને છે કે આપણે સતત કોઈ વસ્તુનો ઉપયોગ કરતા હોઈએ છીએ, પરંતુ આપણને તેના વિશે કેટલીક બાબતો ખબર હોતી નથી. ઉદાહરણ તરીકે, દરેક વ્યક્તિએ પોતાના મોબાઈલમાં સિમ કાર્ડનો ઉપયોગ કર્યો છે. પરંતુ 99 ટકા લોકોને ખબર નહીં હોય કે તેનો એક ખૂણો કેમ કપાયેલો હોય છે. આ એક એવો પ્રશ્ન છે, જેનો જવાબ મોટાભાગના લોકોએ શોધવાનો પ્રયાસ પણ કર્યો નથી. જો તમારા મનમાં આ પ્રશ્ન હોય કે સિમ કાર્ડનો એક ખૂણો કેમ કપાયેલો છે, તો તેની પાછળનું કારણ શું છે, તેના વિશે આ લેખમાં જાણીશું.
સિમ કાર્ડનો એક ખૂણો કેમ કપાયેલો હોય છે ?
સિમ કાર્ડ એક એવી વસ્તુ છે, જેનો ઉપયોગ મોટી સંખ્યામાં લોકો કરે છે. ટેકનોલોજી નિષ્ણાતો કહે છે કે આ રીતે સિમ કાર્ડ ડિઝાઇન કરવા પાછળ એક ખાસ કારણ છે. સિમ કાર્ડનો એક ખૂણો કાપવામાં આવે છે જેથી તે ફોનમાં યોગ્ય રીતે ફિટ થઈ શકે. આનાથી લોકો માટે એ સમજવું સરળ બને છે કે તેઓ સિમ કાર્ડ સીધું દાખલ કરી રહ્યા છે કે ઊંધું. જો સિમ કાર્ડ ઊંધું દાખલ કરવામાં આવે તો તે કામ કરશે નહીં. આના કારણે, મોબાઈલમાં નેટવર્ક રહેશે નહીં અને સિમ કાર્ડ ખરાબ થવાનું જોખમ પણ રહે છે.
સિમ કાર્ડ કેવી રીતે કામ કરે છે ?
સિમ કાર્ડનું ફુલ ફોર્મ સબસ્ક્રાઇબર આઇડેન્ટિટી મોડ્યુલ છે. તેનું કામ મોબાઇલ ડિવાઇસને સેલ્યુલર નેટવર્ક સાથે કનેક્ટ કરવાનું છે. તે ઇન્ટરનેશનલ મોબાઇલ સબસ્ક્રાઇબર આઇડેન્ટિટી (IMSI) નંબર અને તેની સાથે સંકળાયેલી કી સ્ટોર કરે છે. તેની મદદથી મોબાઇલ નેટવર્કના યુઝર્સને ઓળખવામાં આવે છે અને પ્રમાણિત કરવામાં આવે છે. સ્વિચ ઓન કર્યા પછી, મોબાઇલ સિમ કાર્ડનો ડેટા વાંચે છે અને તેને મોબાઇલ નેટવર્કમાં પસાર કરે છે. આ પ્રક્રિયા પછી નેટવર્ક યુઝર્સની ઓળખ ચકાસે છે. આનાથી તે જાણી શકે છે કે આ યુઝર્સ નેટવર્કને ઍક્સેસ કરી શકે છે કે નહીં. આ કારણોસર, એક કંપનીનું સિમ કાર્ડ બીજી કંપનીના નેટવર્ક સાથે કનેક્ટ થઈ શકતું નથી.
)