 "100 ફૂટ ઊંચી સુનામી, ચારેતરફ હશે લાશના ઢગલા... અહીં આવશે 'મહાપ્રલય'! વૈજ્ઞાનિકોએ આપી ચેતવણી")
Multiple Earthquakes: અમેરિકાથી એક ખૂબ જ ડરામણા સમાચાર આવ્યા છે. ઓરેગન નજીકના સમુદ્રમાં 12 કલાકની અંદર અનેક ભૂકંપના આંચકા નોંધાયા છે. અમેરિકન જીઓલોજિકલ સર્વે (USGS) અનુસાર, સોમવાર રાતથી અત્યાર સુધીમાં ડઝનબંધ ભૂકંપના આંચકા અનુભવાયા છે. પહેલો ભૂકંપ 5.8ની તીવ્રતાનો હતો, ત્યારબાદ અનેક આફ્ટરશોક આવ્યા, જેની તીવ્રતા 2.5થી વધુ હતી. ભૂકંપનું કેન્દ્ર કાસ્કેડિયા સબડક્શન ઝોનમાં હતું, જે એક મોટો ભૂકંપગ્રસ્ત ઝોન છે. વૈજ્ઞાનિકોએ મોટા ભૂકંપની ચેતવણી આપી છે.
આ અમેરિકાનો એ જ વિસ્તાર છે, જ્યાં સમુદ્રની જુઆન ડી ફુકા પ્લેટ, ઉત્તર અમેરિકન પ્લેટની નીચેની તરફ ધકેલાઈ રહી છે. આ ઝોન લગભગ 1,000 કિલોમીટર સુધી ફેલાયેલો છે, જે ઉત્તર વાનકુવર ટાપુથી લઈ ઉત્તરી કેલિફોર્નિયા સુધી ફેલાયેલો છે. નિષ્ણાતોએ પહેલાથી જ ચેતવણી આપી હતી કે, અહીં ગમે ત્યારે 9ની તીવ્રતાનો મોટો ભૂકંપ આવી શકે છે, જે ઉત્તર-પશ્ચિમ અમેરિકાને હચમચાવી શકે છે.
મંગળવારના રોજ જ્યારે ઉત્તરી કેલિફોર્નિયામાં પણ આવા જ આંચકા નોંધાયા હતા, જ્યાં લગભગ અડધા ડઝનથી વધુ વખત ભૂકંપ આંચકા અનુભવાયા હતા. તેની તીવ્રતા માત્ર 2.5 હતી, પરંતુ આ વિસ્તાર સાન એન્ડ્રીયાસ ફોલ્ટ પર સ્થિત છે, જે બીજા મોટા ભૂકંપની સંભાવના ધરાવે છે. અહીં સૌથી આશ્ચર્યજનક બાબત એ છે કે કાસ્કેડિયા સબડક્શન ઝોનમાં પહેલા પણ મોટા ભૂકંપ આવ્યા છે, જેમાંથી છેલ્લો મોટો ભૂંકપ 1700માં આવ્યો હતો.
સબડક્શન ઝોનમાં 'ભયાનક' ભૂકંપ!
આ જ કારણે આ વિસ્તારમાં વધુ એક 'ભયાનક' ભૂકંપ આવવાની આશંકા વધી ગઈ છે. એવું માનવામાં આવે છે કે, જો ભૂકંપ આવે છે, તો તેની તીવ્રતા 9 સુધી પહોંચી શકે છે. જ્યારે સાયન્સમાં નાનકાઈ ટ્રેન્ચ વિશે પ્રકાશિત થયેલ એક સ્ટડીમાંથી જાણવા મળ્યું છે કે આ સબડક્શન ઝોન, જ્યાં ફિલિપાઇન સી પ્લેટ જાપાનની નીચે ધકેલાઈ રહી છે, ત્યાં ધીમા સ્લિપ ભૂકંપ આવી રહ્યા છે. જો કે, સ્ટડીમાં તેની તુલના કાસ્કેડિયા ફોલ્ટ સાથે કરવામાં આવી છે, જેના વિશે કહેવામાં આવે છે કે, એટલું મજબૂત નથી કે જાણી શકાય કે શું થઈ રહ્યું છે?
100 ફૂટ ઊંચી સુનામી: શું છે કાસ્કેડિયાનો દોષ?
આ સ્ટડીમાં ચિંતા વ્યક્ત કરવામાં આવી છે કે, જો કાસ્કેડિયા ફોલ્ટ બંધ રહે છે, તો મોટી માત્રામાં ઊર્જા મુક્ત થઈ શકે છે, જેના કારણે 9ની તીવ્રતાનો મેગાથ્રસ્ટ ભૂકંપ આવી શકે છે. વૈજ્ઞાનિકોએ ચેતવણી આપી છે કે, જો આવો ભૂકંપ આ વિસ્તારમાં આવે છે, તો 100 ફૂટ ઊંચી સુનામી આવી શકે છે. આનાથી દરિયાકાંઠાનો લગભગ આઠ ફૂટનો ભાગ તાત્કાલિક નાશ પામશે અને અન્ય વિસ્તારો ધીમે-ધીમે પાણીમાં ડૂબી જશે.
આ ચેતવણી વર્જિનિયા ટેકના રિસર્ચરના નેતૃત્વમાં એક ઈન્ટરનેશનલ ટીમ દ્વારા નેશનલ એકેડેમી ઓફ સાયન્સમાં પ્રકાશિત થયેલા અભ્યાસમાં આપવામાં આવી હતી. સ્ટડીના મુખ્ય લેખક પ્રોફેસર ટીના ડ્યૂરાએ કહ્યું કે, 'આ ચોક્કસપણે અમેરિકા માટે ખૂબ જ વિનાશક ઘટના હશે. સુનામી આવશે, અને તે વિનાશકારી હશે.'
'મહાસુનામી': હજારો લોકો મૃત્યુ પામશે
આ સ્ટડી અનુસાર આવી કોઈપણ ઘટનામાં ડૂબી જવાના જોખમવાળા સ્થળોની યાદીમાં ઓરેગનનો પણ સામેલ છે. આ 'મહાસુનામી' કેનેડાના ઉત્તરીય વાનકુવર ટાપુ, અમેરિકાના પશ્ચિમ કિનારાના દક્ષિણ ભાગ અને વોશિંગ્ટન, ઓરેગન અને કેલિફોર્નિયાના દરિયાકાંઠાને અસર કરશે. ફેડરલ ઇમરજન્સી મેનેજમેન્ટ એજન્સી (FEMA) તરફથી બીજી ચેતવણી આવી છે, જે મુજબ કાસ્કેડિયામાં આગામી મોટા ભૂકંપમાં 5,800 લોકોના મૃત્યુ થશે અને 1,00,000 લોકો ઘાયલ થશે, જ્યારે એકલા સુનામીમાં 8,000 લોકો મોત થશે. ભારે આર્થિક નુકસાન પણ થશે.
)