આ છે વિશ્વનો સૌથી મોટો પેટ્રોલપંપ, એક સાથે 120 ગાડીઓમાં ભરાઈ જાય છે પેટ્રોલ!

ટેક્સાસઃ શું તમે જાણો છો કે દુનિયાનો સૌથી મોટો પેટ્રોલ પંપ ક્યાં છે?... શું તમને ખબર છે કે એકસાથે 120 કારને એકસાથે પેટ્રોલ-ડીઝલ ભરી શકાય તેવું સ્થળ ક્યાં છે?... જો તમે નથી જાણતા તો ફિકર નોટ. કેમ કે અમેરિકાના ટેક્સાસમાં એક જગ્યા એવી છે જેનો નજારો જોઈને તમારા હોશ ઉડી જશે. તે જોવામાં તમને લક્ઝુરિયસ મોલ જેવો લાગશે. ત્યાં તમે પેટ્રોલ પણ પૂરાવી શકશો અને ખાવા-પીવાની મજા પણ માણી શકશો... ત્યારે ક્યાં આવેલો છે વિશ્વનો સૌથી મોટો પેટ્રોલ પંપ?. જોઈશું આ અહેવાલમાં.

અહીંયા ગાડીઓની લાઈન પણ થતી નથી અને તમામ વાહનચાલકો સરળતાથી પોતાની કારમાં પેટ્રોલ-ડીઝલ પૂરાવી શકે છે... આ પેટ્રોલપંપ અમેરિકાના ટેક્સાસમાં આવેલો છે. લૂલિંગ શહેરમાં બનેલા આ પેટ્રોલ પંપ બક ઈઝનો છે. જે ઓસ્ટિનથી લગભગ 47 માઈલ દૂર આવેલો છે. અહીંયા 120 જેટલાં પેટ્રોલ પંપ આવેલા છે.

Add Zee News as a Preferred Source

આ પણ વાંચોઃ ગમે ત્યારે આવશે મહામારી, આવતીકાલ પણ હોઈ શકે છે... WHO ના પ્રમુખે ફરીથી આપી ચેતવણી

હાલમાં ટોડ નામના એક સોશિયલ મીડિયા ઈન્ફ્લુએન્સરે પેટ્રોલ પંપની મુલાકાત લીધી હતી. જેમાં તેમણે જણાવ્યું કે એક લાઈનમાં 120 પેટ્રોલપંપ છે અને અંદર એક બહુ જ મોટો સ્ટોપ આવેલો છે... જ્યાં મિઠાઈઓ, બેક્સ સામાન, મર્ચેન્ડાઈઝ, કપડાં સહિતની તમામ સુવિધા મળશે.

બક ઈઝ માત્ર એક પેટ્રોલ સ્ટેશન નથી. પરંતુ બારબેક્યૂ, ઘરનું બનેલું ફજ, બીવર નગેટ્સ, જર્કી અને તાજી પેસ્ટ્રીની સાથે એક અસાધારણ અનુભવ કરાવે છે... જો તમે પણ અમેરિકાના ટેક્સાસ શહેરની મુલાકાત લેવાના હોય તો તમારે ચોક્કસ આ જગ્યાની મુલાકાત લેવી જોઈએ... કેમ કે દુનિયાનું સૌથી મોટું પેટ્રોલ પંપ હકીકતમાં અદભૂત અને  અવિસ્મરણીય છે.