 "ડોનાલ્ડ ટ્રમ્પ બીજી વખત બન્યા અમેરિકાના રાષ્ટ્રપતિ, શપથ ગ્રહણ સાથે તૂટ્યા આ રેકોર્ડ")
)
US President Donald Trump: ડોનાલ્ડ ટ્રમ્પે અમેરિકાના 47માં રાષ્ટ્રપતિ તરીકે શપથ લીધા બાદ ઘણા રેકોર્ડ તૂટી ગયા છે. અમેરિકાના ઈતિહાસમાં બીજી વખત યોજાયેલા ઇન્ડોર સમારોહમાં તેમણે શપથ લીધા હતા. કડકડતી ઠંડી બાદ આ નિર્ણય લેવામાં આવ્યો છે. અમેરિકામાં કડકડતી ઠંડી હોવા છતાં તેમના સમર્થકો વોશિંગ્ટન ડીસી પહોંચ્યા હતા. ટ્રમ્પના સમર્થકો ફટાકડા ફોડી રહ્યા છે.
ડોનાલ્ડ ટ્રમ્પ તેમના પરિવાર સાથે ફ્લોરિડાથી વિશેષ વિમાનમાં વોશિંગ્ટન પહોંચ્યા હતા. તેમની ફ્લાઇટને સ્પેશિયલ એર મિશન-47 નામ આપવામાં આવ્યું હતું, કારણ કે તેઓ અમેરિકાના 47માં રાષ્ટ્રપતિ છે. આ કારણથી તેની ફ્લાઈટને મિશન-47 નામ આપવામાં આવ્યું હતું.
131 વર્ષ પછી થયું આવું
અમેરિકાના રાજકારણમાં વ્હાઇટ હાઉસ છોડ્યાના 4 વર્ષ બાદ પુનરાગમન કરવું લગભગ અશક્ય માનવામાં આવે છે, પરંતુ ડોનાલ્ડ ટ્રમ્પે આ અશક્યને શક્ય બનાવીને ઇતિહાસ રચ્યો છે. ટ્રમ્પે ફરીથી અમેરિકાના રાષ્ટ્રપતિ તરીકે શપથ લઈને ભૂતપૂર્વ રાષ્ટ્રપતિ ગ્રોવર ક્લીવલેન્ડના રેકોર્ડની બરાબરી કરી લીધી છે. ગ્રોવર ક્લેવલેન્ડ પ્રથમ અમેરિકન રાષ્ટ્રપતિ હતા, જેમણે 4 વર્ષ સુધી વ્હાઇટ હાઉસની બહાર રહ્યા બાદ મજબૂત પુનરાગમન કરીને 131 વર્ષ પહેલાં રેકોર્ડ બનાવ્યો હતો. ગ્રોવર ક્લેવલેન્ડ 1885થી 1889 અને 1893-1897 દરમિયાન બે વખત અમેરિકાના પ્રમુખ હતા. તેમના પછી ડોનાલ્ડ ટ્રમ્પ બીજા એવા નેતા છે જે 4 વર્ષના અંતરાલ બાદ સત્તામાં પાછા ફર્યા છે.
40 વર્ષ પછી ઇન્ડોર શપથ ગ્રહણ
ડોનાલ્ડ ટ્રમ્પની શપથ ગ્રહણ પણ પોતાનામાં એક રેકોર્ડ છે. આ વખતે યુએસ રાષ્ટ્રપતિનો શપથ ગ્રહણ સમારોહ યુએસ કેપિટોલની બહાર ખુલ્લી જગ્યાને બદલે યુએસ સંસદની અંદર કેપિટલ રોટુન્ડા હોલમાં યોજાયો હતો. કડકડતી ઠંડીના કારણે આ નિર્ણય લેવામાં આવ્યો છે. ટ્રમ્પ પહેલા 1985માં રોનાલ્ડ રીગને પણ ઇન્ડોર સેરેમનીમાં પદના શપથ લીધા હતા. તે સમયે પણ ખરાબ હવામાનના કારણે આ નિર્ણય લેવામાં આવ્યો હતો. આ રીતે અમેરિકાના ઈતિહાસમાં 40 વર્ષ બાદ રાષ્ટ્રપતિ સંસદની અંદર શપથ લીધા.
