મોજમસ્તી માટે પહોંચ્યા હતા થાઈલેન્ડ, યુવકોએ કર્યું કઈંક એવું....સચ્ચાઈ જાણી હોત તો ઈજ્જતની ફજેતી ન થાત

ભારતીયો માટે ફરવાના જે મનપસંદ વિદેશી સ્થળો છે તેમાનું એક છે થાઈલેન્ડ. કારણ કે આ દેશ ભારતથી નજીક છે અને અહીં ફરવું સુવિધાજનક પણ છે. એટલે ગુજરાતીઓ સહિત ભારતીયોને આ જગ્યા ફરવા માટે ગમે છે. પરંતુ અહીં કેટલાક ભારતીયો સાથે એવું કઈક થયું તે તમારે પણ જાણવું જરૂરી છે. એટલે વિદેશ જાઓ તો આ બધી વસ્તુનું ખાસ ધ્યાન રાખવું જોઈએ. 

થાઈલેન્ડ ફરવા માટે પહોંચેલા કેટલાક ભારતીય યુવકોએ એવું કર્યું કે જેના કારણે તેની ઈજ્જતની ફજેતી થઈ ગઈ. થાઈલેન્ડના અખબાર ધ થાઈઝરના રિપોર્ટ મુજબ યુવકોએ લાકડી-ડંડા અને અન્ય યુવકોને બોલાવીને તૈયારીઓ કરી હતી પરંતુ જ્યારે સચ્ચાઈ સામે આવી તો પગ તળેથી જમીન સરકી ગઈ. 

Add Zee News as a Preferred Source

શું હતો મામલો
થાઈલેન્ડના પટ્ટાયાની એક જગ્યા ચોનબરીનો આ મામલો હતો. 16 માર્ચના રોજ આ યુવકોની થાઈલેન્ડમાં એક કપલ સાથે મધરાતે માથાપચ્ચી થઈ. આ માથાકૂટનું કારણ પાર્કિંગ હતું. જ્યાં પાર્કિંગ બાદ કપલ ત્યાંથી કાર કાઢી શકતું નહતું. 22 વર્ષના મેક્સિમ અને તેની થાઈ પત્ની સાથે 4 ભારતીયોએ લડવાનું શરૂ કરી દીધુ. પહેલા તો વાદ વિવાદ સુધી વાત પહોંચી અને પછી ચારેય યુવકોએ અન્ય બે યુવકોને પણ બોલાવી લીધા. બધાએ ભેગા થઈને મેક્સિમ જોડે મારામારી કરી અને આ મામલો પોલીસ સુધી પહોંચી ગયો. 

મેક્સિમે જો કે આ તમામ યુવકોથી પોતાની જાતને બચાવી લીધી. કારણ કે તે કોઈ સામાન્ય માણસ નહતો પરંતુ એક જબરદસ્ત MMA ફાઈટર અને મુએ થાઈ નામની માર્શલ આર્ટમાં પણ ટ્રેઈન્ડ હતો. આવામાં તેણે 6 યુવકો સાથે એક સાથે મારામારી કરી અને પોતાની જાતને તો બચાવી સાથે પત્નીની પણ રક્ષા કરી. જ્યારે તેની પત્નીએ પોલીસને ફરિયાદ કરી તો આ ભારતીય યુવકોને સચ્ચાઈ જાણવા મળી. જો કે મેક્સિમે ભારતીયો પર કોઈ ચાર્જ લગાવ્યો નહીં. કારણ કે ઓલરેડી આ યુવકો ઘણો માર ખાઈ ચૂક્યા હતા. આ બધા વચ્ચે ભારતીય યુવકોએ પણ પછી તો તેની માફી માંગી લીધી.