Global Peace Index 2025: દુનિયાનો સૌથી શાંત દેશ કયો? જાણો કેટલામું છે ભારતનું સ્થાન

નવી દિલ્હીઃ ઈન્સ્ટિટ્યુટ ફોર ઇકોનોમિક્સ એન્ડ પીસ (IEP) તરફથી વર્ષ 2025નો ગ્લોબલ પીસ ઈન્ડેક્સ જાહેર કરવામાં આવ્યો છે. રિપોર્ટ અનુસાર આઈસલેન્ડ એકવાર ફરી દુનિયાનો સૌથી શાંત અને સુરક્ષિત દેશ બન્યો છે. વર્ષ 2008થી આ દેશ સતત પ્રથમ સ્થાને છે, જે તેની સ્થિરતા અને સામાજિક વ્યવસ્થાની મજબૂતીને દર્શાવે છે. તો ભારત આ વખતે પણ ટોપ 100 દેશોના લિસ્ટમાં સામેલ થવાથી ચૂકી ગયું છે.

આ સૂચકાંક તૈયાર કરતી વખતે, 163 સ્વતંત્ર દેશો અને પ્રદેશોનું મૂલ્યાંકન કરવામાં આવ્યું છે, જે વિશ્વની લગભગ 99.7% વસ્તીને આવરી લે છે. GPI સૂચકાંકમાં ભારતને 163 દેશોમાં 115મું સ્થાન મળ્યું છે, પરંતુ આ ભારત માટે રાહતના સમાચાર પણ છે. હકીકતમાં, ઇન્ડિયન એક્સપ્રેસના અહેવાલ મુજબ, ભારતનો GPI સ્કોર 2.229 નોંધવામાં આવ્યો છે, જે ગયા વર્ષની સરખામણીમાં શાંતિના સ્તરમાં ૦.58% નો વધારો દર્શાવે છે. આ વર્ષે, ભારતનો ક્રમ સુધર્યો છે.

આઇસલેન્ડને ફરી કેમ મળ્યું પ્રથમ સ્થાન?
વિશ્વ શાંતિ સૂચકાંક 2025ના મૂલ્યાંકનમાં ત્રણ મુખ્ય પાસાંઓ- સામાજિક, સુરક્ષા, ઘરેલું તથા આંતરરાષ્ટ્રીય સંઘર્ષ અને સૈન્યીકરણને આધાર બનાવવામાં આવ્યા છે. આ માપદંડો પર આઈસલેન્ડે આ વર્ષે પણ સર્વોસ્સ પોઈન્ટ મેળવ્યા છે. નિષ્ણાંતો અનુસાર ઓછો ક્રાઈમ રેટ, આપસી વિશ્વાસની મજબૂત પરંપરા અને સેનાની ગેરહાજરીએ તેને વિશ્વનો સૌથી સુરક્ષિત દેશ બનાવી રહ્યો છે.

આ પણ વાંચોઃ PM મોદીએ આતંકવાદનું ખુલ્લેઆમ સમર્થન કરતા દેશોને બરાબર આડે હાથ લીધા

આ છે 10 સૌથી સુરક્ષિત દેશ
રેન્કિંગમાં આઈસલેન્ડ બાદ આયર્લેન્ડ, ન્યૂઝીલેન્ડ, ફિનલેન્ડ, ઓસ્ટ્રિયા, સ્વિત્ઝરર્લેન્ડ, સિંગાપુર, પોર્ટુગલ, ડેનમાર્ક અને સ્લોવેનિયા સામેલ છે. તેને વૈશ્વિક સ્તર પર ટોસ દસ સૌથી શાંતિપૂર્ણ દેશોનો દરજ્જો મળ્યો છે. રિપોર્ટ જણાવે છે કે યુરોપ હજુ પણ વિશ્વનું શાંતિપૂર્ણ ક્ષેત્ર બનેલું છે અને આ લિસ્ટમાં તેનો દબદબો યથાવત છે.

કોણ છે સૌથી અસુરક્ષિત દેશ?
ગ્લોબલ પીસ ઈન્ડેક્સ 2025ના રિપોર્ટમાં ઉપ-સહારા આફ્રિકા અને મિડલ ઈસ્ટને દુનિયાનું સૌથી અસ્થિર અને અસુરક્ષિત ક્ષેત્ર ગણવામાં આવે છે. આ લિસ્ટમાં સૌથી નીચે રશિયા, યુક્રેન, સૂડાન, કાંગો અને યમન જેવા દેશ હાજર છે, જ્યાં સંઘર્ષ અને હિંસા સતત વધી રહી છે.

દક્ષિણ આફ્રિકામાં પણ શાંતિની સ્થિતિમાં ઘટાડો થયો છે. તો બાંગ્લાદેશ અને પાકિસ્તાનમાં નાગરિક અશાંતિ અને દમનકારી નીતિઓને કારણે સ્થિતિ બગડી છે. રિપોર્ટ જણાવે છે કે આ દેશોમાં રાજકીય અસ્થિરતા અને સામાજિક ટકરાવ શાંતિ બનાવી રાખવામાં સૌથી મોટો પડકાર બનેલા છે.