એક યુવક બન્યો મંત્રીના રાજીનામાનું કારણ, 22 વર્ષની ઉંમરે કિશોર સાથે બાંધ્યા હતા સંબંધ

Iceland News : આઇસલેન્ડના પ્રધાન આસ્થિલ્દુર લોઆ થોરાસડોટિરે તેમના પદ પરથી રાજીનામું આપવું પડ્યું છે. તેની પાછળનું કારણ એક યુવક હતો, જેની સાથે મંત્રીના 22 વર્ષની ઉંમરે ગેરકાયદેસર સંબંધો હતા. તે સમયે યુવક 15 વર્ષનો હતો. જ્યારે છોકરો 16 વર્ષનો થયો, ત્યારે મંત્રી ગર્ભવતી થઈ અને તેમણે ગુપ્ત બાળકને જન્મ આપ્યો. ચાલો જાણીએ કોણ છે તે યુવક?

આવું 36 વર્ષ પહેલા થયું હતું, જ્યારે 22 વર્ષની ઉંમરે મિનિસ્ટર આસ્થિલ્દુર લોઆ થોરાસડોટિરનો તેમના કરતાં નાના યુવક સાથે સંબંધ હતો. તેમણે 23 વર્ષની ઉંમરે બાળકને જન્મ આપ્યો હતો. આ ખુલાસા બાદ હવે 58 વર્ષીય મંત્રી થોરાસડોટિરે પોતાના પદ પરથી રાજીનામું આપી દીધું છે.

Iceland Minister for Children Resigns.Because she got pregnant of a 15 yo boy when she was 22 while she was a
Councillor.. pic.twitter.com/3jneDQPSWG

— Truthseeker (@Xx17965797N) March 22, 2025

કોણ છે આ યુવક?
મીડિયા રિપોર્ટ્સ અનુસાર મંત્રી સાથે સંબંધ ધરાવતા યુવકનું નામ એરિકુર આસમુંડલન છે. એરિકુર આસમુંડલનને આરોપ લગાવ્યો કે તેમણે તેના પુત્રને મળવાનો પ્રયાસ કર્યો, પરંતુ થોરસેડોટિરે તેમને મળવાની મંજૂરી આપી નહીં. પુત્રના જન્મ સમયે તેઓ પણ હોસ્પિટલમાં હાજર હતા. જો કે, તેમનો સંબંધ લાંબો સમય ટકી શક્યો નહીં.

મંત્રીએ શું આપ્યો જવાબ?
પ્રધાન થોરસેડોટિરે એરિકુર આસમુંડલનના આરોપને સ્પષ્ટપણે નકારી કાઢ્યા. તેમણે પોતાના બચાવ કરતા જણાવ્યું હતું કે તે પહેલા જેવી નથી અને હવે વસ્તુઓને અલગ રીતે લે છે. જો તે પહેલાનો સમય હોત, તો કદાચ તેણીએ પરિસ્થિતિને અલગ રીતે સંભાળી હોત, પરંતુ ઘણો સમય પસાર થઈ ગયો છે.