અમેરિકામાં હેલીકોપ્ટર ક્રેશ, મિનિયાપોલિસ એરપોર્ટ પાસે મળ્યો કાટમાળ, બધા સવારના મોત

USA News: અમેરિકાના મિનેસોટાના ટવિન સિટીઝ ક્ષેત્રમાં એરપોર્ટ પાસે શનિવાર (6 સપ્ટેમ્બર) ના એક હેલીકોપ્ટર દુર્ઘટનાનો શિકાર બન્યું અને તેમાં આગ લાગી ગઈ. અધિકારીઓએ પુષ્ટિ કરી છે કે દુર્ઘટનામાં સવાર બધા લોકોના મોત થયા છે. દુર્ઘટનાગ્રસ્ત હેલીકોપ્ટરની રોબિન્સન R66 ના રૂપમાં ઓળખ થઈ છે. એયરલેક એરપોર્ટના પશ્ચિમમાં આ હેલીકોપ્ટર દુર્ઘટનાનો ભોગ બન્યું છે. સ્થાનીક સમયાનુસાર આ ઘટના બપોરે 2.45 કલાકે થઈ છે.

ન્યૂ યોર્ક પોસ્ટના અહેવાલ મુજબ, ઘટનાસ્થળે પહોંચેલા કટોકટી કર્મચારીઓએ જોયું કે હેલીકોપ્ટરમાં સંપૂર્ણપણે આગ લાગી ગઈ હતી. અકસ્માતમાં સવાર કોઈપણ મુસાફરો બચી શક્યા નહીં. પોલીસ અને ફાયર બ્રિગેડની ટીમો તાત્કાલિક ઘટનાસ્થળે પહોંચી ગઈ અને બચાવ કામગીરી શરૂ કરી દીધી. અધિકારીઓ હેલીકોપ્ટરની તપાસ કરવામાં અને અકસ્માતનું કારણ શોધવામાં સંપૂર્ણપણે રોકાયેલા છે. હેલિકોપ્ટરમાં કેટલા લોકો સવાર હતા તે હજુ સ્પષ્ટ નથી. પોલીસના જણાવ્યા અનુસાર, અકસ્માત સ્થળ બિન-રહેણાંક અને બિન-વાણિજ્યિક વિસ્તારમાં છે અને જમીન પર કોઈને ઈજા થઈ હોવાના કોઈ સંકેતો નથી.

આ પણ વાંચોઃ 'ટ્રમ્પનો યુ-ટર્ન' ચીન અને કોરિયાને મળવાની તૈયારી કરી રહ્યું છે અમેરિકા

રોબિન્સન R66 ની શું છે ખાસિયત?
રોબિન્સન R66 એક લાઇટવેટ, સિંગલ-એન્જિન ટર્બાઇન હેલીકોપ્ટર છે, જેને રોબિન્સન હેલીકોપ્ટર કંપનીએ ડિઝાઇન કર્યું છે. તેમાં ગ્લાસ કોકપિટ અને આધુનિક એવિયોનિક્સ સિસ્ટમ લાગેલી હોય છે, જે પાયલટને ઉડાન દરમિયાન સારા દ્રશ્ય અને નેવિગેશન પ્રદાન કરે છે. તેની ડિઝાઇન નાના વ્યાવસાયિક ઉપયોગ, ખાનગી ઉડાન અને તાલીમ ઈદ્દેશ્યો માટે યોગ્ય છે. તેની મહત્તમ ઉડાન ક્ષમતા 350 માઇલ છે અને તે 24500 ફૂટની ઊંચાઈ સુધી ઉડી શકે છે.

R66 માં એક પાયલટ અને ચાર યાત્રીને બેસવાની સુવિધા છે. તેનું હળવું વજન અને શક્તિશાળી ટર્બાઇન એન્જિન તેને નાની અને મધ્યમ અંતરની યાત્રા માટે આદર્શ બનાવે છે. વધુમાં, તેની રચના અને ડિઝાઇન હેલિકોપ્ટરને ઉચ્ચ ગતિ, સ્થિરતા અને વધુ સારી ઇંધણ કાર્યક્ષમતા આપે છે. આ હેલિકોપ્ટરનો ઉપયોગ ઘણીવાર ખાનગી માલિકો, નાના વ્યવસાયો અને તાલીમ શાળાઓ દ્વારા કરવામાં આવે છે.