દુબઈ નીકળવાની તૈયારીમાં PM ઓલી, પ્રદર્શનકારીઓએ ફરી સંસદનો કર્યો ઘેરાવ, ત્રણ મંત્રીઓના રાજીનામાં

કાઠમંડુઃ નેપાળમાં Gen-Z પ્રદર્શનો બાદ રાજકીય હલચલ જોવા મળી રહી છે. પ્રધાનમંત્રી કેપી શર્મા ઓલીની કેબિનેટના ત્રણ મંત્રીઓએ રાજીનામા આપી દીધા છે. ગૃહમંત્રી, કૃષિ અને પશુપાલન વિકાસ મંત્રી બાદ સ્વાસ્થ્ય મંત્રીએ પદ પરથી રાજીનામું આપ્યું છે. તેમણે કહ્યું કે સરકારનું વલણ લોકતાંત્રિક મૂલ્યોની જગ્યાએ સત્તાવાદી દિશામાં ચાલી રહ્યું છે. આ વચ્ચે તેવા સમાચાર પણ સામે આવી રહ્યાં છે કે નેપાળના પ્રધાનમંત્રી કેપી શર્મા ઓલી દેશ છોડી દુબઈ જઈ શકે છે. વિરોધ પ્રદર્શન કરતા લોકોનો ગુસ્સો જોતા પ્રધાનમંત્રી દેશ છોડવાની તૈયારી કરી રહ્યાં હોવાનું સામે આવ્યું છે.

પોતાના રાજીનામામાં નેપાળી કોંગ્રેસના સાંસદે લખ્યુ કે સરકારે નાગરિકોના લોકતાંત્રિક અધિકારોને માન્યતા આપવાની જગ્યાએ દમન, હિંસા અને બળ પ્રયોગનો રસ્તો અપનાવ્યો છ અને તેથી તે રાજીનામું આપી રહ્યાં છે.

નેપાળ સરકારના મંત્રીએ કહ્યું કે આ રીતે લોકતંત્રની જગ્યાએ સત્તાવાદ તરફ દેશને લઈને જઈ રહી છે. તેમણે તે પણ કહ્યું કે તે સત્તામાં રહી આ સવાલનો જવાબ ન આપી શકે કે આખરે કેમ સરકારે આ પેઢી વિરુદ્ધ હિંસાનો માર્ગ અપનાવ્યો, જેની સાથે મળી રાષ્ટ્ર નિર્માણ થવું જોઈએ.

આ પણ વાંચોઃ નેપાળ સરકાર ઝૂકી, અનેક લોકોના મોત બાદ સોશિયલ મીડિયા પરથી હટ્યો પ્રતિબંધ

પહેલા ગૃહમંત્રી રમેશ લેખકનું રાજીનામું
રામનાથ અધિકારીનું આ પગલું સોમવારે ગૃહમંત્રી રમેશ લેખકના રાજીનામા બાદ સામે આવ્યું છે. રમેશ લેખકે સોમવારે સાંજે પીએમ કેપી શર્મા ઓલીને પોતાનું રાજીનામું આપી દીધું હતું. આ રાજીનામું Gen-Z પ્રદર્શનો દરમિયાન થયેલી હિંસા અને મોત બાદ આપવામાં આવ્યું હતું. 

કેપી શર્મા ઓલીના રાજીનામાની માંગ
નેપાળી કોંગ્રેસના મહાસચિવ ગગન થાપાએ પ્રધાનમંત્રી ઓલીના રાજીનામાની માંગ કરી છે. તેમણે કહ્યું- નિર્દોશ યુવાઓના મોત બિનજરૂરી રીતે થયા છે. તે માટે પ્રધાનમંત્રીએ નૈતિક જવાબદારી લેવી જોઈએ અને તત્કાલ પદ છોડી દેવું જોઈએ.

નેપાળી કોંગ્રેસની ઓલી સરકારમાંથી અલગ થવાની તૈયારી
થાપાએ આગળ કહ્યુ કે નેપાળી કોંગ્રેસ આ સ્થિતિની માત્ર સાક્ષી કે સહભાગી બનીને ન રહી શકે. તેમણે સ્પષ્ટ કર્યું કે તે આ મુદ્દાને પાર્ટી બેઠકમાં મજબૂતીથી ઉઠાવશે અને પાર્ટીને સરકારમાંથી અલગ કરવા ભાર આપશે.

ઉલ્લેખનીય છે કે સોમવારે નેપાળમાં યુવાઓના વિરોધ પ્રદર્શન દરમિયાન 20 લોકોના મોત થયા અને મોટી સંખ્યામાં લોકો ઈજાગ્રસ્ત થયા હતા. સરકાર તરફથી સુરક્ષાદળોને તૈનાત કરવામાં આવ્યા હતા. હવે ઓલી સરકારના મંત્રીઓ રાજીનામાં આપી રહ્યાં છે. આ વચ્ચે નેપાળમાં ગંભીર રાજકીય સંકટ જોવા મળી રહ્યું છે.