ટ્રમ્પે દેખાડી આંખ તો, સામી છાતીએ લડવા માટે તૈયાર થઈ ગયા આ દેશના રાષ્ટ્રપતિ, 3 યુએસ યુદ્ધ જહાજો સામે ઉભી કરી 45 લાખની સેના !

War Against Trump: આગામી 24 કલાકમાં ત્રણ ખતરનાક યુએસ યુદ્ધ જહાજો વેનેઝુએલાના કિનારા પર પહોંચવાના છે. લેટિન અમેરિકામાં ડ્રગ્સની દાણચોરી રોકવા માટે ટ્રમ્પ વહીવટીતંત્રે આ પગલું ભર્યું છે. રોઇટર્સે ખુલાસો કર્યો છે કે આ યુદ્ધ જહાજો યુએસએસ ગ્રેવલી, યુએસએસ જોન ડનહામ અને યુએસએસ સેમ્પસન છે, જે થોડીક સેકન્ડમાં દુશ્મનોનો નાશ કરી શકે છે, એટલે કે આવા ખતરનાક યુદ્ધ જહાજોને તૈનાત કરીને અમેરિકાએ વેનેઝુએલાને ખુલ્લો પડકાર આપ્યો છે. આ પણ દબાણ બનાવવાનો એક રસ્તો છે. પરંતુ વેનેઝુએલાના રાષ્ટ્રપતિ નિકોલસ માદુરોએ અમેરિકાની આવી શક્તિ સામે ઝૂકવાને બદલે, વળતો લડવાની યોજના બનાવી છે અને 45 લાખ લશ્કરી લડવૈયાઓની તૈયારીની જાહેરાત કરી છે.
 
અમેરિકાની સેનાની તાકત

ખાનગી પોર્ટલના જણાવ્યા મુજબ 22 ઓગસ્ટના રોજ અમેરિકાએ જાહેરાત કરી હતી કે કેરિબિયન વિસ્તારમાં 4000થી વધારે નૈસૈનિકો અને મરીન્સ સાથે હવામાં અને દરિયામાં નૌસૌનિક બળ ડિપ્લોય કરવામાં આવશે. આ બળો અનેક મહિના સુધી આંતરરાષ્ટ્રીય જળ સીમામાં ડિપ્લોય રહેશે. ટ્રમ્પ સરકાર ડ્રગ્સ તસ્કરો સાથે સેના તાકાત બતાવવાના મુળમાં છે. આ પહેલા અમેરિકાએ માદુરોની ધરપકડ માટે ઈનામની રકમ બે ગણી કરીને 5 કરોડ ડોલર કરી અને તેની 70 કરોડ ડોલરની સંપત્તી પણ જપ્ત કરી લીધી હતી.

માદુરોનો જોરદાર જવાબ

માદુરોએ તેને અમેરિકાની હતાશા ગણાવી. મંગળવારે, વેનેઝુએલા સરકારે એક નિવેદન બહાર પાડીને કહ્યું કે અમેરિકાની વેનેઝુએલા સામે ડ્રગ્સની હેરાફેરી અને ધમકીઓ તેમની નિષ્ફળ નીતિઓનો પુરાવો છે. માદુરોએ લાઇવ ટીવી પર 45 લાખ લશ્કરી સભ્યોને એકત્ર કરવાની જાહેરાત કરી. તેમણે તેને શાંતિ યોજના ગણાવી, જેમાં લશ્કર સશસ્ત્ર, તૈયાર અને સક્રિય રહેશે. તેમણે તેમના સમર્થકોને ગ્રામીણ અને ઔદ્યોગિક લશ્કરી જૂથોમાં જોડાવા અપીલ કરી અને કહ્યું કે રાઇફલ્સ અને મિસાઇલો વેનેઝુએલાની જમીન, સમુદ્ર અને સાર્વભૌમત્વનું રક્ષણ કરવા માટે તૈયાર છે.

માદુરોએ અમેરિકા પર વળતો પ્રહાર કર્યો

સોમવારે એક રાજકીય રેલીમાં, માદુરોએ અમેરિકન યુદ્ધ જહાજોનો ઉલ્લેખ કર્યા વિના કહ્યું કે અમે અમારી જમીન, સમુદ્ર અને આકાશનું રક્ષણ જાતે કરીશું. કોઈ પણ સામ્રાજ્ય વેનેઝુએલા અથવા દક્ષિણ અમેરિકાની પવિત્ર ભૂમિને સ્પર્શી શકશે નહીં. તેમણે કોલંબિયામાં અમેરિકન લશ્કરી થાણાઓને પ્રદેશની સ્વતંત્રતાનું અપમાન ગણાવ્યું. લેટિન અમેરિકામાં લગભગ 76 અમેરિકન લશ્કરી થાણા છે, પરંતુ યુએસ સ્ટેટ ડિપાર્ટમેન્ટ કહે છે કે આ કોલંબિયાની સુરક્ષા માટે છે. 2024 માં, વોશિંગ્ટન ઓફિસ ઓન લેટિન અમેરિકા (WOLA) એ કોલંબિયા અને યુએસને ગોર્ગોના ટાપુ પર પ્રસ્તાવિત લશ્કરી પ્રોજેક્ટ બંધ કરવાની માંગ કરી.

ડ્રોન પર પ્રતિબંધ

માદુરો સરકારે મંગળવારે વેનેઝુએલામાં 30 દિવસ માટે ડ્રોન ફ્લાઇટ્સ પર પ્રતિબંધ મૂક્યો. આ પગલું યુએસ યુદ્ધ જહાજોની તૈનાતીના પ્રતિભાવમાં જોવામાં આવી રહ્યું છે.