Donald Trump ના સમર્થકોનું હિંસક પ્રદર્શન, મહિલા સહિત 4 લોકોના મોત બાદ કરફ્યૂ, ટ્રમ્પના Twitter-Instagram એકાઉન્ટ સસ્પેન્ડ

વોશિંગ્ટન: અમેરિકા (America) માં રાષ્ટ્રપતિ ચૂંટણી 2020ના પરિણામો પર હજુ પણ ખેંચતાણ ચાલુ છે. રાષ્ટ્રપતિ ડોનાલ્ડ ટ્રમ્પ (Donald Trump)  ચૂંટણી ધાંધલીનો આરોપ લગાવીને સતત દબાણ સર્જી રહ્યા છે. ડોનાલ્ડ ટ્રમ્પના સમર્થકોએ વ્હાઈટ હાઉસ અને કેપિટલ બિલ્ડિંગ (US Capitol) ની બહાર જોરદાર હંગામો કર્યો. ત્યારબાદ વોશિંગ્ટન ડીસીમાં કરફ્યૂ લાગી ગયો છે. હિંસા દરમિયાન ટ્રમ્પ સમર્થકો અને પોલીસ વચ્ચે ઘર્ષણ થયું જેમાં અનેક લોકો ઘાયલ થયા છે. મળતી માહિતી મુજબ આ હિંસક પ્રદર્શનમાં અત્યાર સુધી મહિલા સહિત 4 લોકોના મોત થયા છે. આ હોબાળો એવા સમયે થયો કે જ્યારે અમેરિકી કોંગ્રેસમાં ઈલેક્ટોરલ કોલેજ અંગે ચર્ચા ચાલુ હતી. આ મીટિંગમાં જો બાઈડેનની ચૂંટણી જીતની પુષ્ટિ થવાની હતી. આ હિંસક ઘટનાની અમેરિકામાં અને વિશ્વમાં ખુબ ટીકા થઈ રહી છે. સ્થિતિ પર નિયંત્રણ મેળવવા માટે નેશનલ ગાર્ડ્સે કાર્યવાહી કરવી પડી. અત્રે જણાવવાનું નવા ચૂંટાઈ આવેલા જો બાઈડેન 20મી જાન્યુઆરીએ નવા રાષ્ટ્રપતિ તરીકેના શપથ લેશે. 

#UPDATE | US lawmakers reconvene to certify Electoral College votes after the violence at the US Capitol in Washington DC. https://t.co/W1e3J1JkJf

— ANI (@ANI) January 7, 2021

જો બાઈડેને હંગામાને રાજદ્રોહ ગણાવ્યો. 
આ સમગ્ર ઘટના અંગે રાષ્ટ્રપતિ પદ માટે ચૂંટાઈ આવેલા જો બાઈડેને કહ્યું કે રાષ્ટ્રપતિ ડોનાલ્ડ ટ્રમ્પને આહ્વાન કરું છું કે તેઓ પોતાની શપથ પૂરી કરે અને બંધારણની રક્ષા કરે અને આ ઘેરાબંધીને સમાપ્ત કરવાની માગણી કરે. બાઈડેને કહ્યું કે હું સ્પષ્ટ કરી દઉ કે કેપિટલ બિલ્ડિંગ પર જે હંગામો અમે જોયો તેવા અમે નથી. આ  કાયદાનને ન માનનારાની મર્યાદિત સંખ્યા છે. બાઈડેને કેપિટલ બિલ્ડિંગ પર થયેલા હંગામાને રાજદ્રોહ ગણાવ્યો. 

#WATCH | I call on President Trump to go on national television now to fulfil his oath and defend the Constitution and demand an end to this siege: US President-Elect Joe Biden on US Capitol mob violence pic.twitter.com/CEaChwBsdd

— ANI (@ANI) January 6, 2021

હિંસામાં એક મહિલા સહિત 4 લોકોના મોત, અનેક ઘાયલ
ચૂંટણીના પરિણામો પર અમેરિકી સંસદની બોલાવવામાં આવેલી બેઠક અગાઉ ટ્રમ્પ સમર્થકોની ભીડ વ્હાઈટ હાઉસ અને અમેરિકી કેપિટલ ભવન બહાર ભેગી થઈ ગઈ. ટ્રમ્પ સમર્થકોએ કેપિટલ બિલ્ડિંગ પર હોબાળો પણ કર્યો. અહીં પોલીસ સાથે ઝપાઝપીના પણ સમાચાર છે. મીડિયા રિપોર્ટ મુજબ યુએસ કેપિટલમાં થયેલી હિંસામાં એક મહિલા સહિત ચાર નાગરિકોનું મોત નિપજ્યું છે. 

#UPDATE | Violence at US Capitol: Woman who was shot inside the Capitol on Wednesday afternoon (local time) has died at a hospital, reports CNN

— ANI (@ANI) January 6, 2021

ટ્રમ્પે સમર્થકોને શાંતિ જાળવી રાખવાની કરી અપીલ
જો કે રાષ્ટ્રપતિ ડોનાલ્ડ ટ્રમ્પે પોતાના સમર્થકોને શાંતિ જાળવી રાખવાની અપીલ કરી છે. તેમણે સમર્થકોને શાંતિપૂર્ણ પ્રદર્શનની અપીલ કરતા કહ્યું કે પ્રદર્શનમાં હિંસા થવી જોઈએ નહીં. યાદ રાખો આપણે કાયદો અને વ્યવસ્થાની પાર્ટી છીએ. 

Facebook removes US President Donald Trump's video addressing his supporters during violence at US Capitol

"We removed it because on balance we believe it contributes to rather than diminishes the risk of ongoing violence," tweets Facebook Vice President of Integrity, Guy Rosen https://t.co/fdCneDzNwq

— ANI (@ANI) January 6, 2021

ફેસબુક, ટ્વિટર, યુટ્યૂબની કાર્યવાહી
હોબાળા અને હિંસાના પગલે માઈક્રો બ્લોગિંગ સાઈટ ટ્વિટરે ડોનાલ્ડ ટ્રમ્પની ત્રણ ટ્વીટ રિમૂવ કરી જેમાં ટ્રમ્પે તેમના સમર્થકોને કરેલા સંબોધનનો પણ વીડિયો સામેલ છે. આ ઉપરાંત ટ્વિટરે ડોનાલ્ડ ટ્રમ્પનું એકાઉન્ટ 12 કલાક માટે લોક પણ કરી દીધુ. ટ્વિટર બાદ ફેસબુક અને યુટ્યૂબે પણ અમેરિકી રાષ્ટ્રપતિ ડોનાલ્ડ ટ્રમ્પના સંબોધનવાળા વીડિયોને હટાવી દીધો. 

Twitter locks account of outgoing US President Donald Trump for 12 hours following removal of three of his tweets. https://t.co/EJUdTx3t49 pic.twitter.com/jdQpJ6C3xF

— ANI (@ANI) January 7, 2021

ટ્રમ્પ સમર્થકોને હટવાનું કહે-કમલા હેરિસ
ઉપરાષ્ટ્રપતિ પદ માટે  ચૂંટાઈ આવેલા કમલા હેરિસે રાષ્ટ્રપતિ ડોનાલ્ડ ટ્રમ્પના સમર્થકોને યુએક કેપિટલથી હટાવવાની માગણી કરી છે. ટ્રમ્પ સમર્થક પોલીસ સાથે ભીડી ગયા હતા. કમલા હેરિસે કહ્યું કે ટ્રમ્પ સમર્થકોએ કેપિટલ બિલ્ડિંગની સુરક્ષા વ્યવસ્થાને ભંગ કરી. હેરિસે એક ટ્વીટમાં કહ્યું કે હું કેપિટલ અને આપણા દેશના લોક સેવકો પર હુમલા માટે બાઈડેનના આહ્વાનમાં સામેલ છું જેમાં તેમણે કહ્યું કે લોકતંત્રના કામને આગળ વધવા દે.