 "ભારતમાં કર્યું એન્જિનિયરિંગ, કહેવાય છે નેપાળના 'વીજળી મેન', હવે PMની રેસમાં આવ્યું નામ જાણો કોણ છે કુલમાન ઘીસિંગ")
કાઠમંડુઃ નેપાળમાં હિંસા વચ્ચે હવે વરગાળાની સરકાર બનાવવા માટે તૈયારીઓ ચાલી રહી છે. પરંતુ હજુ સુધી નક્કી થઈ શક્યું નથી કે કાર્યકારી સરકારમાં પ્રધાનમંત્રી કોણ હશે. સમયની સાથે નવા-નવા નામોની અટકળો ચાલી રહી છે. એક દિવસ પહેલા સુધી નેપાળના પૂર્વ ચીફ જસ્ટિસ સુશીલા કાર્કી આ રેસમાં સૌથી આગળ હતા, પરંતુ હવે કુલમાન ઘીસિંગનું નામ કાર્યકારી પ્રધાનમંત્રી તરીકે નક્કી માનવામાં આવી રહ્યું છે.
કોણ છે કુલમાન ઘીસિંગ જેનો ભારત સાથે રહ્યો છે ખાસ સંબંધ?
કુલમાન ઘીસિંગ નેપાળ ઈલેક્ટ્રોનિક ઓથોરિટીના મેનેડિંગ ડાયરેક્ટરના પદ પર બે કાર્યકાળ પૂરા કરી ચૂક્યા છે. તેમણે પ્રથમ ટર્મ 2016-2020મા અને પછી 2021-2025મા પૂર્ણ કરી. તેમનો જન્મ 25 નવેમ્બર 1970ના નેપાળના રામેછાપ જિલ્લામાં થયો હતો. ભારતના જમશેદપુર શહેરમાંથી તેમણે એન્જીનિયરિંગનો અભ્યાસ કર્યો હતો. પોતાના કાર્યકાળ દરમિયાન તેમણે નેપાળના ઘણા વિસ્તારમાં વીજળીની સમસ્યા દૂર કરી અને ઘણી જગ્યાએ વીજળી ઉપલબ્ધ કરાવી. આ કારણે તેમની ઓળખ નેપાળમાં વીજળી મેનના રૂપમાં થવા લાગી.
કેપી ઓલીએ કર્યાં હતા સસ્પેન્ડ
એન્જિનિયર કુલમાને નેપાળમાં વીજળી કપાતની સમસ્યા ખતમ કરી હતી. તેમણે નેપાળ ઈલેક્ટ્રિસિટી ઓથોરિટીને ખોટમાંથી બહાર કાઢી અને નફો કરાવ્યો. કેપી શર્માની સરકારે 24 માર્ચ 2025ના તેમને NEA ના મેનેજિંગ ડાયરેક્ટર પદેથી હટાવી દીધા હતા. કહવામાં આવ્યું કે તેમણે ઘણા ઉદ્યોગપતિઓનું વીજળી બિલ માફ કરી દેવાની ના પાડી એટલે તેમની સામે કાર્યવાહી કરવામાં આવી હતી.
નેપાળે ભારતમાં વીજળી નિકાસ કરવાનું શરૂ કર્યું
કુલમાનના સરકાર વિરોધી વલણને કારણે તેમને યુવાનોમાં ઓળખ મળી. અભ્યાસ ઉપરાંત, તેમનો ભારત સાથે પણ ખાસ સંબંધ રહ્યો છે. NEA ના મેનેજિંગ ડિરેક્ટર તરીકે, નેપાળે 2023-24 માં ભારતમાં વીજળી નિકાસ કરવાનું શરૂ કર્યું. તેમણે નેપાળના હાઇડ્રોપાવર ઉત્પાદનમાં પરિવર્તન લાવ્યું. ઘીસિંગની બરતરફી પછી, દેશભરમાં તેમની લોકપ્રિયતા વધુ વધી.
)