 "Viral Video : ଦିଲ୍ଲୀରେ 'ସିଂଘମ'ଙ୍କୁ ଆକ୍ରମଣ!")
ନୂଆଦିଲ୍ଲୀ: ବର୍ତ୍ତମାନ ଅଭିନେତା ଅଜୟ ଦେବଗନଙ୍କ କଥିତ ମାଡ ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି। ଭିଡିଓରେ ଦାବି କରାଯାଉଛି ଯେ, ଗତକାଲି ରାତିରେ ଅଭିନେତାଙ୍କୁ ଦିଲ୍ଲୀର ଏକ ପବ୍ ବାହାରେ କିଛି ଲୋକ ପିଟିଛନ୍ତି। ସେ ନିସାଶକ୍ତ ଅବସ୍ଥାରେ ଆନ୍ଦୋଳନକାରୀ କୃଷକଙ୍କୁ ବିଷୟରେ କିଛି ମନ୍ତବ୍ୟ ଦେଇଥିଲେ। ଏହାକୁ ନେଇ କିଛି ଲୋକ ଅଜୟଙ୍କ ଉପରେ ଆକ୍ରମଣ କରିଥିବା କୁହାଯାଉଛି। ସେପଟେ ଭାଇରାଲ ଭିଡିଓକୁ ମିଥ୍ୟା ବୋଲି ଅଜୟଙ୍କୁ ପ୍ରବକ୍ତା କହିଛନ୍ତି।
ଭାଇରାଲ ଭିଡିଓ (Viral Video) ରେ ଜଣେ ବ୍ୟକ୍ତିଙ୍କୁ କିଛି ଲୋକ ଏକ ପବ୍ ବାହାରେ ପିଟୁଛନ୍ତି। ତେବେ ଯେଉଁମାନେ ଆକ୍ରମଣ କରୁଛନ୍ତି ସେମାନଙ୍କ ଚେହେରା ସ୍ପଷ୍ଟ ଦେଖାଯାଉ ନାହିଁ। କିନ୍ତୁ ମାଡ ଖାଉଛିବା ବ୍ୟକ୍ତିଙ୍କୁ ଅଜୟ ଦେବଗନ (Ajay Devgan) ବୋଲି ଦାବି କରାଯାଉଛି। ନିକଟରେ କୃଷକ ଆନ୍ଦୋଳନ (Farmers Protest) ବିରୋଧରେ ଅଜୟ ଟ୍ୱିଟ କରିଥିଲେ ଓ ଏବେ ଆପତ୍ତିଜନକ ମନ୍ତବ୍ୟ ଦେଇଛନ୍ତି, ତେଣୁ ତାଙ୍କୁ ମାଡ ମରାଯାଇଥିବା କୁହାଯାଉଛି।
ସେପଟେ ଅଜୟଙ୍କ ପ୍ରବକ୍ତା ଭାଇରାଲ ଭିଡିଓର ଦାବିକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ଅଭିନେତାଙ୍କ ନାଁରେ ମିଥ୍ୟା ଖବର ପ୍ରସାରଣ କରାଯାଉଛି। ମିଡିଆ ରିପୋର୍ଟରେ କୌଣସି ସତ୍ୟତା ନାହିଁ। ବର୍ତ୍ତମାନ ସିଂଘମ, 'ମୌଦାନ', 'ମେ ଡେ' ଓ 'ଗଙ୍ଗୁବାଇ କାଠିଆବାଡି' ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି। ସେ ଗତ ୧୪ ମାସ ହେଲା ଦିଲ୍ଲୀରେ ପାଦ ଦେଇନାହାନ୍ତି। ଏଭଳି ସ୍ଥିତିରେ ଅଜୟଙ୍କୁ ମାଡ ମରାଯାଉଥିବା ଦାବି କରିବା ଭିତ୍ତିହୀନ ବୋଲି ଅଭିନେତାଙ୍କ ପ୍ରବକ୍ତା କହିଛନ୍ତି।
False Claim : Actor @ajaydevgn was beaten by Farmers & their supporters for supporting farm laws
Fact: A group of "VVIP brats" started fighting at the aerocity, Delhi after their cars collided. Two main accused, Taranjit Singh & Naveen Kumar were later arrested. https://t.co/BXhybp9YZW
— Mohammed Zubair (@zoo_bear) March 28, 2021
ଅନ୍ୟପକ୍ଷରେ ଫ୍ୟକ୍ଟ ଚେକର (Fact check) ମହମ୍ମଦ ଜୁବୈର ମଧ୍ୟ ଅଜୟ (Singham fam) ଙ୍କୁ ଦିଲ୍ଲୀ (Delhi) ରେ ମାଡ ଘଟଣାକୁ ମିଥ୍ୟା ବୋଲି କହିଛନ୍ତି। ତାଙ୍କର କହିବା ହେଲା, ଭାଇରାଲ ଭିଡିଓରେ ଆକ୍ରମଣର ଶିକାର ହେଇଥିବା ବ୍ୟକ୍ତି ଅଭିନେତା ଅଜୟ ଦେବଗନ ନୁହଁନ୍ତି। ଦିଲ୍ଲୀର ଏରୋସିଟି ଅଞ୍ଚଳରେ ୨ଟି ଗାଡି ଧକ୍କା ହେବା ଯୋଗୁଁ ଗୋଷ୍ଠୀ ସଙ୍ଘର୍ଷ ହୋଇଥିଲା। ପରେ ତରଣଜୀତ ସିଂହ ଓ ନବୀନ କୁମାର ନାମକ ଦୁଇ ଜଣ ଅଭିଯୁକ୍ତକୁ ପୋଲିସ ଗିରଫ କରିଛି ବୋଲି ଜୁବୈର କହିଛନ୍ତି।
)