ଏଣିକି ୨୦ ମିନିଟରେ ଜୀବନ ବଞ୍ଚାଇବ 'Sonu For You' App

ନୂଆଦିଲ୍ଲୀ: କୋରୋନା ସମୟରେ ଅସହାୟ ଲୋକଙ୍କୁ ସାହାଯ୍ୟ କରି ଦେଶବାସୀଙ୍କ ମନ ଜିଣିଥିବା ବଲିଉଡ ଅଭିନେତା ସୋନୁ ସୁଦ ପୁଣିଥରେ ସମସ୍ତଙ୍କ ମନରେ ଏକ ସ୍ବତନ୍ତ୍ର ସ୍ଥାନ ତିଆରି କରିବାରେ ଲାଗିଛନ୍ତି । ଏବେ ଅଭିନେତା ସୋନୁ ସୁଦ 'Sonu For You' ନାମକ ଏକ ବ୍ଲଡ ବ୍ୟାଙ୍କ ଆପ୍ ଲଞ୍ଚ କରିବାକୁ ଯାଉଛନ୍ତି। ଦେଶରେ ଏହା ଏକ ବୃହତ ଆକାରରେ ଲଞ୍ଚ ହେବ । ଏହା ଏକ ଆପ୍ ମାଧ୍ୟମରେ ପରିଚାଳିତ କରାଯିବ। ଏହା ଦେଶର ସବୁଠାରୁ ବଡ ବ୍ଲଡ ବ୍ୟାଙ୍କ (Blood Bank) ହେବ ବୋଲି ଦାବି କରିଛନ୍ତି ସୋନୁ । ଏହି ଆପ୍ ସାହାଯ୍ୟରେ, ଯେଉଁମାନଙ୍କୁ ରକ୍ତ ଆବଶ୍ୟକ ସେମାନେ ତତକାଳ ଏହି ଆପ ଜରିଆରେ ରକ୍ତଦାତା ଖୋଜିପାରିବେ ।

ଏହି ଆପ ଜରିଆରେ ପ୍ରଥମେ ରକ୍ତଦାତା (Blood Donor) ଙ୍କ ନିକଟକୁ ରିକ୍ୱେଷ୍ଟ ବା ଅନୁରୋଧ ପଠାଯିବ। ପରେ ରକ୍ତଦାତା ହସ୍ପିଟାଲ ଯାଇ ରକ୍ତଦାନ କରିପାରିବେ । ଏହି କାରଣରୁ ଏହାକୁ ଦେଶର ସବୁଠାରୁ ବଡ଼ ବ୍ଲଡ ବ୍ୟାଙ୍କ ବୋଲି ଦାବି କରିଛନ୍ତି । ଅଭିନେତା ସୋନୁ ସୁଦ କହିଛନ୍ତି ଯେ, (Sonu For You App) ଚିନ୍ତାଧାରା ମୋର ଓ ମୋ ସାଙ୍ଗ ଜୋନସନର । ଆମ ଦେଶରେ ରକ୍ତ ଅଭାବରୁ ଅନେକଙ୍କ ଜୀବନ ଯାଉଛି । ତେବେ ଏଥିରେ ସହାୟକ ହେବା ସହ ରକ୍ତ ଆବଶ୍ୟକ କରୁଥିବା ଲୋକଙ୍କ ନିକଟରେ ରକ୍ତଦାତା ପହଞ୍ଚାଇବାକୁ ଏହି ଆପ୍ ଲଞ୍ଚ କରାଯିବ । 

Also Read: ବର୍ଷେ ପରେ ରିଙ୍ଗରେ ମେରି; ବିଦେଶରୁ ଆସିଲା ଡବଲ୍ ଖୁସି ଖବର

ଅଭିନେତା (Sonu Sood) ଏକଥା ବି କହିଛନ୍ତି ଯେ, ଏକ ବିଶେଷ ବ୍ଲଡ ଗ୍ରୁପର ଲୋକ ଖୋଜିବାକୁ ବହୁତ ସମୟ ଲାଗିଯାଏ । ଏହି ଆପ ଜରିଆରେ ଦୁଲର୍ଭ ବ୍ଲଡ ଗ୍ରୁପ ଥିବା ଲୋକଙ୍କୁ ଅତି ସହଜରେ ଖୋଜାଯାଇପାରିବ । କାରଣ କେବଳ ରକ୍ତ ଖୋଜିବାରେ ଅଧିକ ସମୟ ଯାଉଥିବାରୁ ପ୍ରତି ବର୍ଷ ଆମ ଦେଶରେ ୧୨ ହଜାର ରୋଗୀ ଉପଯୁକ୍ତ ରକ୍ତ ନପାଇ ମୃତ୍ୟୁ ମୁଖରେ ପଡ଼ୁଛନ୍ତି । ଆଉ ଏହି ଆପ ଲଞ୍ଚ ହେବା ପରେ ମାତ୍ର ୨୦ ମିନିଟ ଭିତରେ କୌଣସି ରୋଗୀଙ୍କ ଜୀବନ ବଞ୍ଚାଇବାରେ ସକ୍ଷମ ହୋଇପାରିବ ।

Also Read: CoWIN 2.0 App: ବଦଳିଛି ନିୟମ, ଜାଣନ୍ତୁ କେମିତି କରିବେ ରେଜିଷ୍ଟ୍ରେସନ

ସୂଚନାଯୋଗ୍ୟ, ଅଭିନେତା ସୋନୁ ସୁଦ୍ (Sonu Sood) ସମାଜର ବିଭିନ୍ନ କ୍ଷେତ୍ରର ଲୋକଙ୍କୁ ସାହାଯ୍ୟ କରିବା ପାଇଁ କ୍ରମାଗତ ଭାବରେ କାର୍ଯ୍ୟ କରୁଛନ୍ତି, କିନ୍ତୁ ସେ ଏହି ରିଲିଫ୍ କାର୍ଯ୍ୟଗୁଡ଼ିକର ପରିସର ମଧ୍ୟ ବୃଦ୍ଧି କରୁଛନ୍ତି । ସେ ଲକଡାଉନ୍ (LockDown) ସମୟରେ ପ୍ରବାସୀ ଶ୍ରମିକମାନଙ୍କୁ ଘରକୁ ଯିବାରେ ସାହାଯ୍ୟ କରି ଲାଇମ୍ ଲାଇଟ୍ ରେ ଆସିଥିଲେ ।