ଧୂଆଁ କରୁଛନ୍ତି ସୁନ୍ଦରୀ ସୋନମ୍

ସୌଭାଗ୍ୟ ରଞ୍ଜନ ମିଶ୍ର, ନୂଆଦିଲ୍ଲୀ:  ନିଜ କ୍ୟାରିୟରକୁ ନେଇ ଏବେ ଖୁବ୍ ବ୍ୟସ୍ତ ଅଭିନେତ୍ରୀ ସୋନମ ଦାଶ । ମିସ୍ ଇଣ୍ଟରନ୍ୟାସନାଲ୍ କ୍ୱିନ୍ ଇଣ୍ଡିଆର ଫାଇନାଲିଷ୍ଟ ଓ ମିସ୍ ଓଡ଼ିଶା ଇଣ୍ଟରନ୍ୟାସନାଲ୍ କ୍ୱିନ୍ ୨୦୨୦ର ବିଜେତା ହେବାପରେ ଏବେ ସୋନମଙ୍କ ପାଖକୁ ଆସିବାରେ ଲାଗିଛି ଅନେକ ଗୁଡ଼ିଏ ସିନେମା ଓ ୱେବ୍ ସିରିଜର ଅଫର ।

ସୋନମ୍ ଏବେ ସୁଟିଂରେ ଖୁବ୍ ବ୍ୟସ୍ତ କାରଣ ଆଗକୁ ଆସିବାକୁ ଯାଉଛି ତାଙ୍କର ଦୁଇ ଦୁଇଟି ପ୍ରୋଜେକ୍ଟ , ତନ୍ମଧ୍ୟରୁ ଗୋଟିଏ ସିନେମା ଓ ଅନ୍ୟଟି ୱେବ୍ ସିରିଜ୍ (Web series) । ସିନେମା 'କିଏ ହେବ ମୋ ହିରୋଇନ୍' ( kiye hebo mo heroine)ରେ ସୋନମ୍ ଜଣେ ସିଧାସାଦା ଝିଅ ଭୂମିକାରେ ଅଭିନୟ କରୁଥିବା ବେଳେ ୱେବ୍ ସିରିଜ୍ 'କ୍ଲବ୍ 69' (Club 69)  ରେ ସୋନମଙ୍କୁ ଦର୍ଶକେ ଜଣେ ନିଶାଖୋର ଝିଅ ଭାବେ ଦେଖିବାକୁ ପାଇବେ ।

Also Read: ମଶା କାମୁଡି଼ବା ଠାରୁ ଦୂରେଇ ରଖିବ ଏହି ୫ଟି ଗଛ

ତେବେ ଉଭୟ ସିନେମା (Cinema) ଓ ୱେବ୍ ସିରିଜରେ ଭିନ୍ନଭିନ୍ନ ଧରଣର ଚରିତ୍ରକୁ ନେଇ ସୋନମ୍ କହିଛନ୍ତି ତାଙ୍କ ପାଇଁ ଅଭିନୟର ମାନେ ହେଉଛି ଚରିତ୍ରକୁ ସଠିକ୍ ଭାବେ ବୁଝି ଉପସ୍ଥାପନ କରିବା, ତେବେ କ୍ୟାରେକ୍ଟର ଯାହା ବି ହେଉ ନା କାହିଁକି ଏହାକୁ ଏକ ଚ୍ୟାଲେଞ୍ଜ୍ ଭାବେ ଗ୍ରହଣ କରନ୍ତି ସୋନମ୍ ।

Also Read:  ଏଣିକି ସହଜରେ ମିଳିବନି Driving Licence: କରିବାକୁ ପଡ଼ିବ ଏହି କାମ
କେବଳ ଅଭିନୟରେ ନୁହେଁ, ନିଜ ଦେଶରେ ମଡେଲିଂରେ ସଫଳତା ହାସଲ୍ କରି ଦେଶ ବାହାରକୁ ଯିବାର ଯୋଜନା କରିଥିବା ସମୟରେ କୋରୋନା କଟକଣା (Corona Guideline) ପାଇଁ ତାଙ୍କର ଏହି ଯାତ୍ରା ସ୍ଥଗିତ ରଖିଥିବା ସେ କହିଛନ୍ତି  ଏବଂ ପରିସ୍ଥିତି ନିୟନ୍ତ୍ରଣାଧିନ ହେବାପରେ ସେ ଦେଶ ବାହାରେ ଅନୁଷ୍ଠିତ ହେଉଥିବା ସୁନ୍ଦରୀ ପ୍ରତିଯୋଗିତାରେ ଭାଗନେବେ ବୋଲି ସୂଚନା ମିଳିଛି ।

Edited: Zee Odisha Desk