 "Tollywoodରେ ଡେଭିଡ ୱାର୍ନର! ଫିଲ୍ମ ରିଲିଜ ପୂର୍ବରୁ ଭାଇରାଲ ହେଲା ଭିଡିଓ")
ନୂଆଦିଲ୍ଲୀ: ଅଷ୍ଟ୍ରେଲୀୟ କିମ୍ବଦନ୍ତୀ ଡେଭିଡ ୱାର୍ନର ତାଙ୍କ ସୋସିଆଲ ମିଡିଆରେ ଅନେକ ଉପାୟରେ ଭିଡିଓ ସେୟାର କରି ପ୍ରଶଂସକଙ୍କ ହୃଦୟ ଜିତିବାରେ ସଫଳ ହୁଅନ୍ତି। ବିଶେଷକରି ଭାରତୀୟ ପ୍ରଶଂସକଙ୍କ ପାଇଁ ୱାର୍ଣ୍ଣର କ୍ରମାଗତ ଭାବରେ ଇନଷ୍ଟାଗ୍ରାମରେ କିଛି ପୋଷ୍ଟ କରନ୍ତି, ଯେଉଁ କାରଣରୁ ପ୍ରଶଂସକମାନେ ତାଙ୍କ ପୋଷ୍ଟକୁ ବହୁତ ପସନ୍ଦ କରନ୍ତି। ଏଥର ୱାର୍ଣ୍ଣର ପୁଣିଥରେ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରିଛନ୍ତି ଯାହାକୁ ଦେଖି ଷ୍ଟାଇଲସ୍ ଷ୍ଟାର ଆଲୁ ଅର୍ଜୁନଙ୍କ ଫ୍ୟାନ୍ସ ବି ଆବାକ୍ ହେଇଯାଇଛନ୍ତି।
ଡେଭିଡ୍ ୱାର୍ଣ୍ଣର ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ସାଉଥ ଷ୍ଟାର ଅଲୁ ଅର୍ଜୁନଙ୍କ ଚରିତ୍ରରେ ଅଭିନୟ କରୁଥିବା ଏବଂ ନୃତ୍ୟ କରୁଥିବା ନଜର ଆସିଛନ୍ତି। ବାସ୍ତବରେ ୱାର୍ଣ୍ଣର, ଅଲୁ ଅର୍ଜୁନଙ୍କ ଆଗାମୀ ଚଳଚ୍ଚିତ୍ର 'ପୁଷ୍ପା'ର କ୍ଲିପ୍ରେ ନିଜର ଏକ ଭିଡିଓ ସେୟାର କରିଛନ୍ତି। କେବଳ ଏତିକି ନୁହେଁ, ୱାର୍ଣ୍ଣରଙ୍କ ଏହି ମଜାଳିଆ ଭିଡିଓ ଦେଖି ଭାରତୀୟ ଅଧିନାୟକ ବିରାଟ କୋହଲି ନିଜର ପ୍ରତିକ୍ରିୟା ନ ଦେଇ ରହିପାରିଲେ ନାହିଁ। ସେ ୱାର୍ଣ୍ଣରଙ୍କୁ ଠିକ୍ ଅଛନ୍ତି କି ବୋଲି ପଚାରିଛନ୍ତି।
ଅଷ୍ଟ୍ରେଲିଆ କ୍ରିକେଟର ୱାର୍ନର ବର୍ତ୍ତମାନ ଆଶେସ ଖେଳୁଛନ୍ତି। ଆଶେସ୍ ସିରିଜର ପ୍ରଥମ ଟେଷ୍ଟ ମ୍ୟାଚ୍ରେ ୱାର୍ଣ୍ଣରଙ୍କ ବ୍ୟାଟ୍ କଡ଼ା ଜବାବ ଦେଇଛି। ପ୍ରଥମ ଟେଷ୍ଟ ମ୍ୟାଚରେ ୱାର୍ଣ୍ଣର ୯୪ ରନ୍ ସଂଗ୍ରହ କରିଥିଲେ ଏବଂ ପୁନର୍ବାର ତାଙ୍କ ଫର୍ମ ବିଷୟରେ ସମାଲୋଚକମାନଙ୍କୁ ଉତ୍ତର ଦେଇଛନ୍ତି। ତେବେ ଟେଷ୍ଟ ମ୍ୟାଚରେ ୱାର୍ଣ୍ଣର ଆହତ ହୋଇଥିଲେ। ଯେଉଁଥିପାଇଁ ସେ ଦ୍ୱିତୀୟ ଇନିଂସରେ ବ୍ୟାଟିଂ କରିବାକୁ ଆସିପାରିନଥିଲେ।
ଉଲ୍ଲେଖଥାଉ କି, ପ୍ରଶଂସକମାନେ ଆଶା କରୁଛନ୍ତି ଯେ ଆଶେସର ଦ୍ୱିତୀୟ ଟେଷ୍ଟ ପୂର୍ବରୁ ଡେଭିଡ ୱାର୍ଣ୍ଣର ଫିଟ୍ ହେବେ ଏବଂ ପୁନର୍ବାର ତାଙ୍କର ଚମତ୍କାର କ୍ରିକେଟ୍ ପିଚରେ ଦେଖାଇବେ। ୱାର୍ଣ୍ଣର ଟି-୨୦ ବିଶ୍ୱକପରେ ଏକ ଜବରଦସ୍ତ ପ୍ରତ୍ୟାବର୍ତ୍ତନ କରିଛନ୍ତି। ଏହା ବ୍ୟତୀତ ସେ ଆଇପିଏଲ ନିଲାମ ଉପରେ ନଜର ରଖିଛନ୍ତି। ହାଇଦ୍ରାବାଦ ଦ୍ୱାରା ୱାର୍ଣ୍ଣର ମୁକ୍ତ କରାଯାଇଛି। କେଉଁ ଦଳ ୱାର୍ଣ୍ଣରଙ୍କୁ ଏହି ଆଇପିଏଲରେ ନେବେ ତାହା ଦେଖିବା ମଜାଦାର ହେବ।
)