Birthday Special: ଭୋଳାଙ୍କ ପରମ ଭକ୍ତ ଟାଇଗର୍, ସୋମବାର କରୁଥିଲେ ଏମିତି କାମ

ନୂଆଦିଲ୍ଲୀ: ଆଜି ବଲିଉଡ ଅଭିନେତା ଟାଇଗର ଶ୍ରଫ ତାଙ୍କର ୩୧ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ପ୍ରଶଂସକମାନେ ସୋସିଆଲ ମିଡିଆରେ ତାଙ୍କୁ ଶୁଭକାମନା ଜଣାଇଛନ୍ତି। ଟାଇଗର ୨ ମାର୍ଚ୍ଚ ୧୯୮୯ରେ ମୁମ୍ବାଇରେ ଭେଟେରାନ ଅଭିନେତା ଜ୍ୟାକି ଶ୍ରଫ (Jackie Shroff) ଙ୍କ ଘରେ ଜନ୍ମଗ୍ରହଣ କରିଥିଲେ। ଟାଇଗରଙ୍କ ପ୍ରକୃତ ନାମ ହେଉଛି ଜୟ ହେମନ୍ତ ଶ୍ରଫ୍।

୨୦୧୪ରେ ମୁକ୍ତିଲାଭ କରିଥିବା ଫିଲ୍ମ 'ହେରୋପନ୍ଥୀ' ସହ ଟାଇଗର ଶ୍ରଫ (Tiger Shroff) ବଲିଉଡ (Bollywood) ଇଣ୍ଡଷ୍ଟ୍ରିରେ ତାଙ୍କର ଅଭିନୟ କ୍ୟାରିୟର ଆରମ୍ଭ କରିଥିଲେ। ଜଣେ ଷ୍ଟାର କିଡ୍ ହୋଇଥିଲେ ମଧ୍ୟ ନିଜକୁ ପ୍ରମାଣିତ କରିବାକୁ ଟାଇଗରଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥିଲା। ଟାଇଗର ଶ୍ରଫ ଆଜି କେବଳ ଜଣେ ଅଭିନେତା ନୁହଁନ୍ତି, ବରଂ ତାଙ୍କର ସାନନ୍ଦାର ଡ୍ୟାନ୍ସ ଓ ଜବରଦସ୍ତ ଆକ୍ସନ ସେ ଦର୍ଶକଙ୍କୁ ପାଗଳ କରିଛନ୍ତି।

Also Read: ରାଜ୍ୟର ଘରୋଇ କମ୍ପାନୀରେ ସ୍ଥାନୀୟ ବାସିନ୍ଦାଙ୍କୁ ୭୫% ସଂରକ୍ଷଣ

ପ୍ରଶଂସକମାନେ ଆଜି ସେମାନଙ୍କ ଫ୍ୟାବରେଟ ଆକ୍ଟର ଟାଇଗରଙ୍କ ସହ ଜଡିତ ସବୁକିଛି ଜାଣିବାକୁ ବ୍ୟାକୁଳ। ବହୁତ କମ୍ ଲୋକ ଜାଣିଥିବେ ଯେ, ଟାଇଗର ଭଗବାନ ଶିବଙ୍କର ଜଣେ ପରମ ଭକ୍ତ। ଟାଇଗର ତାଙ୍କ ନୃତ୍ୟ ଏବଂ ଆକ୍ସନ ଭଳି କଳାକୁ ଭୋଲେନାଥ (Lord Shiva) ଙ୍କୁ ଉତ୍ସର୍ଗ କରନ୍ତି। ଟାଇଗର ନିଜେ ଏକ ସାକ୍ଷାତକାରରେ ପ୍ରକାଶ କରିଥିଲେ ଯେ, ସେ ଭଗବାନ ଶିବଙ୍କଠାରୁ ପ୍ରେରଣା ପାଆନ୍ତି। ସେଥିପାଇଁ ସେ ଯେକୌଣସି କାର୍ଯ୍ୟକୁ ଆତ୍ମବିଶ୍ୱାସ ସହିତ ସମାପ୍ତ କରିବାକୁ ଚେଷ୍ଟା କରନ୍ତି।

ଟାଇଗର କହିଛନ୍ତି ଯେ, କୌଣସି ନୃତ୍ୟ ଏବଂ କାର୍ଯ୍ୟ କରିବା ପୂର୍ବରୁ ସେ ଭୋଳାନାଥଙ୍କୁ ମନେପକାଇବାକୁ ଭୁଲନ୍ତି ନାହିଁ। ସେ ଆଗରୁ ସୋମବାର ଉପବାସ ରଖୁଥିଲେ। ବର୍ତ୍ତମାନ ବ୍ୟସ୍ତବହୁଳ କାର୍ଯ୍ୟ ହେତୁ ସେ ଏହି ଉପବାସ ରଖିବାରେ ଅସମର୍ଥ। କିନ୍ତୁ ଟାଇଗର ସୋମବାର ଦିନ ତାଙ୍କର ନୂତନ କାର୍ଯ୍ୟ ଆରମ୍ଭ କରନ୍ତି। ସେ ଏହି ଦିନକୁ ବହୁତ ଶୁଭ ବୋଲି ବିବେଚନା କରନ୍ତି।