ମହାପ୍ରଭୁଙ୍କ ଦର୍ଶନ ପରେ ନବଦମ୍ପତ୍ତିଙ୍କୁ ଗୋବିନ୍ଦାଙ୍କ ଶୁଭେଚ୍ଛା

ଭୁବନେଶ୍ୱର: ଓଡିଶାରେ ବଲିଉଡ ସୁପରଷ୍ଟାର ଗୋବିନ୍ଦା। ୧୯ ଦଶକରେ ଦିନ୍ଦୀ ଚଳଚ୍ଚିତ୍ର ଦୁନିଆରେ ଚହଳ ଖେଳାଇଥିବା ଅଭିନେତା ପତ୍ନୀ ସୁନିତାଙ୍କ ସହ ଓଡିଶା ଗସ୍ତରେ ଆସିଛନ୍ତି। ଆଜି ସେମାନେ ଶ୍ରୀମନ୍ଦିରରେ ମହାପ୍ରଭୁଙ୍କ ଆଶୀର୍ବାଦ ନେବା ସହ ନବଦମ୍ପତ୍ତି ସବ୍ୟାଚ୍ଚିତାଙ୍କୁ ଭେଟିଛନ୍ତି।

ଆଜି ସକାଳେ ଗୋବିନ୍ଦା (Govinda) ଓ ସୁନିତା (Sunita Ahuja) ଶ୍ରୀମନ୍ଦିର (Puri Jagannath Temple) ରେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଥିଲେ। ମହାପ୍ରଭୁ (Lord Jagannath) ଙ୍କ ଦର୍ଶନ ପରେ ଗୋବିନ୍ଦା କହିଛନ୍ତି ଯେ, ପ୍ରଭୂ ଜଗନ୍ନାଥ ତାଙ୍କ ସ୍ୱପ୍ନରେ ଆସିଥିଲେ। କାଳିଆର ଡୋରି ଲାଗିଛି ବୋଲି ସେ ଆଜି ପୁରୀ ଆସିଛନ୍ତି। ବଡଠାକୁରଙ୍କ କୃପାରେ ତାଙ୍କର ସମସ୍ତ କାର୍ଯ୍ୟ ସଫଳ ହେଉଛି ବୋଲି ହିରୋ ନଂ-୧ କହିଛନ୍ତି।

Add Zee News as a Preferred Source

ଶ୍ରୀମନ୍ଦିରରେ କାଳିଆ ଦର୍ଶନ ପରେ ସେ ଓଲିଉଡର ନବଦମ୍ପତ୍ତି ସବ୍ୟାସାଚୀ ମିଶ୍ର (Sabyasachi Mishra) ଓ ଅର୍ଚ୍ଚିତା (Archita Sahu) ଙ୍କୁ ଭେଟିଛନ୍ତି। ବିବାହର ଶୁଭେଚ୍ଛା ଜଣାଇବା ସହ ସେ ସବ୍ୟାର୍ଚ୍ଚିତା (Sabyarchita) ଙ୍କ ସହ କିଛି ସ୍ମୃତି ବାଣ୍ଟିଛନ୍ତି। ଉଭୟ ଗୋବିନ୍ଦା ଓ ସବ୍ୟ କମେଡି କରିଥିଲେ। ଯାହାକୁ ଦେଖି ଅର୍ଚ୍ଚିତା ନିଜ ହସ ରୋକି ପାରିନଥିଲେ। ଏହି ସାକ୍ଷାତ ବେଳର କିଛି ଫଟୋକୁ ସବ୍ୟ ନିଜ ସୋସିଆଲ ମିଡିଆ ପ୍ଲାଟଫର୍ମରେ ସେୟାର କରି ଗୋବିନ୍ଦାଙ୍କୁ ଶୁଭେଚ୍ଛା ପାଇଁ ଧନ୍ୟବାଦ ଜଣାଇଛନ୍ତି। ଏହା ସେ ଗୋବିନ୍ଦାଙ୍କୁ ନିଜ ଗୁରୁ ବୋଲି ମଧ୍ୟ କହିଛନ୍ତି।