ରାଜ୍ୟବ୍ୟାପୀ ପରିବେଷଣ ହେବ ନାଟକ 'ଗାନ୍ଧୀଙ୍କ ଓଡ଼ିଶା'

ସମ୍ବଲପୁର: ରାଜ୍ୟର ୩୦ ଜିଲ୍ଲାରେ ହେବ ନାଟକ "ଗାନ୍ଧୀଙ୍କ ଓଡ଼ିଶା"। ମାର୍ଚ୍ଚ ୨୩ ତାରିଖରେ ଜାତିର ପିତା ମହାତ୍ମା ଗାନ୍ଧୀଙ୍କ ଓଡ଼ିଶା ଆଗମନକୁ ୧୦୦ ବର୍ଷ ପୂର୍ତ୍ତି ହେବ। ଏହି ଅବସରରେ ସମସ୍ତ ଜିଲ୍ଲାରେ ସମାନ ସମୟରେ ନାଟକ "ଗାନ୍ଧୀଙ୍କ ଓଡ଼ିଶା" ମଞ୍ଚସ୍ତ ହେବ।

ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେରେ ଓଡ଼ିଶା ସଙ୍ଗୀତ ନାଟକ ଏକାଡେମୀ (Odisha Sangeet Natak Accademy) ତରଫରୁ ଓଡ଼ିଶାର ୩୦ଟି ଜିଲ୍ଲାରେ ନାଟକ ଗାନ୍ଧୀଙ୍କ ଓଡିଶା ପରିବେଷଣ କରାଯିବ। ରାଜ୍ୟର ସମସ୍ତ ଜିଲ୍ଲାର ଗୋଟିଏ ଗୋଟିଏ ଦଳଙ୍କୁ ଏହି ନାଟକ ପରିବେଷଣ କରିବା ପାଇଁ ଦାୟିତ୍ୱ ଅର୍ପଣ କରାଯାଇଛି। ସେହିଭଳି ଭାବରେ ସମ୍ବଲପୁର ପାଇଁ ଶ୍ରୀ କଲଚାରଲ ଏସୋସିଏସନକୁ ଏହି ନାଟକ ମଞ୍ଚସ୍ତ କରିବା ପାଇଁ ଦାୟିତ୍ବ ଅର୍ପଣ କରାଯାଇଛି।

Also Read: ଦୁଷ୍କର୍ମ କରିବାକୁ ଆସିଥିବା ବ୍ୟକ୍ତିର ଯୌନାଙ୍ଗ କାଟିଲେ ମହିଳା

ସମ୍ବଲପୁର (Sambalpur) ରେ ହେବାକୁ ଥିବା ଗାନ୍ଧୀଙ୍କ ଓଡିଶା (Gandhinka Odisha) ନାଟକକୁ ନିର୍ଦ୍ଦେଶନା ଦେବେ ସତ୍ୟ ରଞ୍ଜନ ବେହେରା। ନାଟକ (Odia Play) କୁ ରଚନା କରିଛନ୍ତି ଶଙ୍କର ତ୍ରିପାଠୀ। ସବୁ ଜିଲ୍ଲାର ତିରିଶ ଲେଖାଏଁ କଳାକାର ଏହି ନାଟକରେ ଅଭିନୟ କରିବେ। ୨୩ ତାରିଖ ସନ୍ଧ୍ୟା ସାଢ଼େ ୬ଟା ସମୟରେ ସମ୍ବଲପୁର ସହରର ଆରଣ୍ୟକ ମଞ୍ଚରେ ନାଟକ ପରିବେଷଣ ବୋଲି ସୂଚନା ପ୍ରଦାନ କରାଯାଇଛି।

ମହାତ୍ମା ଗାନ୍ଧୀ (Mahatma Gandhi) , ସମ୍ବଲପୁର ଦୁଇ ଥର ଆସିଥିଲେ। ଆଉ ପ୍ରଥମଥର ସେ ସମ୍ବଲପୁର ରୋଡ ରେଳ ଷ୍ଟେସନ (Sambalpur road rail station) ରେ ଓହ୍ଲାଇଥିଲେ। ତେଣୁ ସମ୍ବଲପୁରବାସୀ ଏହି ଗାନ୍ଧୀଙ୍କ ଓଡିଶା ନାଟକ ଦେଖିବା ପାଇଁ ଅଧିକ ଉତ୍ସାହିତ ଅଛନ୍ତି। ସେପଟେ ନାଟକ ଦେଖିବା ବେଳେ ଆରଣ୍ୟକ ମଞ୍ଚ ପରିସରରେ କୋଭିଡ କଟକଣା ପାଳନ କରାଯିବ ବୋଲି ନାଟକର ନିର୍ଦ୍ଦେଶକ ସତ୍ୟ ରଞ୍ଜନ ବେହେରା ଓ ଆୟୋଜକ କରିଛନ୍ତି।