ଏହି ପ୍ରଶ୍ନର ଉତ୍ତର ଦେଇ ମିସ୍ ୟୁନିଭର୍ସ ଟାଇଟଲ୍ ଜିତିଥିଲେ ହର୍ନାଜ୍ ସାନ୍ଧୁ

ନୂଆଦିଲ୍ଲୀ: Harnaaz Sandhu Miss Universe 2021: ଭାରତର ହର୍ନାଜ୍ ସାନ୍ଧୁ (Harnaaz Kaur Sandhu) ମିସ୍ ୟୁନିଭର୍ସ ୨୦୨୧ର ମୁକୁଟ ପିନ୍ଧିଛନ୍ତି । ୭୦ତମ ମିସ୍ ୟୁନିଭର୍ସ ପେଜେଣ୍ଟ ଚଳିତ ବର୍ଷ ଡିସେମ୍ବର ୧୨ରେ ଇସ୍ରାଏଲରେ ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାର ପ୍ରାରମ୍ଭିକ ପର୍ଯ୍ୟାୟରେ ୭୫ରୁ ଅଧିକ ସୁନ୍ଦରୀ ଓ ପ୍ରତିଭାଶାଳୀ ମହିଳା ଅଂଶଗ୍ରହଣ କରିଥିଲେ, କିନ୍ତୁ ଟପ୍ ୩ରେ ତିନି ଦେଶର ମହିଳାମାନେ ସ୍ଥାନ ପକ୍କା କରିଥିଲେ, ସେମାନଙ୍କ ମଧ୍ୟରୁ ଜଣେ ଭାରତର ହର୍ନାଜ୍ ସାନ୍ଧୁ ମଧ୍ୟ ରହିଛନ୍ତି । ତେବେ ଉଭୟ ଦକ୍ଷିଣ ଆଫ୍ରିକା ଓ ପାରାଗୁଏକୁ ଛାଡି ଭାରତର ହର୍ନାଜ ସାନ୍ଧୁ ବ୍ରହ୍ମାଣ୍ଡ ସୁନ୍ଦରୀର ମୁକୁଟ ନିଜ ନାଁରେ କରିନେଇଥିଲେ । ମିସ୍ ୟୁନିଭର୍ସର ମୁକୁଟ ୨୧ ବର୍ଷ ପରେ ଭାରତକୁ ମିଳିଛି । ଏହି କାର୍ଯ୍ୟକ୍ରମରେ ମେକ୍ସିକୋର ପୂର୍ବତନ ମିସ୍ ୟୁନିଭର୍ସ ୨୦୨୦ ଆଣ୍ଡ୍ରେୟା ମେଜା ସାନ୍ଧୁଙ୍କୁ ମୁକୁଟ ପିନ୍ଧାଇଥିଲେ । ଉର୍ବଶୀ ରାଉତେଲା (Urvashi Rautela) ଏଥର ମିସ୍ ୟୁନିଭର୍ସ (Miss Universe 2021) ପ୍ରତିଯୋଗିତାର ଜଜ୍ ଥିଲେ ।

ସମସ୍ତ ଶ୍ରେଷ୍ଠ ତିନି ପ୍ରତିଯୋଗୀଙ୍କୁ ପ୍ରଶ୍ନ ପଚରାଯାଇଥିଲା ଯେ ଆଜିର ସମୟରେ ଚାପର ସମ୍ମୁଖୀନ ହେଉଥିବା ଯୁବତୀମାନଙ୍କୁ ସେମାନେ କ'ଣ ଉପଦେଶ ଦେବାକୁ ଚାହାଁନ୍ତି ଯାହା ଦ୍ୱାରା ସେମାନେ ଏହାର ସାମ୍ନା କରିପାରିବେ? ଏହା ଉପରେ ହର୍ନାଜ ସାନ୍ଧୁ (Harnaaz Sandhu) ଉତ୍ତର ଦେଇଛନ୍ତି ଯେ, "ଆଜିର ଯୁବପିଢ଼ି ଉପରେ ସବୁଠାରୁ ବଡ଼ ଚାପ ହେଉଛି ନିଜ ଉପରେ ବିଶ୍ୱାସ କରିବା । ଆପଣଙ୍କୁ ବିଶ୍ୱାସ କରିବାକୁ ପଡିବ ଯେ ଆପଣ ଅନନ୍ୟ ଓ ତାହା ହିଁ ଆପଣଙ୍କୁ ସୁନ୍ଦର କରିଥାଏ । ବାହାରକୁ ଆସନ୍ତୁ, ନିଜ ପାଇଁ କୁହନ୍ତୁ କାରଣ ଆପଣ ହିଁ ଆପଣଙ୍କର ଜୀବନର ହେଉଛନ୍ତି ଲିଡର । ମୁଁ ନିଜ ଉପରେ ବିଶ୍ୱାସ କରେ ଓ ସେଥିପାଇଁ ମୁଁ ଆଜି ଏଠାରେ ଠିଆ ହୋଇଛି ।" ଏହି ଉତ୍ତର ସହିତ ହର୍ନାଜ୍ ସାନ୍ଧୁ ଚଳିତ ବର୍ଷର ମିସ୍ ୟୁନିଭର୍ସ (Miss Universe 2021) ଟାଇଟଲ୍ ନିଜ ନାଁରେ କରି ନେଇଥିଲେ ।

କିଏ ହର୍ନାଜ୍

ପଞ୍ଜାବର ଚଣ୍ଡିଗଡ଼ରୁ ଆସିଥିବା ହର୍ନାଜ ସାନ୍ଧୁ (Harnaaz Kaur Sandhu) ପେଶା ଅନୁଯାୟୀ ଜଣେ ମଡେଲ ଅଟନ୍ତି । ୨୧ ବର୍ଷ ବୟସ୍କା ହର୍ନାଜ୍ ମଡେଲିଂ କରିବା ଓ ଅନେକ ପେଜେଣ୍ଟରେ ଅଂଶଗ୍ରହଣ କରିବା ଏବଂ ଜିତିବା ସତ୍ତ୍ୱେ ଅଧ୍ୟୟନ ପ୍ରତି ସମ୍ପୂର୍ଣ୍ଣ ଧ୍ୟାନ ଦେଇଛନ୍ତି । ୨୦୧୭ରେ ହର୍ନାଜ୍ ମିସ୍ ଚଣ୍ଡିଗଡ଼ର ଟାଇଟଲ୍ ହାସଲ କରିଥିଲେ । ଏହା ପରେ ସେ ମିସ୍ ମ୍ୟାକ୍ସ ଏମର୍ଜିଂ ଷ୍ଟାର ଇଣ୍ଡିଆର ଟାଇଟଲ୍ ଜିତିଥିଲେ । ଏହି ଦୁଇଟି ସମ୍ମାନଜନକ ଟାଇଟଲ୍ ଜିତିବା ପରେ ହର୍ନାଜ୍ ମିସ୍ ଇଣ୍ଡିଆ ୨୦୧୯ରେ ଅଂଶଗ୍ରହଣ କରିଥିଲେ ଏବଂ ତା’ପରେ ସେ ଶୀର୍ଷ ୧୨ରେ ପହଞ୍ଚିଥିଲେ । ମଡେଲିଂ ସହିତ ହର୍ନାଜ ମଧ୍ୟ ଅଭିନୟରେ ପାଦ ରଖିସାରିଛନ୍ତି । ହର୍ନାଜଙ୍କର ଦୁଇଟି ପଞ୍ଜାବୀ ଚଳଚ୍ଚିତ୍ର 'ୟାରା ଦିୟାଂ ପୁ ବାରାନ୍' ଓ 'ବାଇ ଜୀ କୁଟାଙ୍ଗେ' ଅଛି ।

ମିସ୍ ୟୁନିଭର୍ସ ୨୦୨୧ ସମୟରେ ସ୍ୱିମ୍ସୁଟ୍ ଠାରୁ ଆରମ୍ଭ କରି ଜାତୀୟ ପୋଷାକ ଅଧିବେଶନ ପର୍ଯ୍ୟନ୍ତ ହର୍ନାଜ୍ ତାଙ୍କ ସୌନ୍ଦର୍ଯ୍ୟରେ ସମସ୍ତଙ୍କୁ ପ୍ରଭାବିତ କରିଥିଲେ ।

ଶ୍ରେଷ୍ଠ ୩ ସୁନ୍ଦରୀ 

୧. ହର୍ନାଜ କୌର ସାନ୍ଧୁ (Harnaaz Kaur Sandhu) ପ୍ରଥମ ସ୍ଥାନ ।

୨. ମିସ୍ ପାରାଗୁଏ ଦ୍ୱିତୀୟ ସ୍ଥାନ ଅଧିକାର କରିଛନ୍ତି ।

୩. ମିସ୍ ଦକ୍ଷିଣ ଆଫ୍ରିକା ତୃତୀୟ ସ୍ଥାନରେ ରହିଛନ୍ତି ।

ଭାରତକୁ ମିଳି ସାରିଛି ଦୁଇଥର ସଫଳତା

ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତ ଦୁଇଥର ନିଜର ସ୍ଥାନ ହାସଲ କରିଛି । ହର୍ନାଜ ହେଉଛି ଭାରତର ତୃତୀୟ ମିସ୍ ୟୁନିଭର୍ସ । ୧୯୯୪ ମସିହାରେ ସୁସ୍ମିତା ସେନ୍ ଭାରତର ପ୍ରତିନିଧିତ୍ୱ କରିଥିଲେ, ସେ ଏହି ମୁକୁଟ ହାସଲ କରିଥିଲେ । ଏଥି ସହିତ ୨୦୦୦ ମସିହାରେ ଲାରା ଦତ୍ତା ଏହି ମୁକୁଟରେ ତାଙ୍କ ନାମ ଲେଖିଥିଲେ ।

ଏହା ବି ପଢ଼ନ୍ତୁ:-ଖୁସି ଖବର! ୨୨.୫୫ କୋଟି କର୍ମଚାରୀଙ୍କ ଆକାଉଣ୍ଟକୁ ଟଙ୍କା ପଠାଇଲେ କେନ୍ଦ୍ର ସରକାର, ତୁରନ୍ତ ଚେକ୍ କରନ୍ତୁ ବାଲାନ୍ସ

ଏହା ବି ପଢ଼ନ୍ତୁ:-ODI ଅଧିନାୟକତ୍ୱରୁ ହଟାଇବା ପରେ BCCI ଉପରେ ଅସନ୍ତୁଷ୍ଟ କୋହଲି? ସାମ୍ନାକୁ ଆସିଲା ଏହି ବଡ଼ କାରଣ

ଏହା ବି ପଢ଼ନ୍ତୁ:-ହଜାର ହଜାର ବର୍ଷର ପ୍ରତୀକ୍ଷାର ହେଲା ଅନ୍ତ, କାଶୀ ବିଶ୍ୱନାଥ କରିଡରର ଉଦଘାଟନ କଲେ PM ମୋଦି

ଏହା ବି ପଢ଼ନ୍ତୁ:-Yes Bank କୁ ନେଇ SEBI ରେ ଅଭିଯୋଗ କଲା Dish TV

ଏହା ବି ପଢ଼ନ୍ତୁ:-କୋରୋନା ମାମଲାରେ ଆସିଲା ଆଶ୍ୱସ୍ତିକର ଖବର

ଏହା ବି ପଢ଼ନ୍ତୁ:-ତୈଳ କମ୍ପାନୀଗୁଡିକ ଜାରି କଲେ ଆଜିର ଡିଜେଲ-ପେଟ୍ରୋଲର ଦାମ୍, Fuel ଭରିବା ପୂର୍ବରୁ ଚେକ୍ କରନ୍ତୁ ରେଟ୍