Ind vs Eng T20I: ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ହାରିଲା ପ୍ରଥମ ମ୍ୟାଚ୍

ନୂଆଦିଲ୍ଲୀ: ଅହମ୍ମଦାବାଦସ୍ଥିଚ ନରେନ୍ଦ୍ର ମୋଦି ଷ୍ଟାଡିୟମ (Narendra Modi Stadium) ରେ ଖେଳାଯାଇଥିବା ପ୍ରଥମ ଟି-୨୦ ମ୍ୟାଚରେ ଭ୍ରମଣକାରୀ ଇଂଲଣ୍ଡ ୮ ୱିକେଟରେ ଭାରତକୁ ପରାସ୍ତ କରିଛି। ଏହି ବିଜୟ ସହିତ ଇଂଲଣ୍ଡ ପାଞ୍ଚଟି ମ୍ୟାଚ୍ ବିଶିଷ୍ଟ ସିରିଜରେ ୧-୦ରେ ଆଗୁଆ ରହିଛି। ଇଂଲଣ୍ଡ ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। 

ପ୍ରଥମ ଇଂନିସରେ ଟିମ୍ ଇଣ୍ଡିଆ (Team India) କୁ ୭ଟି ୱିକେଟ ହରାଇ ୧୨୪ ରନ କରିଥିଲା। ଏହା ପରେ ଇଂଲଣ୍ଡ ଚମତ୍କାର ବ୍ୟାଟିଂ କରି ମାତ୍ର ୧୫ ଓଭରରେ ଏହି ଲକ୍ଷ୍ୟ ହାସଲ କରିଛି। ଚମତ୍କାର ପ୍ରଦର୍ଶନ ପାଇଁ ଜୋଫ୍ରା ଆର୍ଚର (Jofra Archer) ଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ପ୍ରଦାନ କରାଯାଇଛି।

ଇଂଲଣ୍ଡ (England) ପାଇଁ ଜସନ ରାୟ ସର୍ବାଧିକ ୪୯ ରନ୍ ସଂଗ୍ରହ କରିଥିଲେ। ଏହା ବ୍ୟତୀତ ଜୋସ୍ ବଟଲର୍ (Jos Buttler) ୨୮ ରନ୍ କରିଥିଲେ। ଡେଭିଡ ମାଲାନ (Dawid Malan) ୨୪ ଏବଂ ଜନି ବେରଷ୍ଟୋ ୨୬ ରନରେ ଅପରାଜିତ ରହିଥିଲେ। ପ୍ରଥମ ଟି-୨୦ ମ୍ୟାଚରେ ମାଲାନ ୩ଟି ଛକା ମାରିଥିଲେ। ୟୁଜଭେନ୍ଦ୍ର ଚହଲ ଏବଂ ୱାଶିଂଟନ୍ ସୁନ୍ଦର ଭାରତ ପାଇଁ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ।

Also Read: ଶିମିଳିପାଳ ନିଆଁ ଲିଭାଇବ କି ସୋସିଆଲ ମିଡିଆ?

ଭାରତର ଓପନିଂ ବହୁତ ଖରାପ ଥିଲା। ୨୦ ରନ ହେବା ପୂର୍ବରୁ ହିଁ ଭାରତ ନିଜର ତିନି ଅଗ୍ରଣୀ ବ୍ୟାଟ୍ସମ୍ୟାନ୍ ଶିଖର ଧାୱନ, କେ.ଏଲ୍ ରାହୁଲ ଏବଂ ବିରାଟ କୋହଲିଙ୍କୁ ହରାଇଥିଲା। ବିରାଟ କୋହଲି (Virat Kohli) ପାଞ୍ଚଟି ବଲରେ ଆକାଉଣ୍ଟ ନ ଖୋଲି ପ୍ୟାଭିଲିୟନ ଫେରିଥିଲେ। ଏହା ପରେ ଋଷଭ ପନ୍ତ, ଆୟରଙ୍କ ସହ ଭାରତର ଇନିଂସ ପରିଚାଳନା କରିବାକୁ ଚେଷ୍ଟା କରିଥିଲେ। ଆଉ ସେ ୨୨ ବଲରେ ୨୧ ରନ୍ କରି ଆଟ  ହୋଇଥିଲେ। 

୧୦ ଓଭରରେ ମାତ୍ର ୪୮ ରନ୍ ପାଇଁ ଭାରତ ଚାରିଟି ୱିକେଟ୍ ହରାଇଥିଲା। ଶ୍ରେୟସ୍ ଆୟର ୬୭ ରନର ଏକ ଲମ୍ବା ଇନିଂସ ଖେଳିଥିଲେ। ଯାହା ଦଳର ସ୍କୋରକୁ କୌଣସି ପ୍ରକାରେ ୧୨୪ ରନରେ ପହଞ୍ଚାଇଥିଲା। ଇଂଲଣ୍ତର ପେସର ଜୋଫ୍ରା ଆର୍ଚର ଦଳ ପାଇଁ ତିନୋଟି ୱିକେଟ୍ ନେଇଥିଲେ। ଏହି ବିଜୟ ସହିତ ଇଂଲଣ୍ଡ ଟି-୨୦ ସିରିଜରେ ୧-୦ ରେ ଅଗ୍ରଣୀ ହାସଲ କରିଛି। ଦ୍ୱିତୀୟ ଟି-୨୦ ମାର୍ଚ୍ଚ ୧୪ରେ ଅହମ୍ମଦାବାଦ (Ahmedabad) ର ସେହି ନରେନ୍ଦ୍ର ମୋଦି ଷ୍ଟାଡିୟମରେ ହିଁ ଖେଳାଯିବ।