ଦ୍ୱିତୀୟ ଟି-20 ମ୍ୟାଚରେ କଟିବ ଏହି ଭାରତୀୟ ଖେଳାଳିଙ୍କ ପତା! ଶେଷ ମ୍ୟାଚରେ ପ୍ରମାଣିତ ହୋଇଥିଲେ ଭିଲେନ୍

ପ୍ରଥମ ଟି-20 ମ୍ୟାଚରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଭାରତ ଜିତିଥିଲେ ମଧ୍ୟ ଦଳର କିଛି ଦୁର୍ବଳତା ସାମ୍ନାକୁ ଆସିଛି ।

Written By Tamal Bakchi|Edited By: Zee Odisha Desk|Last Updated: Nov 19, 2021, 12:29 PM IST

ଦ୍ୱିତୀୟ ଟି-20 ମ୍ୟାଚରେ କଟିବ ଏହି ଭାରତୀୟ ଖେଳାଳିଙ୍କ ପତା! ଶେଷ ମ୍ୟାଚରେ ପ୍ରମାଣିତ ହୋଇଥିଲେ ଭିଲେନ୍

ନୂଆଦିଲ୍ଲୀ: India vs New Zealand T20 Series: ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି-20 ସିରିଜର ଦ୍ୱିତୀୟ ମ୍ୟାଚ୍ (IND Vs NZ Second T-20 Match) ଆଜି ଅର୍ଥାତ ନଭେମ୍ୱର ୧୯ ସନ୍ଧ୍ୟା ୭ଟାରୁ ରାଞ୍ଚିରେ ଖେଳାଯିବ । ଭାରତ ପ୍ରଥମ ଟି-20 ମ୍ୟାଚକୁ ୫ ୱିକେଟରେ ଜିତି ସିରିଜରେ ୧-୦ ରେ ଅଗ୍ରଣୀ ହାସଲ କରିଛି । ଯଦି ନ୍ୟୁଜିଲ୍ୟାଣ୍ଡ ବିପକ୍ଷ ଆଜିର ମ୍ୟାଚରେ ଭାରତ ଜିତେ ତେବେ ସିରିଜ ଟିମ ଇଣ୍ଡିଆ (Team India) ନାମରେ ହୋଇଯିବ । ଦ୍ୱିତୀୟ ଟି-20 ମ୍ୟାଚରେ ଅଧିନାୟକ ରୋହିତ ଶର୍ମା (Rohit Sharma) ପ୍ଲେଇଙ୍ଗ ଇଲେଭେନରୁ ଜଣେ ଖେଳାଳିଙ୍କୁ ବାହାର କରିପାରନ୍ତି । ଏହି ଖେଳାଳି ପ୍ରଥମ ଟି-20 ମ୍ୟାଚରେ ଜଣେ ଭିଲେନ୍ ବୋଲି ପ୍ରମାଣିତ ହୋଇଥିଲେ, ଯିଏ ରନ୍ ଲୁଟାଇ ଥିଲେ ।

ରୋହିତ ଏହି ଖେଳାଳିଙ୍କୁ କରିପାରନ୍ତି ବାହାର

ପ୍ରଥମ ଟି-20 ମ୍ୟାଚରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଭାରତ ଜିତିଥିଲେ ମଧ୍ୟ ଦଳର କିଛି ଦୁର୍ବଳତା ସାମ୍ନାକୁ ଆସିଛି । ପ୍ରଥମ ଟି-20 ମ୍ୟାଚରେ ଟିମ୍ ଇଣ୍ଡିଆର ଦ୍ରୁତ ବୋଲର ଦୀପକ ଚହର (Deepak Chahar) ବହୁତ ମହଙ୍ଗା ବୋଲି ପ୍ରମାଣିତ ହୋଇଛନ୍ତି । ଦୀପକ ଚହର ନିଜର 4 ଓଭର ସ୍ପେଲରେ ୧୦.୫୦ର ଇକୋନମିରେ ୪୨ ରନ୍ ଦେଇ ମାତ୍ର ଗୋଟିଏ ୱିକେଟ୍ ନେଇଥିଲେ । ଦୀପକ ଚହରଙ୍କ ଖରାପ ପ୍ରଦର୍ଶନକୁ ଦେଖି ରୋହିତ ଶର୍ମା ତାଙ୍କୁ ଦ୍ୱିତୀୟ ଟି-20 ମ୍ୟାଚରୁ ଡ୍ରପ କରିପାରନ୍ତି । ଆଇପିଏଲ ୨୦୨୧ର ସଫଳ ବୋଲର ହର୍ଷଲ ପଟେଲ (Harshal Patel) ଦୀପକ ଚହରଙ୍କ ସ୍ଥାନରେ ଭାରତ ପାଇଁ ଡେବ୍ୟୁ କରିବାର ସୁଯୋଗ ପାଇପାରନ୍ତି ।

ରୋହିତ ନେଇପାରନ୍ତି ଏକ ବଡ଼ ନିଷ୍ପତ୍ତି

ରୋହିତ ଶର୍ମା ଚାହିବେ ନାହିଁ ଯେ ରାଞ୍ଚିରେ ହେବାକୁ ଥିବା ଟି-20 ଅନ୍ତର୍ଜାତୀୟ ମ୍ୟାଚରେ କୌଣସି ବୋଲର ଅଧିକ ରନ୍ ପ୍ରଦାନ କରୁ, ତେଣୁ 'ହିଟମ୍ୟାନ୍' ହର୍ଷଲ ପଟେଲଙ୍କୁ ଚେଷ୍ଟା ସୁଯୋଗ ଦେଇପାରନ୍ତି । ଆଇପିଏଲ ୨୦୨୧ରେ ହର୍ଷଲ ପଟେଲ ଭଲ ବୋଲିଂ କରିଥିଲେ । ହର୍ଷଲ ପଟେଲ ଆଇପିଏଲ୍ ୨୦୨୧ରେ ଖେଳାଯାଇଥିବା ୧୫ଟି ମ୍ୟାଚରେ ହାରାହାରି ୧୪.୩୪ ହାର ଓ ୮.୧୪ ଷ୍ଟ୍ରାଇକ୍ ରେଟରେ ୩୨ ୱିକେଟ୍ ନେଇଥିଲେ । ଯାହା ଫଳରେ ସେ ପର୍ପଲ କ୍ୟାପ୍ ପାଇବାକୁ ହକଦାର ହୋଇଥିଲେ । ହର୍ଷଲ ପଟେଲଙ୍କ ଶ୍ରେଷ୍ଠ ବୋଲିଂ ଫିଗର ଥିଲା ୫/୨୭ । ଆଇପିଏଲ୍ ୨୦୨୧ରେ ହ୍ୟାଟ୍ରିକ୍ ନେଇଥିବା ହର୍ଷଲ ଏକମାତ୍ର ବୋଲର ଥିଲେ । ସେ ଗତ ମାସରେ ଦୁବାଇରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୨୭ ରନ୍ ଦେଇ ୫ ୱିକେଟ୍ ନେଇଥିଲେ, ଯେଉଁଥିରେ ହ୍ୟାଟ୍ରିକ୍ ଅନ୍ତର୍ଭୁକ୍ତ ଥିଲା ।

ନ୍ୟୁଜିଲାଣ୍ଡ ବିପକ୍ଷରେ ଏହା ଭାରତର ପ୍ଲେଇଙ୍ଗ ଇଲେଭେନ୍ ହୋଇପାରେ:

୧.ରୋହିତ ଶର୍ମା (କ୍ୟାପଟେନ)

୨.କେ.ଏଲ୍ ରାହୁଲ

୩.ସୂର୍ଯ୍ୟକୁମାର ଯାଦବ

୪.ଋଷଭ ପନ୍ତ (ୱିକେଟ୍ କିପର)

୫.ଶ୍ରେୟସ୍ ଆୟର

୬.ଭେଙ୍କଟେଶ ଆୟର

୭.ଅକ୍ଷର ପଟେଲ

୮.ଆର ଅଶ୍ୱିନ୍

୯.ହର୍ଷଲ ପଟେଲ

୧୦.ଭୁବନେଶ୍ୱର କୁମାର

୧୧.ମହମ୍ମଦ ସିରାଜ