ରୋହିତ ନୁହେଁ, ଏଣିକି ଏହି ୨ ଖେଳାଳି ପାଲଟିବେ କୋହଲିଙ୍କ ଶତ୍ରୁ? ଜାଣନ୍ତୁ ଏହାର କାରଣ...

ନୂଆଦିଲ୍ଲୀ: Virat Kohli: ନିକଟ ଅତୀତରେ ଭାରତୀୟ କ୍ରିକେଟ ଦଳର ଟେଷ୍ଟ ଅଧିନାୟକ ବିରାଟ କୋହଲି (Virat Kohli) ଓ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) ମଧ୍ୟରେ ବିବାଦ ଦେଖାଦେଇଥିଲା । ସେହିପରି କୋହଲି ଓ ରୋହିତ ଶର୍ମା (Rohit Sharma) ଙ୍କ ମଧ୍ୟରେ ମତଭେଦ ଖବର ପ୍ରାୟତଃ ସାମ୍ନାକୁ ଆସୁଥାଏ । ଯଦିଓ କୋହଲି ନିଜେ ସ୍ପଷ୍ଟ କରିଛନ୍ତି ଯେ ଏହିପରି କିଛି ନାହିଁ । ତଥାପି କୋହଲିଙ୍କୁ ଏକ ଦିବସୀୟ ଓ ଟି-20ର ଅଧିନାୟକତ୍ୱରୁ ହଟାଇବା ପରେ ଏପରି ଅନେକ ଖେଳାଳି ଅଛନ୍ତି ଯେଉଁମାନେ ତାଙ୍କର ଶତ୍ରୁ ପାଲଟି ପାରନ୍ତି । ଏହାର କାରଣ ହେଉଛି ଏହି ଖେଳାଳୀମାନଙ୍କ ମଧ୍ୟରୁ ଅଧିକାଂଶ କୋହଲିଙ୍କ ଅଧିନାୟକତ୍ୱରେ ଦଳ ବାହାରେ ରହିଥିଲେ । ଆସନ୍ତୁ ଜାଣିବା ଏପରି ୨ ଖେଳାଳିଙ୍କ ବିଷୟରେ ଯେଉଁମାନେ ଭବିଷ୍ୟତରେ କୋହଲିଙ୍କ ପାଇଁ ଶତ୍ରୁ ପାଲଟି ପାରନ୍ତି ।

୧. ରବିଚନ୍ଦ୍ରନ୍ ଅଶ୍ୱିନ୍ (Ravichandran Ashwin)

ଭାରତୀୟ କ୍ରିକେଟ ଦଳର ସବୁଠାରୁ ଦିଗଜ ସ୍ପିନ୍ ବୋଲର ରବିଚନ୍ଦ୍ରନ ଅଶ୍ୱିନ୍ ଟେଷ୍ଟ କ୍ରିକେଟ୍ ପରେ ସୀମିତ ଓଭର କ୍ରିକେଟରେ ପୁଣିଥରେ ଚମତ୍କାର ପ୍ରଦର୍ଶନ କରୁଛନ୍ତି । ଟେଷ୍ଟରେ ସେ ସର୍ବଦା ଦଳର ସବୁଠାରୁ ବଡ଼ ଶକ୍ତି ରହିଆସିଛନ୍ତି । କିନ୍ତୁ ସେ ଗତ ୪ ବର୍ଷ ଧରି ଟି-୨୦ ଦଳରୁ ବାହାର ରହୁଥିଲେ । ଟି-୨୦ ବିଶ୍ୱକପ ପରେ ଅଶ୍ୱିନ ମଧ୍ୟ ନ୍ୟୁଜିଲ୍ୟାଣ୍ଡ ବିପକ୍ଷରେ ଚତ୍ମକାର ବୋଲିଂ କରିଥିଲେ । ସେ ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ସିରିଜରେ ସର୍ବାଧିକ ସଫଳ ବୋଲିଂ କରି ଅନେକ ୱିକେଟ୍ ନେଇଥିଲେ । ୟୁଜବେନ୍ଦ୍ର ଚହଲ ଓ କୁଲଦୀପ ଯାଦବଙ୍କ କାରଣରୁ ଏକ ସମୟରେ ଦଳରୁ ବାହାର ଚାଲୁଥିବା ଅଶ୍ୱିନଙ୍କୁ ରୋହିତଙ୍କ ଅଧିନାୟକତ୍ୱରେ ତାଙ୍କ କ୍ୟାରିୟରରେ ଏକ ନୂତନ ସ୍ଥାନ ହାସଲ କରିବାର ସୁଯୋଗ ମିଳିଛି । ଏହି ଖେଳାଳି ଆଗାମୀ ସମୟରେ ବିରାଟ କୋହଲି (Virat Kohli) ଙ୍କ ଶତ୍ରୁ ପାଲଟି ପାରନ୍ତି ।

୨. କୁଲଦୀପ ଯାଦବ (Kuldeep Yadav)

ଟିମ୍ ଇଣ୍ଡିଆ ତରଫରୁ ଖେଳୁଥିବା ମ୍ୟାଜିକାଲ୍ ସ୍ପିନର କୁଲଦୀପ ଯାଦବ ଦୀର୍ଘ ସମୟ ଧରି ଟିମ୍ ଇଣ୍ଡିଆରୁ ବାହାର ଅଛନ୍ତି । ତାଙ୍କ ବଲିଂରେ ପୂର୍ବଭଳି ଯାଦୁ ଦେଖିବାକୁ ମିଳୁନାହିଁ, ଯାହା ପାଇଁ ସେ ଜଣାଶୁଣା । ବିରୋଧୀ ଦଳର ବ୍ୟାଟ୍ସମ୍ୟାନ ତାଙ୍କ ବଲରେ ପ୍ରବଳ ରନ୍ ସଂଗ୍ରହ କରୁଛନ୍ତି । ଏହି ଘାତକ ବୋଲର ଟି-୨୦ ବିଶ୍ୱକପ ୨୦୨୧ରେ ମଧ୍ୟ ସ୍ଥାନ ପାଇନଥିଲେ । ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ସିରିଜରେ ମଧ୍ୟ ତାଙ୍କୁ ବାହାରର ରାସ୍ତା ଦେଖାଯାଇଥିଲା । ସେ ଦୀର୍ଘ ସମୟ ହେବ ଫର୍ମରେ ନଜରକୁ ଆସିନାହିଁ । ବିରାଟଙ୍କ ଅଧିନାୟକତ୍ୱରେ କୁଲଦୀପ ଦୀର୍ଘ ସମୟ ଧରି ଦଳରୁ ବାହାରି ରହିଆସିଛନ୍ତି ।

ଏହା ବି ପଢ଼ନ୍ତୁ:-ହରିଶ ରାୱତ ବିଜେପିକୁ ଦେଲେ ଝଟକା! କଂଗ୍ରେସରେ ଯୋଗଦେଲେ ଅନେକ ନେତା

ଏହା ବି ପଢ଼ନ୍ତୁ:-କର୍ମଚାରୀଙ୍କ ପାଇଁ ପୁଣି ଏକ ଖୁସି ଖବର! ଶୀଘ୍ର ବୃଦ୍ଧି ପାଇବ ଦରମା, ଏହା ହେଉଛି ସରକାରଙ୍କ ନୂଆ ପ୍ଲାନ୍

ଏହା ବି ପଢ଼ନ୍ତୁ:-ବିଜେପିରେ ଯୋଗଦେଲେ ଏହି ପୂର୍ବତନ ଭେଟେରାନ୍ କ୍ରିକେଟର, ୨ କଂଗ୍ରେସ ବିଧାୟକ ମଧ୍ୟ ହାତ ଛାଡ଼ି ଧରିଲେ ପଦ୍ମ

ସୂଚନାଯୋଗ୍ୟ, ନିକଟ ଅତୀତରେ କୋହଲିଙ୍କ ସ୍ଥାନରେ ରୋହିତଙ୍କୁ ଭାରତୀୟ ଏକଦିବସୀୟ ଦଳର ଅଧିନାୟକ କରାଯାଇଥିଲା । ଏହା ପୂର୍ବରୁ ରୋହିତଙ୍କୁ ଟି-20 ଦଳର ଅଧିନାୟକ ମଧ୍ୟ କରାଯାଇଥିଲା । ଫଳରେ କୋହଲିଙ୍କୁ କେବଳ ଟେଷ୍ଟରେ ହିଁ ଅଧିନାୟକତ୍ୱ କରିବାର ସୁଯୋଗ ମିଳିବ ।