ମା' ମୃତଦେହ ପାଖରେ ତିନିଦିନ ଅଖିଆ ଅପିଆ ଥିଲା ୫ ବର୍ଷର ଶିଶୁକନ୍ୟା

ବଲାଙ୍ଗୀର: କଅଁଳ ବୟସରେ ଭଗବାନ ଏମିତି ଏକ ଦୁଃଖ ଦେଇଦେଲେ ଯେ ଯାହା କଳ୍ପନା ବାହାରେ । ପ୍ରଥମେ ପରିବାର ମୁହଁ ଫେରେଇ ଦେଲା ଆଉ ଏବେ ଜୀବନ । କିଏ ଜାଣିଥିଲା ଗୋଟିଏ କୁନିଝିଅର ଭାଗ୍ୟରେ ଏତେ ଦାରୁଣ ଦୁଃଖ ଲେଖାହୋଇଥିଲା । ଘରଭିତରେ ପଡ଼ିରହିଛି ମାଆର ମୃତଦେହ । ୩ ଦିନହେଲା ମାଆ ମୃତଦେହ ପାଖରେ ରହିଛି ୫ ବର୍ଷୀୟ କୁନି ଝିଅ । ହେଲେ ସେ କଣ ଜାଣିଛି ତାର ଏଇ ମା ତାକୁ ସବୁଦିନ ପାଇଁ ଛାଡ଼ି ଚାଲିଯାଇଛି ବୋଲି ।

ଏମିତି ଏକ ହୃଦୟ ବିଦାରକ ଘଟଣା ଘଟିଛି ବଲାଙ୍ଗିର (Bolangir) ସହର ସାଗରପଡାରେ । କୁନି ନାଏକ ନାମକ ଜଣେ ମହିଳା ଦୀର୍ଘ ଦେଢ଼ ବର୍ଷ ହେଲା ସ୍ୱାମୀଙ୍କ ମୃତ୍ୟୁ ପରେ ନିଜ ପରିବାର ଲୋକଙ୍କ ଠାରୁ ବାସନ୍ଦ ହୋଇ ସାଗରପଡା ରେ ଭଡା ଘରେ ଏକାକୀ ରହୁଥିଲେ। ହେଲେ ହଠାତ୍ ଆଜି ତାଙ୍କର ମୃତଦେହ (Mother Deadbody) ଉଦ୍ଧାର ହୋଇଛି । ତାଙ୍କର ୫ ବର୍ଷର ଝିଅ ସ୍ଥାନୀୟ ଲୋକଙ୍କୁ ଏହି ବିଷୟରେ କହିଥିଲେ। ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।  

ଗତ ଛଅମାସ ହେଲା ମହିଳାଙ୍କ ଦେହ ଅସୁସ୍ଥ ଥିବା ଲୋକେ କହିଛନ୍ତି । ମହିଳାଙ୍କ ପାଖରେ ରାସନ କାର୍ଡ(Ration Card) ନଥିବାରୁ ସେ ଅଭାବ ଅନଟନରେ ଚଳୁଥିଲେ । ଦେହ ଅସୁସ୍ଥ ଥିବାରୁ ନଖାଇ ନ ପିଇ ଅନାହାରରେ ମୃତ୍ୟୁ ହୋଇଥିବା ଲୋକେ ଅଭିଯୋଗ କରିଛନ୍ତି। 

Also Read: ହାଡ଼ଭଙ୍ଗା ଜାଡ଼ରେ କାଲି ସକାଳୁ ୮ ଜିଲ୍ଲାରେ ହେବ ବର୍ଷା

Also Read: ମୁଖାଗ୍ନି ପୂର୍ବରୁ ଜିଇଁ ଉଠିଲା ମୃତଦେହ