Road Accident: ବଙ୍ଗୋମୁଣ୍ଡା ସଡ଼କ ଦୁର୍ଘଟଣା: ପୁଅ ସାମ୍ନାରେ ଚାଲିଗଲା ବାପାର ଜୀବନ

Kantabanji Accident: ମୃତକଙ୍କ ନାମ ପ୍ରହଲ୍ଲାଦ ଶାହ। ସେ ତଲାଜୁରି ଗାଁର ବାସିନ୍ଦା। ତାଙ୍କ ପୁଅ ସମୀର ଶାହ କଣ୍ଟାବାଞ୍ଜି ହସ୍ପିଟାଲରେ ଜୀବନ-ମରଣ ସହିତ ସଂଘର୍ଷ କରୁଛନ୍ତି।

Kantabanji Road Accident: ଶନିବାର ଦିନ ବଲାଙ୍ଗିର ଜିଲ୍ଲାର କଣ୍ଟାବାଞ୍ଜି ଥାନା ଅନ୍ତର୍ଗତ ବଙ୍ଗୋମୁଣ୍ଡାରେ ଏକ ସଡ଼କ ଦୁର୍ଘଟଣା ଘଟିଛି। ଏହି ସଡ଼କ ଦୁର୍ଘଟଣାରେ ନିଜ ପୁଅକୁ ପରୀକ୍ଷା କେନ୍ଦ୍ରକୁ ନେଇ ଯାଉଥିବା ସମୟରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହା ସମେତ ପୁଅ ଗୁରୁତର ଆହତ ହୋଇଛନ୍ତି ଏବଂ ତାଙ୍କୁ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରାଯାଇଛି।

ମୃତକଙ୍କ ନାମ ପ୍ରହଲ୍ଲାଦ ଶାହ। ସେ ତଲାଜୁରି ଗାଁର ବାସିନ୍ଦା। ତାଙ୍କ ପୁଅ ସମୀର ଶାହ କଣ୍ଟାବାଞ୍ଜି ହସ୍ପିଟାଲରେ ଜୀବନ ମରଣ ସହିତ ସଂଘର୍ଷ କରୁଛନ୍ତି। ସମୀର କରଙ୍ଗାମାଲ କଲେଜରେ ଯୁକ୍ତ ୨ ପରୀକ୍ଷା ଦେବାକୁ ଯାଉଥିବା ସମୟରେ ଏହି ସଡ଼କ ଦୁର୍ଘଟଣା ଘଟିଥିଲା।

Add Zee News as a Preferred Source

ଖବର ଅନୁଯାୟୀ ସମୀର ନିଜ ବାପାଙ୍କ ସହିତ ଏକ ବାଇକ୍ ଯୋଗେ ଯାତ୍ରା କରୁଥିଲେ। ଏହି ସମୟରେ ବଙ୍ଗୋମୁଣ୍ଡାର ନୂଆ ପେଟ୍ରୋଲ ପମ୍ପ ନିକଟସ୍ଥ ଏକ ପୋଲ ନିକଟରେ ସେମାନେ ଯାଉଥିବା ଗାଡ଼ିଟି ଭାରସାମ୍ୟ ହରାଇ ବସିଥିଲା। ସକାଳେ ଏହି ଦୁର୍ଘଟଣା ଘଟିଥିଲା। ଯାହା ଫଳରେ ପ୍ରହଲ୍ଲାଦଙ୍କ ଘଟଣାସ୍ଥଳେ ମୃତ୍ୟୁ ହୋଇଥିଲା।

ଖବର ପାଇ ପୋଲିସ ଘଟଣାସ୍ଥଳକୁ ଯାଇ ଦୁର୍ଘଟଣାର ସଠିକ୍ କାରଣ ଜାଣିବା ପାଇଁ ଘଟଣାର ତଦନ୍ତ ଆରମ୍ଭ କରିଛି।