• ରାଜ୍ୟରେ ଭୟଙ୍କର ଭାବେ ମାଡୁଛି କରୋନା। ୨୪ ଘଣ୍ଟାରେ ୧୭୮୪ ନୂଆ ଆକ୍ରାନ୍ତ ଚିହ୍ନଟ
  • ନୂଆପଡାରେ ସର୍ବାଧିକ ୩୦୩ ସଂକ୍ରମିତ, ୨ଜଣଙ୍କ ମୃତ୍ୟୁ
  • ଗ୍ୟାଙ୍ଗଷ୍ଟର ହାଇଦର ସହଯୋଗୀ ୟାକୁବ ଗିରଫ
  • କାଲି ଚାଉଳିଆଗଞ୍ଜ ଥାନାରେ ଅତ୍ମସମର୍ପଣ କରିଥିଲା ୟାକୁବ
  • ହାଇଦର ଫେରାର ପଛରେ ୟାକୁବର ଭୂମିକାକୁ ନେଇ ଖୋଳତାଡ଼ କରୁଛି ପୋଲିସ୍
  • ନୂଆ ମୁଖ୍ୟ ନିର୍ବାଚନ କମିଶନର ହେବେ ସୁଶିଲ ଚନ୍ଦ୍ରା
  • ଆସନ୍ତା ବର୍ଷ ମେ ୧୪ ଯାଏ ସମ୍ଭାଳିବେ ପଦ
  • ୨୦୨୨ ଆରମ୍ଭରେ ଉତ୍ତରପ୍ରଦେଶ ଓ ପଞ୍ଜାବ ଭଳି ୫ ରାଜ୍ୟର ନିର୍ବାଚନ ପରିଚାଳନା ଚ୍ୟାଲେଞ୍ଜ

ପୁଣି ଧରାପଡ଼ିଲେ ଆଉ ୫ଜଣ ନକଲି ଶିକ୍ଷକ

ଜୀ ଓଡ଼ିଶାର ମହା ପ୍ରଭାବ, ପୁଣି ଧରାପଡ଼ିଲେ ଆଉ ୫ଜଣ ନକଲି ଶିକ୍ଷକ

ପୁଣି ଧରାପଡ଼ିଲେ ଆଉ ୫ଜଣ ନକଲି ଶିକ୍ଷକ
ଜୀ ଓଡ଼ିଶାର ମହା ପ୍ରଭାବ, ପୁଣି ଧରାପଡ଼ିଲେ ଆଉ ୫ଜଣ ନକଲି ଶିକ୍ଷକ

ରାଧାଶ୍ୟାମ ଆଚାର୍ଯ୍ୟ, ବ୍ରହ୍ମପୁର: ଜୀ ଓଡ଼ିଶାର ମହା ପ୍ରଭାବ । ଧିରେ ଧିରେ ଖୋଲୁଛି ଠକ୍ ଶିକ୍ଷକଙ୍କ ଜାଲ ସାଟିଫିକେଟର ଗୁମର । ପୁଣି ପଦାକୁ ଆସିଛି ଆଉ ୫ଜଣ ନକଲି ସାର୍ଟିଫିକେଟ ପ୍ରଦାନକାରୀ ଶିକ୍ଷକଙ୍କ କଳା କାରନାମା । ଶିକ୍ଷାଗତ ଯୋଗ୍ୟତା ନ ଥାଇ ବର୍ଷ ବର୍ଷ ଧରି ବିଭିନ୍ନ ସୁଲରେ ଜାଲ ସାଟିଫିକେଟ ପ୍ରଦାନ କରି ଶିକ୍ଷକତା କରି ଆସୁଥିବା ନକଲି ଶିକ୍ଷକଙ୍କ ଜାଳିୟାତି ଜି ଓଡ଼ିଶାରେ ଖୁଲାସା ହେବା ପରେ ଏବେ ଗୋଟିଏ ପରେ ଗୋଟିଏ ଶିକ୍ଷକ ଜାଲରେ ଛନ୍ଦି ହେବାରେ ଲାଗିଛନ୍ତି ।

ଶିକ୍ଷା ବିଭାଗର ସ୍କାନରରେ ପୁଣି ଛନ୍ଦି ହେଲେ ୫ ଜଣ ଠକ୍ ଶିକ୍ଷକ । ଖୋଳତାଡ ବେଳେ ପଦାକୁ ଆସିଲା ଜାଳିୟାତିର ଗୁମର। ଶିକ୍ଷା ଗତ ଯୋଗ୍ୟତା ନ ଥାଇ ବର୍ଷ ବର୍ଷ ଧରି ଭଦ୍ରମୁଖା ତଳେ ଚାଲିଥିଲା ଶିକ୍ଷାଦାନ । ପିଲାଙ୍କ ଭବିଷ୍ୟତ ସହ ସାଂଘାତିକ ଖେଳ ଖେଳୁଥିଲେ ଏହି ଅପାଠୁଆ ଶିକ୍ଷକ ମାନେ । ସାଟିଫିକେଟ ତଦନ୍ତ ବେଳେ ପର୍ଦାଫାସ ହୋଇଛି ଶିକ୍ଷକଙ୍କ ପ୍ରକୃତ ରହସ୍ୟ । ବେଗୁନିଆପଡା ବ୍ଲକର ସୁଜାତା ପଣ୍ଡା, ପରମାନନ୍ଦ ସାହୁ ଓ ଶେରଗଡ ବ୍ଲକର ସଞ୍ଜୟ କୁମାର କଟେଇବା, ଭୋଗବାନ ମହାନ୍ତିଙ୍କ ସମେତ କବିସୂର୍ୟ୍ୟନଗର ଆଠଗଡ ପାଟଣା ବିଦ୍ୟାଳୟର ଭୀକାରି ଚରଣ ସାହୁଙ୍କ ସାର୍ଟିଫିକେଟ ଯାଞ୍ଚ ବେଳେ ନକଲି ଥିବା ଧରା ପଡିଛି । ବୋର୍ଡ଼ ପକ୍ଷରୁ ଏନେଇ ସୁଚନା ମିଳିବା ପରେ ସମସ୍ତ ଠକ ଶିକ୍ଷକଙ୍କ ବିରୁଦ୍ଧରେ ଥାନାରେ ଏତଲା ଦିଆଯାଇଥିବା ଜିଲ୍ଲା ଶିକ୍ଷା ଅଧିକାରୀ ସୂଚନା ଦେଇଛନ୍ତି ।


ଗଞ୍ଜାମ ଜିଲ୍ଲାରେ ବର୍ଷ ବର୍ଷ ଧରି ଏଭଳି ବିଭିନ୍ନ ସରକାରୀ ଶିକ୍ଷାନୁଷ୍ଠାନରେ ପିଲାଙ୍କ ଭବିଷ୍ୟତ ସହ ଖେଳ ଚାଲୁଛନ୍ତି ସହ ସହ ନକଲି ସାର୍ଟିଫିକେଟ ପ୍ରଦାନକାରୀ ଶିକ୍ଷକ । ଯାହା ଫଳରେ ଜିଲ୍ଲାରେ ସରକାରୀ ଶିକ୍ଷାନୁଷ୍ଠାନରେ ଶିକ୍ଷା ବ୍ୟବସ୍ଥା ଭୁଷୁଡି ପଡିଥିବା ନେଇ ଅନେକ ଥର ବିଭିନ୍ନ ସଂଗଠନ ଦାବି ଉଠାଇଛନ୍ତି । ଅଭିଭାବକ ମାନେ ଘରୋଇ ଶିକ୍ଷା ଅନୁଷ୍ଠାନ ମୁହାଁ ହେବା ସହ ଅନେକ ସ୍କୁଲରେ ଶିକ୍ଷକ ତୁଳନାରେ ଛାତ୍ର ଛାତ୍ରୀଙ୍କ ସଂଖ୍ୟା ବେସ କମ ରହିଥିବା ଚର୍ଚ୍ଚା ହୋଇଛି । ଏଭଳି ସ୍ଥିତିରେ ଏକ ବଡ ଧରଣର ଶିକ୍ଷା ବ୍ୟବସ୍ଥାରେ ପରିବର୍ତ୍ତନ ଆଣିବା ଆବଶ୍ୟକ ହୋଇ ପଡିଛି । ଜିଲ୍ଲାରେ ବର୍ତ୍ତମାନ ସୁଦ୍ଧା ୨୧ ଜଣ ଶିକ୍ଷକଙ୍କ ସାର୍ଟିଫିକେଟ୍ ଜାଲିଆତି ପଦାକୁ ଆସିଥିବା ବେଳେ ଶିକ୍ଷା ବ୍ୟବସ୍ଥାରେ ସୁଧାର ଆଣିବାକୁ ହେଲେ ଏଭଳି କଳଙ୍କିତ ଶିକ୍ଷକଙ୍କୁ ତୁରନ୍ତ ସମୀକ୍ଷା କରି ଦୃଢ କାର୍ଯ଼୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ହୋଇ ପଡିଛି ।