• ଆସନ୍ତାକାଲିଠୁ ଦେଶବ୍ୟାପୀ କୋରୋନା ଟିକାକରଣ
  • ଶେଷ ପର୍ଯ୍ୟାୟରେ ରାଜ୍ୟରେ ଟିକାକରଣ ପ୍ରସ୍ତୁତି
  • ଶନିବାର ସାଢେ ୧୦ଟାରେ କରୋନା ଟିକାକରଣର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ
  • ପ୍ରଥମ ଦିନରେ ୩ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଦିଆଯିବ ଟିକା
  • କଳାହାଣ୍ଡିରେ ୧୦୬୪ କୋଟିରୁ ଅଧିକ ଟଙ୍କାର ୫୪ଟି ପ୍ରକଳ୍ପର ଲୋକାର୍ପଣ
  • ୧୦୬ଟି ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କଲେ ମୁଖ୍ୟମନ୍ତ୍ରୀ
  • ଏଥର ବର୍ଷ ଗଣତନ୍ତ୍ର ଦିବସରେ ରହିବେନି ବିଦେଶୀ ଅତିଥି
  • କୋଭିଡ କଟକଣା ଯୋଗୁୁଁ ରାଷ୍ଟ୍ର ମୁଖ୍ୟକୁ ନଡାକିବାକୁ ବିଦେଶ ମନ୍ତ୍ରାଳୟର ନିଷ୍ପତ୍ତି ।
  • କୃଷକ ଆନ୍ଦୋଳନ: ସୁପ୍ରିମକୋର୍ଟଙ୍କ ଗଠିତ ୪ ଜଣିଆ କମିଟିରୁ ଓହରିଗଲେ ଭୂପିନ୍ଦର ସିଂ ମାନ
  • ଲେଉଟିବ ଶୀତ! ଆସନ୍ତା ଦୁଇ ଦିନ ୭ ଜିଲ୍ଲାକୁ ଘନ କୁହୁଡି ସମ୍ଭାବନା

ବ୍ରହ୍ମପୁର ସୁନା ବଜାରରେ ଛନକା

ବ୍ରହ୍ମପୁର ସୁନା ବ୍ୟବସାୟୀଙ୍କ ଉପରେ ଏବେ ସରକାରଙ୍କ କଡା ନଡର  

ବ୍ରହ୍ମପୁର ସୁନା ବଜାରରେ ଛନକା
ବ୍ରହ୍ମପୁର ସୁନା ବ୍ୟବସାୟୀଙ୍କ ଉପରେ ଏବେ ସରକାରଙ୍କ କଡା ନଡର

ଜିନୁ ଜେନା, ବ୍ରହ୍ମପୁର: ବ୍ରହ୍ମପୁର ସୁନା ବ୍ୟବସାୟୀଙ୍କ ଉପରେ ଏବେ ସରକାରଙ୍କ କଡା ନଡର । ଦକ୍ଷିଣ ଓଡ଼ିଶାର ସର୍ବବୃହତ ବ୍ରହ୍ମପୁର ସୁନା ବଜାର ଓ ଭୁବନେଶ୍ୱର ସୁନା ବଜାର ଉପରେ କେତେ ଥର ଚଢାଉ ହୋଇଛି ତାର ରିପୋର୍ଟ ତଲବ କରିବା ଲାଗି ନିର୍ଦେଶ ଦେବା ପରେ ଏବେ ଆରମ୍ଭ ହୋଇଛି ଧରପଗଡ । ହୋଲଗ୍ରାମ ସୁନା ବିକ୍ରି ଓ ଓଜନ ଉପରେ ଠକେଇ ହେଉଥିବା ନେଇ ଅନେକ ସମୟରେ ଅଭିଯୋଗ ଆସୁଥିବା ବେଳେ ବିଧାନ ସଭାରେ ଉଠିଥିବା ପ୍ରସଙ୍ଗ ବ୍ୟବସାୟୀଙ୍କୁ ହରଡ଼ଘଣାରେ ପକାଇଛି । ସେପଟେ କିଛି ମୁନାଫାଖୋର ବ୍ୟବସାୟୀଙ୍କ ଯୋଗୁଁ ପୂରା ବଜାର ବଦନାମ ହେବାକୁ ପଡୁଥିବା ବେଲେ ଯେକେହି ବି ଖିଲାପ କରୁଥିବ ସେ ଦଣ୍ଡ ପାଇବା ଦରକାର ବୋଲି କହିଛନ୍ତି ସୁନା ବ୍ୟବସାୟ ସଂଘ ସଭାପତି ପି ସତ୍ୟ ନାରାୟଣ ସେନାପତି ଽ

ଗୋଟିଏ ପଟେ ସୁନା ବ୍ୟବସାୟୀଙ୍କ ଉପରେ କଡା ନଜର ରଖିବା ଲାଗି ସାଧାରଣରେ ଦାବି ହୋଇଥିବା ବେଳେ ଓଜନ ମାପ ବିଭାଗ ସର୍ବଦା ସଜାଗ ରହିଥିବା ସୂଚନା ଦେଇଛି । କର୍ମଚାରୀଙ୍କ ଅଭାବ ସତ୍ତ୍ୱେ ଜିଲ୍ଲାରେ ବିଭିନ୍ନ ସମୟରେ ଜିଲ୍ଲା ପ୍ରଶାସନ ସହାୟତାରେ ଚଢାଉ କରାଯାଇ ନିୟମ ଖିଲାପକାରୀଙ୍କ ଠାରୁ ଫାଇନ୍ ମଧ୍ୟ ଆଦାୟ କରାଯାଉଥିବା ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ସୂଚନା ଦେଇଛନ୍ତି । ରାଜ୍ୟର ୩୦ଟି ଜିଲ୍ଲା ମଧ୍ୟରେ ଗଞ୍ଜାମ ଜିଲ୍ଲାରୁ ଅଧିକ ଥର ବଜାର ଉପରେ ଚଢାଉ କରିବା ସହ ସର୍ବାଧିକ ଫାଇନ ଆଦାୟ କରାଯାଇଥିବା ଓଜନ ମାପ ବିଭାଗର ଅଧିକାରୀ ଦାବି କରିଛନ୍ତି ।            

ପୂର୍ବବର୍ଷ ଗୁଡ଼ିକୁ ଯଦି ନଜରକୁ ନିଆଯାଏ ତେବେ ୨୦୧୭-୧୮ ମସିହାରେ ଜିଲ୍ଲାରେ ସୁନା ବଜାର ଉପେରେ ଚଢାଉ କରାଯାଇ ୮୧ଟି ମାମଲା ରୁଜୁ କରାଯାଇଥିବା ବେଳେ ୨,୫୨,୫୦୦ ଟଙ୍କା ଫାଇନ୍ ଆଦାୟ କରାଯାଇଛି । ସେହିପରି ୨୦୧୮-୧୯ ମସିହାରେ ୮୦ଟି ମାମଲା ରୁଜୁ ହୋଇଥିବା ବେଳେ ୨,୨୬, ୮୦୦ ଟଙ୍କା ଫାଇନ୍ ଆଦାୟ କରାଯାଇଥିଲା । ୨୦୧୯ ମାସ ନଭେମ୍ବର ସୁଦ୍ଧା ୪୯ଟି ମାମଲା ରୁଜୁ ହୋଇ ସାରିଥିବା ବେଳେ ୨, ୧୦, ୦୦୦ ଟଙ୍କା ଫାଇନ୍ ଆଦାୟ ହୋଇଛି । ସରକାରୀ ନିୟମର ଖିଲାପ କରୁଥିବା ବ୍ୟବସାୟୀଙ୍କ ଠାରୁ ଏହି ଫାଇନ ଆଦାୟ କରାଯାଇଥିବା ବେଳେ କଳା ବଜାରି ଉପରେ କଡ଼ା ନଜର ରଖାଯାଉଥିବା ଓଜନ ମାପ ବିଭାଗ ପକ୍ଷରୁ ସୂଚନା ମିଳିଛି । ତଥାପି ଗ୍ରାହକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଅଭିଯୋଗ ମୁତାବକ ବଜାର ଉପରେ ରେଡ୍ କରାଯିବା ସହ ମୁନାଫାଖୋର ବ୍ୟବସାୟୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ କହିଛନ୍ତି । ଏବେ କେବଳ ଅପେକ୍ଷା ଆଗାମୀ ଦିନରେ ବଜାରରେ କେତେ ସଚ୍ଚୋଟ କାରବାର ହେଉଛି ଆଉ ଗ୍ରାହକ କେତେ ସଚେତନ ହେଉଛନ୍ତି ଽ