ସାନିଟାଇଜ ହେଉ ନ ଥିବା କହିବାରୁ ପ୍ରବାସୀଙ୍କୁ ଗାଳିଗୁଲଜ !

ରାଧାଶ୍ୟାମ ଆଚାର୍ଯ୍ୟ, ବ୍ରହ୍ମପୁର: କ୍ୱାରେଣ୍ଟାଇନ ସେଣ୍ଟରରେ ଦୁର୍ବ୍ୟବହାର ଅଭିଯୋଗ । ତାହା ପୁଣି ସରପଞ୍ଚଙ୍କ ସ୍ୱାମୀଙ୍କ ନାଁରେ । ଶେଷରେ ୭୦ରୁ ଉର୍ଦ୍ଧ୍ୱ ପ୍ରବାସୀ କ୍ୱାରେଣ୍ଟାଇନ ସେଣ୍ଟର ଛାଡ଼ି ବ୍ଲକକୁ ପଳାଇ ଆସିଥିବା ଦେଖିବାକୁ ମିଳିଥିଲା । 

ସୋମବାର ଗଞ୍ଜାମ କବିସୂର୍ଯ୍ୟନଗର ବ୍ଲକ ଭେଟସିଂ ବାତ୍ୟା ଆଶ୍ରୟସ୍ଥଳୀରେ ହୋଇଥିବା କ୍ୱାରେଣ୍ଟାଇନ ସେଣ୍ଟରରୁ ଆସିଛି ଏଭଳି ଅଭିଯୋଗ । ସଙ୍ଗରୋଧ ଗୃହ ସଫାସୁତୁରା କିମ୍ବା ସାନିଟାଇଜ୍ ହୋଇନଥିବା ଅଭିଯୋଗ କରିବାକୁ ସରପଞ୍ଚଙ୍କ ସ୍ୱାମୀ ପହଞ୍ଚି ପ୍ରବାସୀ ଓଡ଼ିଆଙ୍କୁ ଅସଭ୍ୟ ଭାଷାରେ ଗାଳିଗୁଳଜ କରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ପାଟିତୁଣ୍ଡ ଏବଂ ଠେଲା ପେଲା ପରିସ୍ଥିତି ମଧ୍ୟ ସୃଷ୍ଟି ହୋଇଥିଲା । ଅନ୍ୟପଟେ ଏ ସମ୍ପର୍କରେ ସମ୍ପୃକ୍ତ ସରପଞ୍ଚଙ୍କ ପ୍ରତିକ୍ରିୟା ମିଳିପାରିନାହିଁ ।