ଘରେ ଆମ୍ବ ସରିଯାଇଥିବା ଜାଣି ସ୍ତ୍ରୀକୁ ପିଟି ପିଟି ହତ୍ୟା କଲା ଅଭିଯୁକ୍ତ

ବିବେକାନନ୍ଦ ସାମଲ, ଭଦ୍ରକ: ରଜକୁ ନେଇ ଘରେ ଘରେ ପିଠା ପଣାର ଆସର ଜମିଥିବା ବେଳେ ନିଶାସକ୍ତ ସ୍ୱାମୀର ମାଡ଼ରେ ସ୍ତ୍ରୀର ଜୀବନ ଯାଇଛି । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଧାମନଗର ଥାନା ଜଳ ମଣ୍ଡୁଆ ଗାଁରେ । ମୃତ ମହିଳା ଜଣକ ହେଲେ ଗାଁର କାର୍ତ୍ତିକ ଜେନାର ସ୍ତ୍ରୀ ସସ୍ମିତା । ଅଭିଯୁକ୍ତ କାର୍ତ୍ତିକକୁ ପୋଲିସ ଅଟକ ରଖିଛି । ଘଟଣାର ଅଧିକ ତଦନ୍ତ ଜାରିରହିଛି । 

ଯାହା ଜଣାପଡ଼ିଛି, ଆମ୍ବ ଖାଇବାକୁ ନେଇ ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଛି । ଅଭିଯୁକ୍ତ କାର୍ତ୍ତିକ ନିଶାସକ୍ତ ଅବସ୍ଥାରେ ଘରେ ପହଞ୍ଚି ସ୍ତ୍ରୀକୁ ପୂର୍ବରୁ ଆଣିଥିବା ଆମ୍ବ ମାଗିଥିଲା । ତେବେ ଆମ୍ବ ସବୁ ପିଲାମାନେ ଖାଇ ଦେଇଥିବା ଜାଣିବା ପରେ ସ୍ତ୍ରୀ ଉପରେ ରାଗିଯାଇଥିଲା ଅଭିଯୁକ୍ତ । ଏକ ବାଉଁସ ଫାଳିଆରେ ଆକ୍ରମଣ କରିଥିଲେ । ଏଥିରେ ସସ୍ମିତାଙ୍କ ମୃତ୍ୟୁ ହୋଇଛି । 

Add Zee News as a Preferred Source

ଘବର ପାଇ ଘଟଣା ସ୍ଥଳରେ ଧାମନଗର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସସ୍ମିତାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଅଭିଯୁକ୍ତକୁ ଅଟକ ରଖିଛି ପୋଲିସ ।