ସଂକ୍ରମଣ ବଢୁଛି, କଟକଣା ଫିଟୁଛି । ମହାମାରୀ କୋରୋନାକୁ ସଂକ୍ରମଣକୁ ରୋକ ଲଗାଇବା ପାଇଁ ଦେଶରେ ମାର୍ଚ୍ଚ ମାସରୁ ଆରମ୍ଭ ହୋଇଥିଲା ଲକ୍ ଡାଉନ ଓ ସଟ୍ ଡାଉନ୍ ।
Trending Photos
ଶାନ୍ତସ୍ୱରୂପ ରାଉତ, ଭୁବନେଶ୍ୱର: ସଂକ୍ରମଣ ବଢୁଛି, କଟକଣା ଫିଟୁଛି । ମହାମାରୀ କୋରୋନାକୁ ସଂକ୍ରମଣକୁ ରୋକ ଲଗାଇବା ପାଇଁ ଦେଶରେ ମାର୍ଚ୍ଚ ମାସରୁ ଆରମ୍ଭ ହୋଇଥିଲା ଲକ୍ ଡାଉନ ଓ ସଟ୍ ଡାଉନ୍ । ପର୍ଯ୍ୟାୟକ୍ରମେ ଜନସାଧାରଣଙ୍କ ଜୀବନକୁ ଅଗ୍ରାଧିକାର ଦେଇ ପରେ ପରେ ଜୀବିକି ଉପାର୍ଜନ ନିମନ୍ତେ ଆରମ୍ଭ ହୋଇଥିଲା ଅନଲକ୍ ପର୍ଯ୍ୟାୟ । ଆଉ ଚଳିତ ମାସରେ ଆମେ ୫ମ ପର୍ଯ୍ୟାୟ ଅନଲକ୍ ଆରମ୍ଭ ହେଉଛି । ତେବେ ଏନେଇ କେନ୍ଦ୍ର ସରକାର ସ୍ୱତନ୍ତ୍ର ମାର୍ଗଦର୍ଶିକା ଜାରି କରିଥିବା ବେଳେ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ରାଜ୍ୟ ସରକାର ପରିବର୍ତ୍ତନ କରିବା ସହ କିଛି କୋହଳ ଓ କିଛି କଟକଣା ରଖିଛନ୍ତି । ଯାହାଦ୍ୱାରା ରାଜ୍ୟରେ ସଂକ୍ରମଣ କିଛି ମାତ୍ରାରେ ରୋକିହୋଇଥିବା ଡାକ୍ତର କହିଥିବା ବେଳେ ବିଶେଷଜ୍ଞଙ୍କ ମତରେ ଅର୍ଥନୀତିରେ ପ୍ରଭାବ ପକାଇଛି ।
୫ମ ପର୍ଯ୍ୟାୟ ଅନଲକ୍ । ଅକ୍ଟୋବରରେ ବି ରହିବ କଟକଣା । ତେବେ ତୁଳନାତ୍ମକ ଭାବେ କ’ଣ ରହିଛି କେନ୍ଦ୍ର ଓ ରାଜ୍ୟ ସରକାରଙ୍କ ଅକ୍ଟୋବର ଗାଇଡଲାଇନ୍ ।
ଗୋଟିଏ ପଟେ ସଂକ୍ରମଣର ଦ୍ବାହି, ଅନ୍ୟପଟେ ଜୀବୀକା ଉପାର୍ଜନର ପନ୍ଥା । ଏହାରି ଭିତରେ ଛନ୍ଦି ହୋଇଯାଇଛି କେନ୍ଦ୍ର ଓ ରାଜ୍ୟ ସରକାରଙ୍କ ଗାଇଡଲାଇନ । ଜୀବିକାକୁ ପ୍ରାଧାନ୍ୟ ଦେଇ କେନ୍ଦ୍ର ସରକାର ଗୋଟିଏ ପରେ ଗୋଟିଏ ବାଟ ଫିଟାଉଥିବା ବେଳେ ରାଜ୍ୟରେ କୋରୋନାର ସ୍ଥିତିକୁ ଦେଖି ସରକାର କିଛି କୋହଳକୁ କଟକଣା କରିଛନ୍ତି । ତେବେ ଏସବୁ ଭିତରେ ରାଜ୍ୟ ଅର୍ଥନୀତିରେ ଘୋର ପ୍ରଭାବ ପଡୁଥିବାରୁ ଗାଇଡଲାଇନ ସହ କଟକଣାକୁ କୋହଳ କରିବାକୁ କହିଛନ୍ତି ବିଶେଷଜ୍ଞ ।
ତେବେ ମହାମାରୀରୁ ନିକଟ ଭବିଷ୍ୟତରେ ଆଶ୍ବାସନା ମିଳିବା ଅସମ୍ଭବ, ତଥାପି କୋରୋନା ସହ ନିତିଦିନିଆ ଭାବେ ଜୀବନ ଜୀବିକା ସହ ବଂଚିବାକୁ ପଡିବ ।