ମେଘୁଆ ହେଲାଣି ପାଗ, ଆରମ୍ଭ ହୋଇଛି ସ୍ଥାନାନ୍ତରଣ ପ୍ରକ୍ରିୟା

ଭୁବନେଶ୍ୱର: ପାଗ ମେଘୁଆ ହେଲାଣି । ପବନର ବେଗ ବଢ଼ିଲାଣି । ବାତ୍ୟାର ନାମ ଉମ୍ପୁନ ଉଚ୍ଚାରଣ କରିବା ପାଇଁ ପୁଣି ଥରେ କହିଲେ ଏସଆରସି । ପାରାଦୀପରୁ ଦକ୍ଷିଣରେ ୪୭୦ କିମି ଦୂରରେ ରହିଛି 'ଅମ୍ଫାନ' ।  ୧୫ କିମି ବେଗରେ ଗତି କରୁଛି । ଆସନ୍ତା ୨୦ ତାରିଖ ଅପରାହ୍ନରେ ଏହା ସ୍ଥଳଭାଗ ଛୁଇଁବ। ଉତ୍ତର ଓଡ଼ିଶାର ୪ ଜିଲ୍ଲା ଜଗତସିଂହପୁର, ଭଦ୍ରକ, ବାଲେଶ୍ୱର ଓ କେନ୍ଦ୍ରାପଡ଼ାରେ ବର୍ଷା ହେବ । ସେହିପରି ଯାଜପୁର ଓ ମୟୁରଭଞ୍ଜ ଜିଲ୍ଲାର ଆଂଶିକ ଅଞ୍ଚଳରେ ମଧ୍ୟ ବର୍ଷା ହେବାର ସମ୍ଭାବନା ରହିଛି । 

ଆଜି ସକାଳୁ ୬ ଜିଲ୍ଲାରେ ସ୍ଥାନାନ୍ତରଣ ପ୍ରକ୍ରିୟା ଆରମ୍ଭ ହୋଇଛି । ଗଜପତି, କେନ୍ଦ୍ରାପଡା, ଭଦ୍ରକ, ବାଲେଶ୍ୱର, ଜଗତସିଂହପୁର ଆରମ୍ଭ ହୋଇଯାଇଛି ସ୍ଥାନାନ୍ତରଣ ପ୍ରକ୍ରିୟା । ୧୫ଟି ଓଡ୍ରାଫ ଟିମ୍ ୧୫ଟି ଏନଡିଆରଏଫ ଟିମ୍ ପ୍ରଭାବିତ ଜିଲ୍ଲାରେ ମୁତୟନ ହୋଇଛନ୍ତି । ସେହିପରି ୨୧୭ ଅଗ୍ନିଶମ ଟିମ ଓ  ୭୫ ଓଏଫଡିସି ଟିମ ମଧ୍ୟ ମୁତୟନ ରହିଛନ୍ତି । ୨୨୬ଟି ଡିଜି ସେଟ ସହ ଜଳସମ୍ପଦ ବିଭାଗ ସମ୍ପୂର୍ଣ ପ୍ରସ୍ତୁତ ରହିଛି । ୨୬୯ ଟି ପାଣି ଟ୍ୟାଙ୍କରେ ପାଣି ମହଜୁତ କରି ରଖାଯାଇଛି । 

ତେବେ ଲୋକଙ୍କୁ ସୁରକ୍ଷିତ ସ୍ଥାନାନ୍ତରଣ କରିବା ଉପରେ ଗୁରୁତ୍ୱାରୋପ କରାଯାଇଛି । ବାତ୍ୟା ସମୟରେ ଘରୁ ନ ବାହାରିବା ପାଇଁ ସମସ୍ତଙ୍କୁ ସତର୍କ କରାଯାଇଛି । ବାତ୍ୟା ସହ କୋରୋନା ମୁକାବିଲା ପାଇଁ ସାମାଜିକ ଦୂରତା ଓ ମାସ୍କ ପିନ୍ଧିବା ଉପରେ ମଧ୍ୟ ଗୁରୁତ୍ୱ ଦିଆଯାଉଛି । ପରିସ୍ଥିତି ବର୍ତ୍ତମାନ ସୁଦ୍ଧା ନିୟନ୍ତ୍ରଣ ରହିଛି । ସମସ୍ତ ଲୋକଙ୍କୁ ମୋବାଇଲ ମାଧ୍ୟମରେ message ଦେଇ ସତର୍କ କରାଯିବ । ୬ ଜିଲ୍ଲା ଉପରେ ବିଶେଷ ଫୋକସ୍ କରୁଛନ୍ତି ରାଜ୍ୟ ସରକାର । ୧୨ ଜିଲ୍ଲା ପ୍ରଭାବିତ ହେବାର ଆଶଙ୍କା ରହିଛି  ।