ସଂକଟ ବେଳେ ସତର୍କ କରୁଛନ୍ତି ଅଭିଷେକ, ପ୍ରସ୍ତୁତ କରିଛନ୍ତି ସୁନ୍ଦର ଭିଡ଼ିଓ

ଭୁବନେଶ୍ୱର: ସଂକଟ ସମୟରେ ସହାୟତା ପାଇଁ ଆଗେଇ ଆସିଛି ଓଲିଉଡ଼ ଜଗତ। କେହି ଆର୍ଥିକ ସହାୟତା ପାଇଁ ହାତ ବଢାଇଛି ତ ଆଉ କେହି ନିଜ ଖର୍ଚ୍ଚରେ ଖାଦ୍ୟ ବଣ୍ଟନ କରୁଛି। ତେବେ ନିଜ ପ୍ରୟାସରେ ବିଭିନ୍ନ ଭିଡ଼ିଓ ପ୍ରସ୍ତୁତ କରି ସତର୍କ କରାଉଛନ୍ତି। ଏହି କ୍ରମରେ ଓଲିଉଡ଼ର ଅଭିନେତା ଅଭିଷେକ ରଥ ନିଜ ପ୍ରୟାସରେ ସାଧାରଣ ଲୋକଙ୍କ ନେଇ ଏକ ଭିଡ଼ିଓ ପ୍ରସ୍ତୁତ କରିଛନ୍ତି। ଯେଉଁଥିରେ ସେ କୋରୋନା ଯୋଦ୍ଧାଙ୍କୁ ଶୁଭେଚ୍ଛା ଜଣାଇବା ସହିତ ସାଧାରଣ ଲୋକଙ୍କୁ ସତର୍କ ମଧ୍ୟ କରାଇଛନ୍ତି। 

ନିଜ ଉଦ୍ୟମରେ ସେ ଏହି ଭିଡ଼ିଓଟିକୁ ପ୍ରସ୍ତୁତ କରିଛନ୍ତି। ତାଙ୍କର ଏହି ଭିଡ଼ିଓରେ ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟିମାନଙ୍କୁ ସ୍ଥାନ ଦେଇଛନ୍ତି ସେ। 'ଆଜି ଆମେ ଜମା ଡରିବାନି' ଗୀତର ତାଳେ ତାଳେ ସମସ୍ତେ ଅଭିନୟ ମାଧ୍ୟମରେ ସତର୍କ କରାଉଥିବା ଦେଖିବାକୁ ମିଳିଛି ଏହି ଭିଡ଼ିଓରେ। ସେପଟେ ଲକଡାଉନ ନିୟମକୁ ପାଳନ କରିବା ସହିତ କୋରୋନା ଯୋଦ୍ଧାଙ୍କୁ ମଧ୍ୟ ବେଶ ଶୁଭେଚ୍ଛା ଜ୍ଞାପନ କରିଛନ୍ତି ସେ। ଏହି ସଂକଟ ସମୟରେ ସତର୍କ ରହିଲେ ଖୁବ ଶୀଘ୍ର ଏହି ସମସ୍ୟା ଦୁର ହେବ ବୋଲି ସେ ଗୀତ ମାଧ୍ୟମରେ ସାଧାରଣ ଲୋକଙ୍କୁ ସୂଚେଇ ଦେଇଛନ୍ତି। 

ସେପଟେ ଏହି ଗୀତ ପାଇଁ ସେ ସୁଜାତା ରଥଙ୍କୁ ଅଶେଷ ଅଶେଷ ଧନ୍ୟବାଦ ମଧ୍ୟ ଦେଇଛନ୍ତି। ଭିଡ଼ିଓଟିକୁ ପ୍ରସ୍ତୁତ କରିବାରେ ବିଶ୍ୱରୂପ ମହାପାତ୍ର ଓ ସୁଦୀପ ପ୍ରଭୁଙ୍କ ସହାୟତା ଲୋଡ଼ିଛନ୍ତି। ଏହି ସୂମଧୁର ସଂଗୀତ ପାଇଁ ମଧ୍ୟ ସେ ବିଶ୍ୱରୂପ ମହାପାତ୍ରଙ୍କୁ ମଧ୍ୟ ଧନ୍ୟବାଦ ଦେଇଥିବା ବେଳେ ସୁଦୀପଙ୍କୁ ଇନଷ୍ଟ୍ରୁମେଣ୍ଟ ପାଇଁ ମଧ୍ୟ ଧନ୍ୟବାଦ ଦେଇଛନ୍ତି।