ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ୩ ଲକ୍ଷ ପ୍ରଦାନ କଲେ ଅର୍ଦ୍ଧେନ୍ଦୁ

ଭୁବନେଶ୍ୱର: ଓଲିଉଡ଼ ଅଭିନେତା ଅର୍ଦ୍ଧେନ୍ଦୁ ସୁନ୍ଦର ସାହୁ ଓ ତାଙ୍କ ପତ୍ନୀ ଡାକ୍ତର ପଲ୍ଲବୀ ମହାରଥୀ କୋରୋନା ସଂକଟ  ସମୟରେ ସହାୟତାର ହାତ ବଢାଇଛନ୍ତି। ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ଉପସ୍ଥିତିରେ ଆଜି ସେ ୩ ଲକ୍ଷ ଟଙ୍କା ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ପ୍ରଦାନ କରିଛନ୍ତି। 

ସୂଚନା ଯୋଗ୍ୟ ପୂର୍ବରୁ ସେ ସମସ୍ୟା ପୀଡ଼ିତଙ୍କୁ ଖାଦ୍ୟ ଯୋଗାଇବା ନେଇ କିଛି ଦିନ ତଳେ ସୋସିଆଲ ମିଡ଼ିଆରେ ଏକ ଭିଡ଼ିଓ ମାଧ୍ୟମରେ ସୂଚନା ଦେଇଥିଲେ। ତେବେ ଏନେଇ ସେ ପ୍ରଶାସନର ଅନୁମତି ଲୋଡ଼ିଥିଲେ ସେ। କିନ୍ତୁ ଆଜି ସେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିଙ୍କୁ ଏହି ଅର୍ଥ ପ୍ରଦାନ କରିଛନ୍ତି। 

ତେବେ ତାଙ୍କର ଏହି ଅବଦାନ ପାଇଁ ସମଗ୍ର ରାଜ୍ୟ ସହିତ ସିନେତାରକା ପ୍ରଶଂସା କରିଛନ୍ତି। ଏପରିକି ପିପିଲିର ଜ୍ୱାଇଁ ଭାବେ ମଧ୍ୟ ତାଙ୍କୁ ବେଶ ପ୍ରଶଂସା କରାଯାଇଛି। ଜଣେ ମହାନୁଭବ ତଥା ଉଦାରୀମଣିଷ ଭାବେ ତାଙ୍କୁ ପ୍ରଶଂସା କରିଛନ୍ତି ପିପିଲିବାସୀ।