'୩୮ ଲକ୍ଷ ଛାତ୍ରଛାତ୍ରୀଙ୍କୁ ଅନଲାଇନ ଶିକ୍ଷା ପହଞ୍ଚାଇବାରେ ଗଣଶିକ୍ଷା ବିଭାଗ ବିଫଳ'

ଶାନ୍ତସ୍ୱରୂପ ରାଉତ, ଭୁବନେଶ୍ୱର: ଅନଲାଇନ୍ ଶିକ୍ଷାଦାନରେ ଅନିୟମିତତା ଅଭିଯୋଗ । ଏହି ଅଭିଯୋଗ କରିଛି ଓଡ଼ିଶା ଅଭିଭାବକ ମହାସଂଘ । ଏନେଇ ସଂଘ ପକ୍ଷରୁ ଓଡ଼ିଶା ବିଦ୍ୟାଳୟ ଶିକ୍ଷା ପ୍ରକଳ୍ପ ନିର୍ଦ୍ଦେଶକଙ୍କୁ ଏକ ଦାବିପତ୍ର ଦିଆଯାଇଛି । 

କୋରୋନା କଟକଣା ଯୋଗୁ ଏବେ ବିଦ୍ୟାଳୟ ବନ୍ଦ ରହିଛି । ତେଣୁ ଗଣଶିକ୍ଷା ବିଭାଗ ପକ୍ଷରୁ ଛାତ୍ରଛାତ୍ରୀଙ୍କୁ ଅନଲାଇନ ମାଧ୍ୟମରେ ଶିକ୍ଷାଦାନ କରାଯାଉଛି । ତେବେ ରାଜ୍ୟର ବିଦ୍ୟାଳୟରେ ୬୦ ଲକ୍ଷ ଛାତ୍ରଛାତ୍ରୀ ଅଛନ୍ତି । ହେଲେ ଅନଲାଇନ ମାଧ୍ୟମରେ ମାତ୍ର ୨୨ ଲକ୍ଷ ଛାତ୍ରଛାତ୍ରୀ ଉପକୃତ ହେଉଛନ୍ତି । ଗତକାଲି ବିଭାଗୀୟ ମନ୍ତ୍ରୀ ଏକଥା କହିଥିଲେ । ଯାହାକୁ ନେଇ ପ୍ରସଙ୍ଗ କରିଛି ଓଡ଼ିଶା ଅଭିଭାବକ ମହାସଂଘ । 

ମହାସଂଘର କହିବା କଥା ହେଲା, ୬୦ ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରୁ ମାତ୍ର ୨୨ ଲକ୍ଷ ଛାତ୍ରଛାତ୍ରୀ ଅନଲାଇନ ଶିକ୍ଷା ପାଇପାରୁଛନ୍ତି । ଅର୍ଥାତ ଅନ୍ୟ ୩୮ ଲକ୍ଷ ଛାତ୍ରୀଛାତ୍ରୀଙ୍କୁ ଅନଲାଇନ ଶିକ୍ଷା ପହଞ୍ଚାଇବାରେ ସରକାର ବିଫଳ ହୋଇଛନ୍ତି । ସ୍ମାର୍ଟ ଫୋନ ଓ କନେକ୍ଟିଭିଟି ଅଭାବରୁ ଛାତ୍ରଛାତ୍ରୀ ଅନଲାଇନ୍ ଶିକ୍ଷାରୁ ବଞ୍ଚିତ ହେଉଥିବା କହିଛି ଓଡ଼ିଶା ଅଭିଭାବକ ମହାସଂଘ । 

Add Zee News as a Preferred Source